المساعد الشخصي الرقمي

مشاهدة النسخة كاملة : تخيَــــل ...

غــ روحي ــلا
15-01-2003, 16:24
اعزائي هذي قصيدة من قصايد الامير بدر بن عبدالمحسن .. قصيدة مليئة بالكلمات الرائعة والمعاني الجميلة .. حبيت اني اشاركم فيها .. اتمنى انها تعجبكم .. [HR]


تاقف على اطراف الهدب .. وماشافتك عيني ..
صافحتني ومدري يدك هي لمست ايديني ...
سلم .. ابارد السلام ..
وهذا ترى كل الكلام ..
اللي بقى بينك وبيني ...

تخيـّــل ...

من وين ... ومنين ومتى ...
بالله ذكرني ...
بالله ذكرني ... متى
جيتك انا فـ ليلة شتا ..
تهزني ريح الشمال ...
محتاج انا لبسمه وشال ...
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام .. وهذا ترى كل الكلام
اللي حصل بينك وبيني ...

تخيّــــل ...

اليوم لعيوني السما والارض البعيد ...
اليوم ولغيرك انا يطري على بالي القصيد ...
اشتقت للقلب الخلي ..
وش هم .. لو تعتب علىّ ..
جيتك انا فـ ليلة ألم .. قلبي على كفي ...
همست لي روح ياغريب الشوق مايكفي ...
سلم ابارد السلام ...
وهذا ترى كل الكلام ...
اللي بقى بينك وبيني ... تخيّــــل ...
الوسمي
15-01-2003, 17:13
تسلم ايدينج على القصايد الحلوه...اختيار موفق
almansy
15-01-2003, 23:11
الف شكر لهذا الذوق الرائع

وتسطيره بين ايدينا

والرائع لايجلب الا الرائع

ارق التحايا

المنسي
غــ روحي ــلا
16-01-2003, 03:08
الوسمي .. تسلم اخي على الرد الرائع .. :)

almansy .. ليس هناك شي رائع اكثر من ردك اخي .. تسلم .. :)

تحياتي ..
جاسوس
17-01-2003, 23:20
ياعيني على الابيات الحلوه ياحلوه:)
عظيم الشوق
18-01-2003, 17:01
اختي تسلمين ...... وما قصّرتي ....... اختيار جميل ورائع ..... وطبعا بدر بن عبدالمحسن من افضل الشعراء كتابةًً للشعر الحر والشعر الموزووون ......
شكرا اختي مره ثانيه على مشاركاتج اللي تمتعنا دائما .... والله يعطيج العافيه اختي .....
عظيم الشوق
ولـه دبـي
18-01-2003, 17:10
أختي غلا ..

كلمات في غاية الروعة و الجمال .. تستحق القراءة و التمعن في معانيها..

تسلمين أختي و نتريا منج المزيد...
vip_aluae
18-01-2003, 21:26
انا مع الوسمي
الكلام الجميل ما يجلب إلا جميل
CraZy_EyEz
19-01-2003, 15:40
غلا ... مشاركه جميله تعبر عن ذوق رفيع :) في انتظار المزيد ان شاء الله
غــ روحي ــلا
19-01-2003, 23:26
جاسوس .. اخي اعلم ان مواضيعي لاتكمل الا بردك ..
شكرا على التواصل الدائم .. :)


عظيم الشوق.. اخي تسلم على ردك الرائع .. واذا القصيده اعجبتك فهذا كله من ذوقك .. :)

ولـه دبـي ... اختي .. ليس هناك اروع من ردودك الرائعه ومنك .. تسلمين لي دوم ان شالله :)

vip_aluae .. شكرا على ردك الجميل .. :)

CraZy_EyEz .. شكرا على تواجدك بين كلمات القصيده الرائعه وهذا ان دل دل على ذوقك الرفيع .. :)
المستشاره
19-01-2003, 23:35
سلمت يداك على الاختيار الرائع والموفق وليش بغريب على مبدعه

مثلك هذا الاختيار ..ولك الف تحيه والف شكر ..