سجدت باسمك إلهي عالي الشان= يا الواحد الفرد نظره منك تغنيني
وسجد لعزة جلالك جسمي الفاني= وخلعت عز الملوك ورجفت إيديني
طال اشتياقي وصوت الحق ناداني= وأنا اتبع الصوت في همس يناجيني
لك جيت ساعي إلى مكة بوجداني= يا مالك الملك بالرحمة تلاقيني
وكانت مصابيح مكة نور رباني = كأن الملايك محيطه بالمصلّيني
طفت وسعيت وبكى في الليل ولهاني = قلب إذا يقال الله واكبر إيليني
فيض من النور حيّاني وأحياني= يا خالق النورإنته بس تهديني
ووقفت والليل يشهد طول حرماني =أنظر لحالي إلهي لا تخلّيني
في مهبط الوحي والتنزيل فاجاني = شعور ما ينوصف ما زال يشجيني
كأنه أمامي محمد خير عدناني = و حوله الصحابة جنوده والمطيعيني
والآي ينزل بتوحيد وقرآني = والناس في ضجّه من الخوف شفجيني
وما زلت أمشي ف مكّة بين الاركاني=حتى ظهر في خيالي طيف ماضيني
قال وتوقفت أنظر له وحيّاني= يا مرحبا وقلت وين إنته مودّيني
أشر إلى بير زمزم وين لاقاني=وقال اشرب وذقت ماء لليوم يرويني
وقال إنتظر منك مع ربع وخلاني=انّك من القدس بعد أيّام تسقيني
وفجأة انتبهت ومنادي الحق ناداني=ولبّيت داعي إلى ربّي يناديني
وفي سجدتي راجي عفو وغفراني= دعيت لاثنين دايم حبّهم ديني
أبويه راشد لذي بالدّين وصّاني=وأبويه زايد لذي فضله مغطّيني
وأنا على مدح زايد داعي جاني=اسمه المودّة وحبّ في شراييني
وزايد وداده بنى في القلب بنياني= وزايد قصيدي وأبياتي وتلحيني
وزايد أبوي الذي ما أرضى معه ثاني= وزايد عيوني وشوفي الي يدليني
وزايد أخويه وصديقي وكلّ خلاني=وزايد عضيدي وعزمي ومن يجدّيني
وزايد هو الناس والدنيا وما كاني =وزايد وزايد وزايد كلّ تكويني
أفديه بالروح وأولادي وأعواني=وأفديه بالعمر لي باقي من سنيني
ملاذ للناس من قاصي ومن داني = به نتجي من صروف الدّهر لمحيني
لو يوزنون الخلق مع زايد بميزاني= زايد على الناس راجح في الموازيني
ومن كان عنده يعيش العمر فرحاني=ومن كان ضدّه فقولوا عنه مسكيني
يتلوّن الدهربأشكال وألواني=وتتبدّل الناس كجلود الثعابيني
وزايد مثل ما عرفته شهم ما لاني=معدنه صافي الذهب ما فيه تلويني
بالصدق والخير والمعروف من كاني = والصدق والخير والمعروف هالحيني
يا سيرة المجد هل شاهدتي انساني=يزيد زينه ومعروفه على الزيني
ويا سيرة المجد ما تبغين عنواني=يكفيك زايد عن كبار العناويني
هو الزعيم المفدّى شيخ الاوطاني= وبلادنا به زعيمه ع البلاديني
وهو الموحّد وهو الأوّل الباني=شاهر الامارات م المغرب إلى الصيني
وتاريخ زايد فلا يحتاج برهاني=له في ذرا المجد رايات ونياشيني
هو الذي للعرب يدعو فلا هاني=بيلمّ شمل العرب ضدّ المعاديني
أغلى من النفط عنده دون خسراني=دم العرب كل قطره بالملاييني
وزايد يحبّ العداله حطّ ميزاني=للعدل والظلم عنده ماله معيني
والاعتصام بكتاب الرّب سبحاني=وإلنا بقرآننا قوّه وتحصيني
ما كان عن طاعة الرحمن متواني=يمضي على الحق ما يخشى المضلّيني
زايد هديّه من الله وفضل واحساني=الله حبانا بزايد منه تمكيني
دومه على الراس تاج فوق تيجاني=وفي قلوب أهله وشعبه والمودّيني
شخصيّة العام تكريم وعرفاني=تهدى لزايد من افضاله على الدّيني
وهذا اعتراف و تقدير وبرهاني=لليّ من الناس ما ظنّ مثله اثنيني
ويا من حفظتوا كتاب الله تبياني=أنا لكم يااخوتي قبل المهنيني
اتمسكوا به مدار ومركز ايماني=وخلّوه بين الجفن محفوظ والعيني
لكم تهاني الفرح من قلب جذلانيأزفّها في قصيدي وفي تلاحيني
وهني اليوم شعبي أهل واخواني=وهني اليوم نفسي والمحبّيني
محمد بن راشد المكتوم

اتمنــى عن يعــجبكم القصيدة ....

ونبة رايكم فيــة...

هالله هالله



صح الله لسانج .. وسلم بنانج خويتي



بوح ينزف لفارق المرحوم


الله يرحمه ويغمد روحه الجنه

سلمتي اختي قصيده رائعه والله يرحم ابونا زايد

مشكورة ع المرور

صح لسانج أختي ماقصرتي الكلام وايد حلو نتريا اليديد منج

مشكورة اختي ع مرورج

مشكوره أختي على القصيده



الله يرحمه ويغمد روحه الجنه

يسلم يمناج الغاليه القصيدة وايد حلوة ( لانها عن بابا زايد )
اسولف لاتزعلين بعد حلوة عسب انتي كاتبتنها بس بعد شي
يحلي شي والسموحة
يسلمووووو

فديت اختي والله اموووووووووووووت فيج تولهت عليج والله العظيم شو انتي سنـــة في بوظبي ردي دبي احلى من بوظبي بس ادريبج ما تحبيني اهي اهي المهم ههههه صح لسانج يا احلى اخت في العالم

مشكورة ع المرور

شكراً لك اخي الكريم على هذا المشاركة
الـًٌٍُـًٌٍُـًٌٍُـلـًٌٍُـًٌٍُـًٌٍُـًٌٍُـًٌٍُهّ عليك الـًٌٍُـًٌٍُـًٌٍُـلـًٌٍُـًٌٍُـًٌٍُـًٌٍُـًٌٍُهّ والـًٌٍُـًٌٍُـًٌٍُـلـًٌٍُـًٌٍُـًٌٍُـًٌٍُـًٌٍُهّ انًٌُـًٌٍُـًٌٍُـًٌٍُـًٌٍُك الًٌُـًٌٍُـًٌٍُـًٌٍُـًٌٍُذووق يًٌُـًٌٍُـًٌٍُـًٌٍُـًٌٍُاا غًٌُـًٌٍُـًٌٍُـًٌٍُـًٌٍُلااهًٌُـًٌٍُـًٌٍُـًٌٍُـًٌٍُم




.•:*¨`*:•. كثير .•:*¨`*:•من يضحك.•:*¨`*:•. `ونفسه .•:*¨`*:•حزينه.•:*¨`*:•. `


>>>>>>>>>> °¨¨¨™¤حكومة الكعبي¤™¨¨¨°

صح لسانك ومشكور على القصيده الروعه
تقبل مروري
تحياتي

مشكورين ع مروركم

مشكور الغالي ع القصيدة الحلوة وصح الله لسانك شاعرنا
والسموحة
اخوكم:حمودي والعالم

مشكور ع مرورك الطيب

تسلمين ختيه وما قصرتي وربي........

سلمت يداج يالغاليه

اكيييد تعجبنا

تسلمين اختي عل القصيدة الروعة ..

ربي يعطيج العافية .. ومشكورة يالغلا كله ..

الله يرحمه ويغمد روحه الجنة ..

صح اللسانج يا راعية الرنج العنابي..صراحه.................................كلامج نفس الرنج روعه ما علي تعليق او اي نقض...............والله يحفظج انشاءالله






والله يرحم بابا زايد ويغمد روحه الجنه انشاءالله....



السموحه.....

تسلمين اختي عل القصيدة الروعة ..


الله يرحم الشيخ زايد


كان اب وقائد عظيم

السلام عليكم ورحمة الله وبركاته

القصيـــدهـ روووعــهـ و مااعلـــيـهآآ كلااام ..





ثآآنــــــــــــكيوو ..