كتبت هالموضوع من فترة لكن ما لقيت الوقت المناسب عسب أنزله..



بعد الدراسة .. العمل .. الامتحانات.. تأتي الإجازة الصيفة!!
(شو هالمقدمة :em20: )

المهم..

في الصيف عندنا في البيت معادلة مهمة!! ألا وهي ( الصيف = سهر لما بعد الفجر!!)
واللي فيه خير ينام قبل الفجر!!..
المشكلة إن العدوى تنتقل حتى لليهال..
والحجة (أونه نخاف اتفوتنا صلاة الفجر :em19: ) ..
انزين واليهال؟؟ :em08:
أم لسانين (أختي لصغيرة بتسير أول ابتدائي) اتقول هي بعد بتصلي الفجر (جذابة!! تقعد تطالع توم وجيري)

وفي هالصيف قرروا خواتي استغلال ساعة من الليل (بدل الرمسة اللي مالها معنى) بحفظ سورة الرعد!!

وفي يوم من الأيام تجمعنا كلنا في غرفة وحدة.. أحلى شي الصوت اللي كان في الغرفة (عبارة عن مجموعة أصوات) اللي يقرا واللي يسمّع واللي يحفظ.. والحلوة (أم لسانين) أتصارخ وتناقز!! وبعد ما خلصت لعب وشافت الكل شال المصحف قالت: أنا بعد أبا أحفظ وياكم سورة الرعد!! :em20:

قلنا لها انزين ( ناخذها على قد عقلها :em05: ) وهي صدقت سارت ويابت لها مصحف وقالت: "طلعي لي سورة الرعد".. مسكت المصحف وفتحت لها أي صفحة وقلت لها يالله احفظي ..

قعدت تتأمل الصفحة (وشكلها كانت مستغربة من شي).. أنا طنشت الموضوع..

وبعد ثلاث دقايق ما أشوف إلا المخدة على راسي :em16:

وهي تصارخ : "تتحريني غبية ما أعرف أقرا ؟؟ هذي مب سورة الرعد.."

جان أقولها : "سوري نسيت انج اتعرفين تقرين :em03: " وقلت لها افتحي على صفحة 249 (على أساس أنها بعد اتعرف تقرا الأرقام).. وبعد دقايق قالت لي "عطيني المصحف اللي عندج".. عطيتها وأنا مستغربة (ليش تبي المصحف) :em18:

وإذا بــــــــــمنظر يهز الكــــــــــــــــــــــــــــيان!!..
صــمت ساد الغرفة.. الكل ينـــظر إلـــــى الطفلــة!! ..

نعم : لم تتعلم كيف تقرأ ما يسمى اليوم (بالأرقام الهندية) لأننا نحن العرب نقول أنها ليست عربية والغريب أن ترجمتها بالإنجليزية (Arabic numbers) !!

الطفلة كانت تنظر إلى رسم الرقم وتبحث عن الرقم الذي يشبهه في مصحفها .. تقلب المصحف صفحة صفحة.. وعندما تعبت.. نظرت إلي (لأنها تعلم أني معلمة وأعلم الأطفال في المدرسة الأرقام!!)

وقالت : "السنة الياية يوم بسير المدرسة بيعلموني كيف أقرا أرقام القرآن؟؟!!)

قلت في نفسي: " كلا عزيزتي ستتعلمين أنها أرقام هندية انتهت صلاحيتها والأرقام الأوروبية هي الأرقام العربية "
وبسرعة..

تداركت الموقف وأجبتها : "ليش تترين المدرسة يالله ألحين خل نتعلم أرقام القرآن".
.
:em34:
.

أختكم:
الأرن

مكشوووووووووووره
وطعلو ليهال مب هينين

وبعد ثلاث دقايق ما أشوف إلا المخدة على راسي :em16:

عقابها لكِ جعلني اتخيل طالباتي لوكان بامكانهن ان يعاقبوني ذات مره
كيف سيكون الوضع ؟؟؟؟؟؟؟؟؟؟؟؟؟؟؟؟؟
مرحبا بهذه العوده
لك ِ تقديري 00

مهر بوظبي

شكرا للمرور الكريم

الأرن

ههههههههههههههههههههههههههههههههههههههه


ما شالله عليها " لو نقعد مع اليهال و الله بنكتشف اشياء احنا عمرنا ما حطيناها في بالنا "

قلنا لها انزين ( ناخذها على قد عقلها ) وهي صدقت سارت ويابت لها مصحف وقالت: "طلعي لي سورة الرعد".. مسكت المصحف وفتحت لها أي صفحة وقلت لها يالله احفظي ..





مشكلتنا الاستهزاء بعقلية اطفالنا
مع اني احسهم احيانا يفهمون اكثر منا
موضوع مميز
والله يعطيج العافيه

اولا اشكرج على الموضوع
واشكري اختج ام لسانين على قولتج

مااشوفها ام لسانين بالعكس
تعرف كيف تصيد الجذابين لووووووووول
ذكية ما شاء الله عليها

اما عن سالفة السهر والصيف
انا كنت اقول جي اخاف تفوتني صلاة الفير
عسب جذي اسهر دوم
اقول حق امي لا بتم الين مايأذن الفير

وبداية الصيف قاموااخواني يسهرون لين صلاة الفجر
واولاد يسهرون لين الصبح لين الساعو10 ا11 الصبح يتريقون عقب ينخمدون لاصلاة الظهر ولا صلاة العصر:em25:

بس انا عكسهم الحين ارقد من وقت يعني على 2 و3 راقدة :em03: (( بالنسبة لي من وقت)):em04:

يعني تخيلي ان بعد الساعة12 فليل يبدء عندنا السهر وحشرة في البيت:em49:
الي يطالع تلفزيون:em48:
والي يلعب بلاستيشن
والي يالس عالنت



اوه نسيت والي في المطبخ يسوي اكل
وخاصة اخوي اصغير عشان بطنه يسوي اي شي وكل شي :em38:
واذا ماشي شي يتصل على موبايل راعي الكفتريا ويقول يب الطلبية بس لا ادق جرس البيت اتصل رنه وانا بيب ابطل الباب


اما عن الارقام في القران ....ماندري مرة يقولون لنا بالهندي ومرة يقولون لنا العربي

بس اعتقد هالارقام مش ارقام هندية
لان مكتوبة على صفحة القران

الارن

خلصت الاجازه

وانتهت ايام السهر الحلوة

كل الايام الحلوة بعد فترة تنتهي

ورجعوا الطلاب للدراسه والروتين

وان شاء الله اختج اتعلمت ارقام القران سواء كانت هنديه عربيه او اجنبيه

تحياااتي لج اختي العزيزة

حفظها ربي أختك يا الغالية ،،

فإنها والله تملك عقل فذ وفطنة تُلحظ ،،

فكونوا السبب - رحمكم الله - في حفظها لكتابه عز وجل ،، لعلّ الرحمن يُلبس والديها يوم القيامة " تاج الوقار" وما أعظمها من كرامة ،،

بارك الله فيها أينما كانت ووفقها لما يحبه تعالى ويرضاه ،، فكم أعجبتني تلك الصغيرة ،،

السلام عليكم

الارن ..

فعلا واجهت نفس المشكله يوم كنت ادرس طالباتي ترقيم صفحات ..وانقلبت الحصه من الحاسوب الى الحساب وجدال لا نهاية له..وانتهى بسؤال ..ليش احنا العرب ما نستخدم الارقام العربيه الاصل بدال الهندي.. طبعا هذي مرحله العليا ..والتغيير صار ف مناهج الدنيا..و حاليا المراحل العليا..والاطفال رغم برائتهم لديهم روحا وعقلا مبدعا..والبيئة والاهل والمدرسه والاصدقاء لهم دور ف تنميتها وتطويرها..و موقف اختج الصغيرونه ذكرتني بكل ما اؤمن فيه عن الانسان والطفل..

الصراحة موضوعج خلاني افكر بأشيا ثانية

قلبي عورني على بنتي ما اريد اعلمها الارقام اليديدة

احس ان كل شي قام يتغير وشوي شوي اللغة الانجليزية تطغى

والله يستر

مشكورة اختي على الموضوع الحلو نتريا يديدش

شكرا

اكيد الاطفال مب هينين

راعية البورش

مشكووره اختي واايد رووعه مشاءالله الموضوع

صدق ان اليهال مب هينين ..


الله يحفظها ويخليها لاهلها.:sm188:

ياليتني ياهل -----
تسلمين أختي عالموضوع 00000
ومشكوره ----

و
السموحه

ماشااااء الله عليهاا
الله يحفظها ياارب

بس طلعت مب هينه ههههههههههههههههه


يسلموووو

تشكري اختي على الموضوع الحلو

نـــــــــــــــااايس ..