السلام عليكم ورحمة الله وبركاته ،،

تحيه طيبة لكمــ جميعـــــــــاً ..

الساخرون .. قسم جاد على نهج فكاهي ..
وددت مشاركتكم .. بموقف من المواقف التي تثير الاستغراب فعـــلاً

"أنا مواطـــــــــن"

كلمتين كأي كلمتين .. ولكني تلقيتها وسرعان ما ارتسمت صدمة واضحة !!

كنت في الــ(Career fair) لهذا العام .. وكل شركة لها قسمها المعروف طبعاً
وكما يعلم الجميع فإن معرض التوظيف "للمواطنين فقط" وكنا نستقبل طلبات المواطنين بكل جد واجتهاد مع تمنياتنا "للمواطنين والمواطنات" بالتوفيق..

كنت منهمكه في إكمال الإستمارة مع أحد المتقدمين .. وإذا بي أسمع صوت جش يقول "Excuse me"
فبادرته بإجابه مع إلتفاته بسيطة "yes how may I help you" .. تركت ما بيدي وأعرته إهتمامي الكامل ..
رجل من الجالية "الهندية" في كامل هندامه ورائحة العطر "العربي" تفوح منه .. ابتسامة غرور تعلو شدقية وقلم "ماركة" يتخلل أصابعه ..
ابتسمت وقلت في نفسي "أكيد ياي يقدم شو ما يدري ان الوظايف للمواطنين" وبادرته بالسؤال هل من خدمة ؟؟ فرد على الفور "I dont speak Arabic"
أخرج من حقيبة صغيرة مجموعة أوراق وقال: "Can I attach my CV with the application" ومعناها هل أستطيع إرفاق سيرتي الذاتية مع إستمارة طلب التوظيف ؟
قلت في نفسي "الأخ واثق وايد من نفسه ما يشوف المكان كله مواطنين وين يبا !!"
هززت رأسي بالنفي وأعتذرت بكل لباقة قائــلة: كان بودي قبول أوراقك ولكن العرض هنا للمواطنين فقط.
أنزل رأسه وشعرت بالأسف عليه وأخرج من حقيبته شيئا مألوفا لدي .. ولكني ساعتها تلخبطت أفكاري بين الصدمة والدهشة
أخرج جواز سفر إماراتي .. وبلهجة ركيكة قال: "أنا مواطـــــــــــــن" ورفع "الجواز" أمام عيني لأراه بوضوح وابتسامة النصر تعلو محيــــــــــــــــاه !!
أخذت جواز السفر أقلبه بين يدي وأدقق في صورته المعتلية بياناته علي أرى تزويراً فيها !!
أستلمت أوراقه قائلا: تشرفنا يا مستر "راجيش سو كومار" !!!
أدار ظهره متجهاً الى بوابة الخروج وتركني فاغرة فاهي "مش مستوعبة اللي صار"

في دولة الإمارات أسرٌ تحفظ تاريخها ومجدها وكل ركن فيها .. ولم تحصل على "الجوازات" الى اليوم أسرٌ تفانت أفرادها في خدمة دولتنا الحبيبة وأعتبروا أنفسهم أبناؤها وما زالوا "يتمرمطون" من أجل "الجواز" !!
كيف يكون الأخ "المواطن" راجيش سو كومار من حاملي جواز دولة الإمارات العربية المتحدة ولو تسأله من هو حاكمها سيقول لك "نهي مالوم" مواطن "وكلمتين بالعربي" بالكاد تخرج منه ! والذين كرسوا أنفسهم في خدمة البلاد مازالوا ينتظرون الفرج الذي كاد ناظره أن يكون مستحيلاً ..

في النهاية ..
أقول لكم شكراً على المتابعة .. ودمتم برعاية الله ^_^

ههههههههههههههه
(شر البليه ما يضحك)
مشكوره غناتي عالموضوع
ولا تحرمينا من يديدج
تحياتي لج

ههههههههههههههههه حلوووووووووووووه

أنا مواتن مو موااااطن خخخخخخخخخخخخخخخ يسلمونيشن والله وماقصرتي

التـــــــــــــــــــــوطين سالفته سالفه!!!

صعب انبدل الهندي بالمواطن .. قلنا نعطيهم الجوازات أحسن!!!
(أسمهم بعد مواطنين)

عموما الأهم أن يحصل حامل الجواز (الشرعي) على حقوقه في بلاده

جواهر..

قلم جديد مبدع..

وموضوع جميل..

همسة: "جان قطيتي استمارته!!"

ناس عايشين ويرمسون اماراتي ويمكن احسن بعد وماحصلوا على الجواز

وناس يون بين يوم وليلة حصلوا جواز
اول مثال لاعب دياكيه حصل جواز ما يعرف يرمس عربي

شو اتقولين بس
بس ها هندي كيف حصل ؟
عسب انه تاجر ؟!!

الله يعين بس

اختي جواهر اشكرج على القصة

Ambone 7alwh

صدقتِ .. "شر البلية ما يضحك" .. بس شو بنقول !


shaytoona
"أنا مواتن" مع الفتحة على حرف التاء .. "أمحق مواتن"


الأرن
عزيزتي "المواطنين بالغصب" قاموا ياخذون حقوق غيرهم بالأضعاف
وبيني وبينج ورقته كانت آخر الأوراق :em03: بعد ما لفت على الكل وصار محور الحديث لمدة اسبوعين ..


bent_flaan
كله في صوب وريحة عطره في صوب .. صدق ترفع الضغط !!
وطبعا "علامة الجودة" الهندية لابد منها "هزة الرأس" ما أدري عنه يقول "هيه" أو "لا" !!


شكراً لكم جميعــــــاً

ما اضف شيئ يديد [/FONT[FONT="Arial Black"]]( لا تعليـــــــــــــــــــــــــــــق )

يقولون
اجا
ونهي :|

قناص بوظبي
جفت الأقلام ونشف الريق من كثر الكلام .. ولا من مجيب !!


bent_flaan

لو أعرف أرمس هندي برد عليه بالهندي :em03:

كدينا خيرر عيل .. !!!!!!!!!

اقرب زباله لج حطي فيها اوراقه .. شلووون بشتغل شغل ما يخص الا المواطنين وهو يرطم لي بالهندي ~~> واخزياه :em03:

غديـــر

ما نقول غير الله كريم ^_^

واللله قهر وانتو يالسين تضحكووون
هذا معناه ان اغلب سكان دولة الامارات من الهنود
وانتو مستانسين انا ما اقول هاي الرمسه من
عبث اقولها لان كمن واحد قالي هذا الشي
وكمن شخص قال ان نحن هنود مب عرب
وانا اول مرة وثاني مرة اعطيهم عاد ( اتعرفون
السان الحرمه متبري منها) وثاني مرة نفس الشي
وبعدين قمت اتسال ليش حاطين علينا هنود وهنود
وجان اسل حد جان يقولي ان الاجانب محتلين البلاد ولاهنود اكثر
عنا يعني شو تبونهم يفكروون وانا عاد متغصصه احر زمن العرب صاروو هنود
وصاحب هذي الارض واللي والد عليها يتبهدل واللي ما ادري من وين ياي
يحصل جواز ويكوون شي بالمجتمع والله ظلم
والسموحة
ويسلموووو

وربي حاله

شو ها والله الهنود اكثر من المواطنين وبالخص فدبي عفان الله هالهنود مسوين احتلال للبلاد ما خلو شي الا وادخلو فيه اخر شي بيقولون لنا اظهرو من البلاد هاي بلادنا .
مره اربيعتي كانت تخبرني سالفة وحده كنت امهما هنديه متزوجه مواطن ويوم حصلة على الجنسيه تطلقت من ريلها وتزوجت واحد هندي شراتها والله قهر اونها مواطنه متزوجه هندي بعدين هالهنديه يابت بنت وهالبنت كانت تدرس فمدارس الحكومه على اساس انها بنت مواطنه تدخل المدارس الحكوميه على جواز امها .
بذمتكم والله مب منقهرين :em14:
وياريت لو كانت تعرف ترمس عدل والله ما كنا بنقول لها شي الا هي 24 ساعه وتفر علينا قنابل من كل صوب
الله يهداها سوت الريال حرمه والحرمه ريال
الله يستر بس


تسلمين اختي جواهر ع السالفه الحلوه
وتقبلي ردي المتاخر :em05:

NO Comment.... lo0o0o0l

ههههههههههههههههههههههه حلللللللللللللللوه !!!

تبين الصدق والله سالفت مواطن و ما مواطن لازم ما نسكت عنها بس بعد شو نسوي اصلا اذا تبين تعرفين اذا هذا عربي قح شوفي قبيلته ترا العرب قبايلهم معروفه :em05:

ههههههههههههههههههههههههههههههههه..لالا الناس..




تقول..((أنته مواااااااااااتن))؟؟؟

هيلا ال maegيعنيييييييييييييييييي طلعوها من القااااااااموس العامي للأنجليز..

والله لو كان مسلم ماقلنا شي عاد مرة وحده هندوسي

(اصلا هذي كلها ارض الله هب ارض المواطنين بس نحن المواطنين لما انسافر الهند ما نقدر نرفع صوتنا عليهم من الخوف وهمه ما يعتدون علينا لانهم يحترمون العرب والعرب مايعرفون شي اسمه احترام )

هذا الكلام موجه للعرب كافة وليس الاماراتيين فقط....




والسموحة............................

شي طبيعي يا اختي


المفروض

كادارة جنسية


جنس العربي

اهو اولي

ما يجنسون الا بتان و هنود و بدووووووووووووون

مع احترامي لهم


بس ولاءه بيكون لبلده


الهندي كل فلوسه يحولها بلاده

بس العربي يصرف و يكد و يستقر

في باله ان كل البلاد العرب وطن له


انا ما انتقص منهم


بس مثل ما يقولون


لكل مقـــــــــــــــــام مقـــــــــــــــال

تقبلوا خالص تحياتي
أخوكمياي قصة حلوة تدرون عاد اموت باهل الامارات طبعا انا سعودية ويشرفني ادخل عندكم سعودية مغرمة بالامارات ][`~*¤!||!¤*~`][ لحمدان ][`~*¤!||!¤*~`][بعد قلبو ويا غناتي ترا القصة مررررررررررررة حلوة تجنن طالعة عليك تقبلوا خالص تحياتي
أختكم موج الصحاري

لا زلت اذكر حديث خالة الوالدة رحمها الله

حين قالت (رميزا اتقول انتي مواتنه انا مواتنه) !!

ورميزا هذه حصلت على الجنسية بعد ان تزوجت احد الشيبان رحمهم الله !!

الحالة حالة
الحالة استحالة !!

خلل التركيبة السكانية ووعي القيادة بذلك يفتح باب السؤال , لماذا استحق السيد راجيش سو كومار الجنسية يا ترى ؟

ما الذي قدّمه سيادة المواطن للدولة؟

الاخ المواطن لا يتحدث العربية كذلك ويزاحم المواطنين الذين يبحثون عن عمل في معرض الوظائف !!

الله المستعان

مرحبا بقلم جميل وواعد بيننا

مع التحية والتقدير

ناس عايشين ويرمسون اماراتي ويمكن احسن بعد وماحصلوا على الجواز

وناس يون بين يوم وليلة حصلوا جواز
اول مثال لاعب دياكيه حصل جواز ما يعرف يرمس عربي

شو اتقولين بس
بس ها هندي كيف حصل ؟
عسب انه تاجر ؟!!

الله يعين بس

اختي جواهر اشكرج على القصة



هية والله صح كلامج


ويسلموو ع موضوع

الغريبة باين من اسمه انه كافر راجيش كومار مب اسم مسلم كيف يتجنس والله كارثة

لووووووووول..
والله حالة مستحالة..
الهندي يقول "عيش حياتك" خخخ

مشكورة جواهر..

نرقب يديدج..

http://smileys.smileycentral.com/cat/4/4_2_204v.gif

دخيـــلج لا تــزيدي العوق اللي فيني ..

أخوي ايداوم في الشرطه .. ويخبرني عن البلاوي اللي ايشوفها ..
وكم مره انصدم في هنود وأجانب يايين يعبون استمارات ويوم يشوف جوازاتهم ينصدم ...!! الحبايب مواطنين ..؟؟

والله قهر ....

عندي ربيعاتي من أيام الدراسه كانوا وياي ويرمسون عدل وما عندهم جواز مع انه أهلهم وأجدادهم كلهم مولودين هني .. بس يتريون الجــواز ؟؟؟؟؟؟؟؟؟؟؟؟؟


يعني الواحد لازم ايصير تــاجر عشان يعطونه جــواز ..!!!


آخرتها هم اللي بيحتلون البلاد وبيصيرون شعب الامارات قوم طااااااخ طييييييييخ ...

الله المســــــــــتعان ..


تســـــــلمين الغاليه على هالموضوع ... وجان قطعتي أوراقـــه ... والا لاء حرااام صار مواطن ويستاهل ...