المساعد الشخصي الرقمي

مشاهدة النسخة كاملة : شخصيات؟؟؟!!!!!

الحيرانه _ 1
16-03-2003, 03:48
هلا ....
عندي لعبه.... السالفه وما فيها ، إن كل فرد يبا يشارك في الموضوع يكتب كل إلي خاطره يكتبه ، يعني شي يتعلق بالمواد الدراسيه حتى ولو تعليق بسيط....
أنا برمس عن مادة العربي:
والله سمعوني عدل بصراحه الطالب مسكين ما يدري وين الله حاطنه...
وهو ظايع بين الفعل والفاعل والمفعول به ، والله ان الطالب وحليله مسكين...
سا محوني لإني ما أرمس بالغه العربيه الفصحه ترى والله معذورين.....
وحنا تايهين بي كتاب النصوص والقرائه ولا بعدكم ما شفتو شي ....
يقولك في وحده سإلتها المعلمه شو إعراب الأم وحطتها في جمله.....
والجمله هي:
طبخت الأم البلاليط.....:eek:
تدرون شو ردت ، هي وحده طبخت طباخ طعمه حلو وما تدخل إلا المطبخ وعلا مة طبخها ريحته حلوه...:rolleyes:
ويقولون لغه عربيه ظاعت اللغه من الألف إلى الياء .....:(
وشكراً ...
أنا على أحر من النار بإنتظار تعليقاتكم .....|3|
تحياتي لكم... |2|
إختكم الحيرانه:):)
كتكوته
16-03-2003, 08:23
أشوووو ..هذا يالحيرااانه ...قلبتي المواااج عليينا ..الله يهداج..

احييينه رواحنا مختبصين بالامتحانات..!!


امممممم..

والله ..كل شي أرف ..:( وأي شي أسمه دراااسه يعني لوعة جبد !!

وبــــــــــــــــــــــــــــــــــــــــــــــــــس !!

جي اللعبه ..يالحيرانه..؟ تراااني ظهرت اللي في خاطرييه ;)
Emaratia
16-03-2003, 09:18
لالالالالالالالالالالالالالالالالالالا
الصراحه ماعندي كلام اقووله عن الدراسه

يعني لوووولا الدراسه جااان الحين نحنا جهلاء

انا وحده اقدر كل كتاب امسكه في ايدي

حرام ماعندي شي في خاطري من الدراسه

صح تعب بس جهاد :)
Allord
17-03-2003, 01:07
أهوال الدراسة كبيرة

نحن في الجامعة ضايعين في اللغة الانجليزية
ما نعرف الشرق من الغرب

الدراسة بكلها بالنجليزي

و الله هم تقعد تحاول ترجم الكلام

كم بترجم
أنا الحين اكتب الرد و انا في المحاضرة الدكتور يتحرطم و كل الشباب قاعدين على النت .
و هو دكتور امريكي يعني ما له خص في العربية

تحياتي لج

و بثبت الموضوع علشان يكون في المقدمة
uae land
21-03-2003, 03:19
الدراسة ( احلى ايام عندي )

وما عندي اي تعليق على هالايام
Allord
21-03-2003, 03:48
uae land عن الدلع

أحلى أيام قال

تحياتي لك
UaELoVEr
21-03-2003, 10:16
انا بتكلم عن مأساتي ..

انا ما احب الماث ( الرياضيات ) ...


ولله ذبحونا يعطون مسال حلها صفحه او صفحتين .. خرابيط على سبيل المثال في الاشتقاق و التكامل اوكي هو مهم بس شو نبغي فيها ولله ذبوحنا و ضيعونا فيها ..

هههههه ...

متعقد من الرياضايات من هو صغير و داش هندسه :( ..
همس الليل
22-03-2003, 04:25
انا اموت بشي اسمه انجليزي
يعني لو حياتي كلها انجليزي جان زين
بس تخصصي فيه انجليزي و عربي مع بعض
يعني مساقات انجليزي و مساقات عربي
فالانجليزي احب اكون ( on the Top & the best )
بس بالعربي الي لازم يكون اسهل
انا ما اقدر اتحمل ( ملل من الخاطر )

هذا كل شي
اختكم
همس الليل
malaak_al7yah
22-03-2003, 05:47
اللغة النجليزيه حلوة للي يحب يعمق فيها بس الصراحه ممتعة
واللغة العربية النحوووووو ممل من الخاطر
UaELoVEr
22-03-2003, 07:45
همس و ملاك ... حبايبي .. اللغه العربية هي وعاء لكتاب لله .. لاكن نحنا مقصرين في فهم هذي للغه . ...

الكل له حق التعبير عن الراي ... بس حبيت انوه لهذا الشي :) ..
ولـه دبـي
01-04-2003, 12:58
أنا عقدتي من الصغر ولين الحين رياضيات .. أوني أحاول اتشطر في المادة ولكن للأسف ما يستوي.. مخي يقووول نو ماث.. وأنا أقووول بعد نووو نووو نوووو.. هههههه,, بس ماباليد حيلة .. عل و عسى نخترع قانون يديد و يستخدمونه من بعدنـــــا .. هههه
الحيرانه _ 1
03-04-2003, 10:31
أشكركم على الردود ...
فظفظو يالله قولوا ...
كل إلي في خاطركم ولا تخلو شي ..
تحياتي لكم .
Allord
03-04-2003, 03:04
أنا مثل أخوي لوفور ...

أكره الرياضيات من يوم انا صغير

و مشكلتي اني نتعقد منها

و يزيد الطين بله أن اسلئة الامتحانات غير عن اسئلة الكتاب ب 180 درجة

صدق مب مبالغة

اسالوا اي واحد في الجامعة و هو بخبركم

تحياتي للجميع
الحيرانه _ 1
12-04-2003, 11:27
الله يعينكم ياأهل الجامعه...
ويعينا من بعدكم ...
أشكوك على المشاركه
bent_flaan
13-04-2003, 12:59
هههههههههههههههههه

ويحليلكم انا صدق كنت اكره الاانجليزي والرياضيات صدق ارف

بس الحين لا مدرسة لا جامعة ولا شغل ولا شي ياسلاممممممممممممم على النوم ياسلام على الراحة اوني بدش الجامعة بعد التخرجي من الثانوية بسنه اوني باخذ سنه اجازة شكلي طولت وخذيت ا اسنين اجازة شكلي ما بكمل خخخخخخخخخخ

بس افكر اني اكمل ماادري بدع ما قريت كلامهم والي في خاطركم شكلي بطول الاجازة:p
Allord
13-04-2003, 12:30
bent_flaan


تبين الصدق

النوم
وايد حلو

بس انت بنت و اخرتج بتعرسين

بس نحن الشباب

الله يعينا
UaELoVEr
03-05-2003, 11:17
The Lord Of Darkness عني انا ياللورد اتريا بنت الحلال الي تي تخطبني و بودر الدراسه :D:D:D:D
بن بشر
08-05-2003, 03:14
الكل بيتزوج يا شباب بس خلصوا الدراسه قبل

ولاحقين على عوار الراس
دي_بياجيو
08-05-2003, 03:57
مرحبا
الدراسه ......... وما ادراك ما الدراسه
الدراسة يا اخواني في الله

شووو هذي كني قلبتها خطبه لا امزح
خلونا في المهم

انا من الناس اللي ما يدرسووون study
بس احب الدراسه
الدراسه بشكل عام يعني ادش شي جامعه معهد
ماعدا جامعه الامارات

وبعد عناء شديد
نجحت في الثنويه
طبعا بدووون مذاكره على بركة دعاء الوالدين

المهم حققت الحلم دشيت المعهد البترووولي
اتوقعوا شو صار

كرهت العلم وابوا العلم واللي يحبون العلم
وتيم مايزن وربعه الله يلعنهم ويحطهم في النار ( هذا اكيد طبعا )
مع اني احب المدرسين الي هناك
ناس طيبين (يعني مجبورين على ترسيبنا)

وكل هذا في الكوررس الثاني

هيه والله دنيا
بعد ما اقنعت الوالد اني ادش المعهد بالغصب
الحين انا ابي افنش هووو مب طايع

المهم نصيحه لله
اسمعوا نصيحة اهلكم
وادرسوا بس لاحد يفكر في المعهد البترووولي الله يلعنه
ويلعن اللي ....... ( حذفوها الرقابه)

اكثر ماده احبها انجلش طبعا
والحمدلله انا فيها اكثر من جيد فيها من اول اعدادي لي يومي هذا
تسلمين الحيرانه
تحياتي.....
بن بشر
08-05-2003, 03:53
كلامك حلو يا دي_بياجيو بس بيكون احلى لو ما فيه لعن

فعلا الشباب اللي دخلوا المعهد البترولي تعبوا وايد وبالأخير طلعوا... يعني ضيعوا على اعمارهم سنه عالاقل وما حصلوا فايده

الله يعينهم
زينة السيايه
08-05-2003, 07:57
انا باعتقادي الدراسة حلوة..خصوصا اذا كان الواحد يدرس المادة اللي يحبها..بالنسبه لي انا احب اتعلم اشياء يديدةما تصورون اشكثر...عندي فضول غير طبيعي و عشقي الكتب...لكن نقطة ضعفي اللغة العربية..لان في المدرسه تعلمت كل المواد بالانجليزي...للاسف..
لكن الحين احاول انني اقرى كتب عربية عشان اقوي اللغه..والحمدلله علي كل حال..
و انا رايي ان حتى البنت المفروض تدرس سواء كانت بتتزوج والا لا...لان الدراسه اهم شي...فنصيحتي يا بنت فلان انج تكملين دراستج..ما عليج من كلامهم...تر دراستج اخرتها بتفيدج وايد...وانا ما اقول هالشي بس لبنت فلان..اقول لكل شخص تخلى عن الدراسه..
والله يوفقكم ان شاالله
اختكم
زينووه
دي_بياجيو
12-05-2003, 12:29
ام سووري
بن بشر
ياخوووك
من الحره

آسف اذا كنت زودتها
ومشكور على تواصلك
تحياتي......
سهم العذاب
16-05-2003, 10:44
ههههههههههههههههههههههههههههه


ياجماعة نا بس بضحك

والله رهييب
نوفوه الدلوعه
23-05-2003, 01:45
امممممممممم
موضوع جد جميل بغرضه..
عني الصراحه أحب مادة اللغة الأنجليزيه,,لو حياتي كلها بهذي اللغة جان زين..و أحب الرياضيات..و أحب مادة الأحياء بعد ..و أقدر الكتب اللي بس تشد انتباهي ..و أحب أتناقش في أمور الدراسه و كيفية تطويرها في المدارس مع اللي أكبر مني..

هذا كل اللي عندي لليوم..يمكن أجيكم باجر و أزيد..

تحياتي للجميع
جنية متحنية
25-05-2003, 06:39
انا رايي من راي ذلورد اوف داركنيس...


احلى ايام عندي ايام الثانويه ...... :cool:

وياريتها لو ترجع مره ثانيه بس بدون امتحانات ..

اسمحولي على القصور :eek:
الماريه
04-06-2003, 03:46
الجاهل كالحمار
والمتعلم كالامير

وانا اقول انه الانسان يوم يتعلم يتعلم حق عمره لا اكثر ولا اقل
:)