بيبي84
13-11-2006, 06:00
هذي السلسة الساخرة بينفرد فيها منتدى الإمارات .. أتمنى تعجبكم .. وأبي تشجيعكم ..
أختكم (بيبي 84 \سهر الليالي 84)
[Miss 3adyيوميات فتاة عاطلة عن الحياة !@!!
طبعا الكل بيستغرب منو هذي مس عادي وشنو سالفتها ؟؟؟ الله يسلمكم .. هذي أنا .. بإختصار اخترت هالإسم .. لأن كل شي في نظري ...عادي !!!!...لاتستغربون .. كل ماتصير مشكلة إجابتي الدائمة
" عادي ... وش يعني "
أختي تقول لي عن شي صار لها في غاية الأهمية أعلق ببساطة
" عادي وإذا .."
تصرخ وتقول " أي بسميج أم العادي ... كل شي عندج عادي .."
مسكينة مكثر ما أقهرها بهالكلمة ..
زوجة أخوي تشكي لي عن الولد كله يصيح مزعجها ( عمره شهرين )
أرد عليها ببلاهه .." عادي كل اليهال اللي في هالعمر يبجون ويزعجون ويرجعون بدون سبب .."
ترد علي معصبة " لا يا جوجو مو كل شي عادي حمود يبجي بشكل غير طبيعي "
وتتركني وتروح لأمي تستشيرها ..
(طبعا أمي .. كله تهزئني .. على أشياء أستاهل (في بعض المرات موب دايما) أتهزأ عشانها .. )
أجيب ببساطة " عادي .."
تصرخ " اعنبو دارج شنو عادي وين قاعدين؟؟؟ قومي انجلعي عن ويههي "
أروح المطبخ أشوف خدامتنا العيوز شانتا .. طبعا هي أول ماتشوف ويههي تتذكر اللي ناقصها في المطبخ .. ما أدري من قص عليها وقال أن مكتوب على يبهتي كلمة جمعية ..
طبعا تقول لي وهي مستهمة
" جوجو .. نبي أكياس زباله .. جوجو نبي بصل مافي جوجو ..مافي بهار .."
طبعا أرد بببساطة " عادي .. ماله داعي لأكياس الزباله .. ومحد يموت من الجوع .. أطبخي من دون بصل "
عاد تقول لي معصبة ( وصوتها عااااااااااااااالي نبرة صوتها فعلا حادة سيريلانكية عاد ومعروف عنهم حدة الصوت ...المهم انتبهوا أن الصوت عااااااااااااالي لدرجة اني صكيت اذوني "
" ايه جوجو مو عادي شنو كل شي عادي أنا يبي بصل ضروري سالم يبي كبسه لحم جوجو كل شي عادي مايصير .."
مايسوى علي حتى الخدامة تصرخ فيني ..
" بس .. ما أبي صوت، سالم يبي كبسه خل سالم يروح جمعية .."
تركتها ورحت حجرتي ..
هذا ببساطة سبب اختياري لكلمة عادي كأساس للعنوان .. لأنه أصبحت أساس لحياتي ... تخيلوا .. قالت لي خالتي وهي مرتعبة
" في مشاكل بين حزب الله واسرائيل .. اسرائيل تبي تغزو الجنوب .."
عاد رديت بذكائي السياسي " عادي ... طبعا أكيد اسرائيل متواطئة مع أميركا اللي خل أميركا تضغط على لبنان علشان تطرد الجيش السوري من لبنان وتصير لبنان ضعيفة فتجي اسرائيل تحتل لبنان "
طبعا مايحتاي أقولكم شلون صار ويهه خالتي لما قلت لها هالتحليل .. بس تخيلو علامة تعجب كبيييييييييييييرة .. صرخت في خالتي
" شلون يكون عادي عندج أن تصير حرب ووايد ناس تتأذى وتستشهد "
قاطعت خالتي
" خالتي .. إنت هالحين تركت كل هالكلام الي قلته ويالسه تهاوشيني ليش قلت عادي ؟؟ "
عاد تدخلت أختي شيخة " خالتي جوجو عندها كل شي عادي .. ما أدري شالي مو عادي عندها ... خليها عنج وتعالي اشربي قهوة "
طبعا عصبت أن أختي اللي أصغر مني بسنتين تقلل من أهمية كلامي وأول ما أبي أتكلم قالت لي أمي
" الجازي ... مالي خلق وجع راس إن تكلمتي وتفلسفتي بحذفج بهالدلة .. خل نشوف الأخبار وما أبي أسمع حسج ..."
طبعا تغندبت وعويت البوز .. وطبعا اختي شيخة الحمارة تضحك علي ..
المهم خلينا من الحرب ... وخلينا من هالسوالف .... صراحة أنا أبي أفضفض .. وأبي أوسع صدري .. وقلت مالي إلا أكتب يومياتي .. وأخليكم تشوفون شوي جزء من حياتي .. طبعا 73% من هالأحداث تأليف.. و...لحظة 73 ناقص مية كم ؟؟؟ اييه إذا حسبتي صحيحة 27% من هالأحداث حقيقية مية فالمية .. طبعا غيرنا الأسماء ... وإذا في تشابه بين هالأحداث وأحداث في الواقع فهي مقصودة .. " خليني أقلد فجر السعيد .. شسوي ...اعنبو التقليد "
سهر الليالي 84
ما أدري ليش حطيت لقبي ؟؟ صراحة ماله داعي ... بس موب مشكلة .. قصتي .. وكيفي أحط اسمي .. مو بس فجر السعيد ..
(( يا هذي فجر السعيد تراها غاثتي صحيح .. خصوصا بعد مسلسلها الأخير البااااااااااايخ .. اللي ماشفنا فيه غير هالشفايف المتفخة كأن نحلة لسعت براطم الممثلات .. ما أدري وين مصورين هالمسلسل في منحل ؟؟ لا تدرون أتوقع هذا حميد ولد جيرانا طايح فيهم طق بهالنبيطة !! ))
*1*
فتحت عيوني غصب .. طالعت أختي شيخة ..
" جوجو تروحين الحياة بلازا ؟؟ محمد يبي ياخذني أنا وفهود .. "
طالعت أختي وأنا نعسااااااااااااااااااانه الساعة كانت عشر ونص .. وهذا انتهاك لحقوقي النومية أنا أصحى عادة في الوااااحدة ظهرا ..
" لاء !"
" قومي من كثر طلعاتج .."
طالعت أختي " ما أبي "
" كيفج .."
رجعت أكمل حلمي .. اللي صراحة كان ملخبط .. أكره ماعندي أحلم حلم ملخبط .. بس أحلى مافي الأمر أنج لما تصحين تعرف أنه مجرد حلم .. تحمد الله مية مره .طبعا السيكولوجية (ما أدري إذا كتبت الكلمة صح ) تشرح هالأمر أنه ناتج عن تشتت في حياة الشخص ...أو اضطرابات نفسية وقهرية هذا الشي خلاني أتذكر مقولة أتوقع أنها لمحمد الماغوط.." أحلامك هي يقظة ما نام منك في النهار " مايعجبني هالكلام صراحة .. لأن حياتي واضحة بالمرة الحمدالله والشكر أنا يعني أسهر طول الليل يا في الكتابة أو قراءة الكتب أو معلمي الأول (( التلفزيون )) .. وثمان ساعات نايمة وست ساعات يالسه مع الأهل ضحك وسوالف أو مناقشات أو ندوات دينية والصلاة ...والساعات اللي باقية أضيعها يا في النت أو اللعب مع عيال أخواني .. (عددهم اثنان .. حمود عمره شهرين .. وفهود سنتين وكم شهر )
أستغرب وين الإضطرابات النفسية والتشتت .. صراحة الحلم يهلكني نفسيا .. حلم ملخبط دايما مية شغلة وشغلة صراحة تعبت .. مايصير الواحد مايرتاح حتى نومه ..
المهم فتحت عيني للمرة الثانية كانت اختي موجوده ...
" متى رجعت ؟"
" من خمس دقايق اصحي .. متى نمت الصبح ؟؟"
" خمس .. كم الساعة هالحين ..؟؟ "
" وحده ونص .."
" شسويتي "
تمددت أختي على السرير " الله ياخذهم هالشباب .. مايستحون على ويهم .. تركني أخوي محمد مع فهد اللي أول مرة في حياته كان هادي .. ما أزعجني .. رحت المخازن ومحمد راح مدري وين .. المهم والمغازل بدا .."
" لا لا تقولين أنهم ماحشمو الولد ؟؟؟؟!!!!! "
" ولا كأنه موجود .. ياليته واحد اتهرب منه .. ولااثنين .. فوق الستة .. وكل واحد يقول خذي الرقم .. طبعا أنا ماتكلمت ولاكلمة .. بس نظرة احتقار ورحت قسم الألعاب .. وفهد اعجبته لعبة قطار تم يلعب فيها بعدين تغدينا ويينا .. .."
فكرت شوي .. " عادي شباب هاليومين مايحشمون العياييز .. تبينهم يحشمون فهد وهو ماكمل الثلاث سنوات ؟؟"
" رجعنا لكلمة عادي .. شوفي أنا ضغطي توب .. إن قلتي لي عادي مرة ثانية بضربج بعلبة الكوكيز هاذي .."
وطالعت الكيس اللي على السرير كان فيه كيك جلكسي بالكراميل وعلبة كوكيز بالشوكولاته ..
المهم .. صحيت وأول ماشافتني أمي
" الحين صحيتي ؟؟؟ صليتي ؟؟"
"عادي الحين أصلي يمه لاتسوينها سالفة "
طالعت لي أمي معصبة " ما أدري لي متى بتظلين على هالحال البايخ .. رقاد في النهار وصاحية طول الليل "
" يمه .. يمه .. أنا كاتبه ..تفهمين شنو معنى كاتبه ؟؟ يعني حياتي في السهر .. "
تدخل أخوي عبدالوهاب " أييه أرنست همنغواي .. موب الجازي .. أنت فاشله صراحه ..انسي سالفة الكتابه مابتوديج لمكان .."
أخوي عبدالوهاب .. ماقلتكم عنه .. هو أعزب .. أكبر مني بست سنوات .. مدرس علوم .. من برج الجوزاء .. وأأكد لكم أنه .. رغم احباطااته الدائمة لي .. شخصيته رائعه ..
إييه .. ولوع جبدي من كثر مايسأل عن خطيبته .. المسكينه ثانوية عامه وهو مايبي يفكها من اهتمامه الزايد !!
بكلمكم عنه بعدين .. المهم .. نرجع للموقف أعلاه .. (حلوه أعلاه ) ..
رديت لخوي عبده " أقول .. مب يعني أنك فشلت أدبيا أنك تجي وتقلل من موهبتي الأدبية .."
طالعني يضحك " أنا مافشلت .. بس أقول .. روحي سنعي كشتج بعدين تعالي كلميني "
عصبت .. صج كانت كشتي في حاله يرثى لها.. شتتوقعون وحده حلمها كله ملخبط وتايه ..تتوفعون الشعر يكون مرتب والفراش مرتب ؟؟ لا طبعا .. شعري كأن اعصار مر فيه .. وسريري دايم أختي تهاوشني وتقول لي " انت شلون تنامين ؟؟ نومج عبث ! "
طبعا الديباج في صوب والشرشف في صوب والمخده في صوب .. المهم أرجع لخوي عبده ..
" " توني صحيت من نومي مامداني أغسل ويههي إلا واستلمتني أمي محاضرات ."
يتبــــــــــــــــــــــــــــــــــــــــــــــع .....
أختكم (بيبي 84 \سهر الليالي 84)
[Miss 3adyيوميات فتاة عاطلة عن الحياة !@!!
طبعا الكل بيستغرب منو هذي مس عادي وشنو سالفتها ؟؟؟ الله يسلمكم .. هذي أنا .. بإختصار اخترت هالإسم .. لأن كل شي في نظري ...عادي !!!!...لاتستغربون .. كل ماتصير مشكلة إجابتي الدائمة
" عادي ... وش يعني "
أختي تقول لي عن شي صار لها في غاية الأهمية أعلق ببساطة
" عادي وإذا .."
تصرخ وتقول " أي بسميج أم العادي ... كل شي عندج عادي .."
مسكينة مكثر ما أقهرها بهالكلمة ..
زوجة أخوي تشكي لي عن الولد كله يصيح مزعجها ( عمره شهرين )
أرد عليها ببلاهه .." عادي كل اليهال اللي في هالعمر يبجون ويزعجون ويرجعون بدون سبب .."
ترد علي معصبة " لا يا جوجو مو كل شي عادي حمود يبجي بشكل غير طبيعي "
وتتركني وتروح لأمي تستشيرها ..
(طبعا أمي .. كله تهزئني .. على أشياء أستاهل (في بعض المرات موب دايما) أتهزأ عشانها .. )
أجيب ببساطة " عادي .."
تصرخ " اعنبو دارج شنو عادي وين قاعدين؟؟؟ قومي انجلعي عن ويههي "
أروح المطبخ أشوف خدامتنا العيوز شانتا .. طبعا هي أول ماتشوف ويههي تتذكر اللي ناقصها في المطبخ .. ما أدري من قص عليها وقال أن مكتوب على يبهتي كلمة جمعية ..
طبعا تقول لي وهي مستهمة
" جوجو .. نبي أكياس زباله .. جوجو نبي بصل مافي جوجو ..مافي بهار .."
طبعا أرد بببساطة " عادي .. ماله داعي لأكياس الزباله .. ومحد يموت من الجوع .. أطبخي من دون بصل "
عاد تقول لي معصبة ( وصوتها عااااااااااااااالي نبرة صوتها فعلا حادة سيريلانكية عاد ومعروف عنهم حدة الصوت ...المهم انتبهوا أن الصوت عااااااااااااالي لدرجة اني صكيت اذوني "
" ايه جوجو مو عادي شنو كل شي عادي أنا يبي بصل ضروري سالم يبي كبسه لحم جوجو كل شي عادي مايصير .."
مايسوى علي حتى الخدامة تصرخ فيني ..
" بس .. ما أبي صوت، سالم يبي كبسه خل سالم يروح جمعية .."
تركتها ورحت حجرتي ..
هذا ببساطة سبب اختياري لكلمة عادي كأساس للعنوان .. لأنه أصبحت أساس لحياتي ... تخيلوا .. قالت لي خالتي وهي مرتعبة
" في مشاكل بين حزب الله واسرائيل .. اسرائيل تبي تغزو الجنوب .."
عاد رديت بذكائي السياسي " عادي ... طبعا أكيد اسرائيل متواطئة مع أميركا اللي خل أميركا تضغط على لبنان علشان تطرد الجيش السوري من لبنان وتصير لبنان ضعيفة فتجي اسرائيل تحتل لبنان "
طبعا مايحتاي أقولكم شلون صار ويهه خالتي لما قلت لها هالتحليل .. بس تخيلو علامة تعجب كبيييييييييييييرة .. صرخت في خالتي
" شلون يكون عادي عندج أن تصير حرب ووايد ناس تتأذى وتستشهد "
قاطعت خالتي
" خالتي .. إنت هالحين تركت كل هالكلام الي قلته ويالسه تهاوشيني ليش قلت عادي ؟؟ "
عاد تدخلت أختي شيخة " خالتي جوجو عندها كل شي عادي .. ما أدري شالي مو عادي عندها ... خليها عنج وتعالي اشربي قهوة "
طبعا عصبت أن أختي اللي أصغر مني بسنتين تقلل من أهمية كلامي وأول ما أبي أتكلم قالت لي أمي
" الجازي ... مالي خلق وجع راس إن تكلمتي وتفلسفتي بحذفج بهالدلة .. خل نشوف الأخبار وما أبي أسمع حسج ..."
طبعا تغندبت وعويت البوز .. وطبعا اختي شيخة الحمارة تضحك علي ..
المهم خلينا من الحرب ... وخلينا من هالسوالف .... صراحة أنا أبي أفضفض .. وأبي أوسع صدري .. وقلت مالي إلا أكتب يومياتي .. وأخليكم تشوفون شوي جزء من حياتي .. طبعا 73% من هالأحداث تأليف.. و...لحظة 73 ناقص مية كم ؟؟؟ اييه إذا حسبتي صحيحة 27% من هالأحداث حقيقية مية فالمية .. طبعا غيرنا الأسماء ... وإذا في تشابه بين هالأحداث وأحداث في الواقع فهي مقصودة .. " خليني أقلد فجر السعيد .. شسوي ...اعنبو التقليد "
سهر الليالي 84
ما أدري ليش حطيت لقبي ؟؟ صراحة ماله داعي ... بس موب مشكلة .. قصتي .. وكيفي أحط اسمي .. مو بس فجر السعيد ..
(( يا هذي فجر السعيد تراها غاثتي صحيح .. خصوصا بعد مسلسلها الأخير البااااااااااايخ .. اللي ماشفنا فيه غير هالشفايف المتفخة كأن نحلة لسعت براطم الممثلات .. ما أدري وين مصورين هالمسلسل في منحل ؟؟ لا تدرون أتوقع هذا حميد ولد جيرانا طايح فيهم طق بهالنبيطة !! ))
*1*
فتحت عيوني غصب .. طالعت أختي شيخة ..
" جوجو تروحين الحياة بلازا ؟؟ محمد يبي ياخذني أنا وفهود .. "
طالعت أختي وأنا نعسااااااااااااااااااانه الساعة كانت عشر ونص .. وهذا انتهاك لحقوقي النومية أنا أصحى عادة في الوااااحدة ظهرا ..
" لاء !"
" قومي من كثر طلعاتج .."
طالعت أختي " ما أبي "
" كيفج .."
رجعت أكمل حلمي .. اللي صراحة كان ملخبط .. أكره ماعندي أحلم حلم ملخبط .. بس أحلى مافي الأمر أنج لما تصحين تعرف أنه مجرد حلم .. تحمد الله مية مره .طبعا السيكولوجية (ما أدري إذا كتبت الكلمة صح ) تشرح هالأمر أنه ناتج عن تشتت في حياة الشخص ...أو اضطرابات نفسية وقهرية هذا الشي خلاني أتذكر مقولة أتوقع أنها لمحمد الماغوط.." أحلامك هي يقظة ما نام منك في النهار " مايعجبني هالكلام صراحة .. لأن حياتي واضحة بالمرة الحمدالله والشكر أنا يعني أسهر طول الليل يا في الكتابة أو قراءة الكتب أو معلمي الأول (( التلفزيون )) .. وثمان ساعات نايمة وست ساعات يالسه مع الأهل ضحك وسوالف أو مناقشات أو ندوات دينية والصلاة ...والساعات اللي باقية أضيعها يا في النت أو اللعب مع عيال أخواني .. (عددهم اثنان .. حمود عمره شهرين .. وفهود سنتين وكم شهر )
أستغرب وين الإضطرابات النفسية والتشتت .. صراحة الحلم يهلكني نفسيا .. حلم ملخبط دايما مية شغلة وشغلة صراحة تعبت .. مايصير الواحد مايرتاح حتى نومه ..
المهم فتحت عيني للمرة الثانية كانت اختي موجوده ...
" متى رجعت ؟"
" من خمس دقايق اصحي .. متى نمت الصبح ؟؟"
" خمس .. كم الساعة هالحين ..؟؟ "
" وحده ونص .."
" شسويتي "
تمددت أختي على السرير " الله ياخذهم هالشباب .. مايستحون على ويهم .. تركني أخوي محمد مع فهد اللي أول مرة في حياته كان هادي .. ما أزعجني .. رحت المخازن ومحمد راح مدري وين .. المهم والمغازل بدا .."
" لا لا تقولين أنهم ماحشمو الولد ؟؟؟؟!!!!! "
" ولا كأنه موجود .. ياليته واحد اتهرب منه .. ولااثنين .. فوق الستة .. وكل واحد يقول خذي الرقم .. طبعا أنا ماتكلمت ولاكلمة .. بس نظرة احتقار ورحت قسم الألعاب .. وفهد اعجبته لعبة قطار تم يلعب فيها بعدين تغدينا ويينا .. .."
فكرت شوي .. " عادي شباب هاليومين مايحشمون العياييز .. تبينهم يحشمون فهد وهو ماكمل الثلاث سنوات ؟؟"
" رجعنا لكلمة عادي .. شوفي أنا ضغطي توب .. إن قلتي لي عادي مرة ثانية بضربج بعلبة الكوكيز هاذي .."
وطالعت الكيس اللي على السرير كان فيه كيك جلكسي بالكراميل وعلبة كوكيز بالشوكولاته ..
المهم .. صحيت وأول ماشافتني أمي
" الحين صحيتي ؟؟؟ صليتي ؟؟"
"عادي الحين أصلي يمه لاتسوينها سالفة "
طالعت لي أمي معصبة " ما أدري لي متى بتظلين على هالحال البايخ .. رقاد في النهار وصاحية طول الليل "
" يمه .. يمه .. أنا كاتبه ..تفهمين شنو معنى كاتبه ؟؟ يعني حياتي في السهر .. "
تدخل أخوي عبدالوهاب " أييه أرنست همنغواي .. موب الجازي .. أنت فاشله صراحه ..انسي سالفة الكتابه مابتوديج لمكان .."
أخوي عبدالوهاب .. ماقلتكم عنه .. هو أعزب .. أكبر مني بست سنوات .. مدرس علوم .. من برج الجوزاء .. وأأكد لكم أنه .. رغم احباطااته الدائمة لي .. شخصيته رائعه ..
إييه .. ولوع جبدي من كثر مايسأل عن خطيبته .. المسكينه ثانوية عامه وهو مايبي يفكها من اهتمامه الزايد !!
بكلمكم عنه بعدين .. المهم .. نرجع للموقف أعلاه .. (حلوه أعلاه ) ..
رديت لخوي عبده " أقول .. مب يعني أنك فشلت أدبيا أنك تجي وتقلل من موهبتي الأدبية .."
طالعني يضحك " أنا مافشلت .. بس أقول .. روحي سنعي كشتج بعدين تعالي كلميني "
عصبت .. صج كانت كشتي في حاله يرثى لها.. شتتوقعون وحده حلمها كله ملخبط وتايه ..تتوفعون الشعر يكون مرتب والفراش مرتب ؟؟ لا طبعا .. شعري كأن اعصار مر فيه .. وسريري دايم أختي تهاوشني وتقول لي " انت شلون تنامين ؟؟ نومج عبث ! "
طبعا الديباج في صوب والشرشف في صوب والمخده في صوب .. المهم أرجع لخوي عبده ..
" " توني صحيت من نومي مامداني أغسل ويههي إلا واستلمتني أمي محاضرات ."
يتبــــــــــــــــــــــــــــــــــــــــــــــع .....