المساعد الشخصي الرقمي

مشاهدة النسخة كاملة : ~&(مشـــــاهد في أحلام يقظة!!!)&~

desert rose
12-07-2006, 07:13
السلام عليكم...
مرحبا أعضاء منتدى الامارات.. .. هاه نسيتوني؟ والا في لي طشة ذكريات عندكم لوول

بعد الغيبه اللي غبتها عن المنتدى.. حبيت اني ارد بموضوع وفضلت انه يكون فالساخرون.. لاني بصراحه اشوفه قسم فنتك... و اللي فيه روعه...مجرد شخابيط كتبتها.. بدت بإلهام و انتهت بموضوع !! كيف ذلك ؟؟ o__O

ما بطول عليكم اترككم ويا المشاهد


*****

المشهد الأول..

_حمود دخيلك ايلس عذبتني وياك.. خلني بلبسك البامبرز...
مب راضي يصطلب... اوهوو.. يا ربي
_امايه تعالي .. لحقي بسرعة.. سلطون نشبت رقبته بين الحدايد فالزراعه .
قمت وانا متروعه و خايفه على هالخبل بموت لو ما سوى شي يطير فوادي
_علي وينه ماشوفه؟
_ورا شيرة الهمبا
شفته و هو يصيح.. يعور القلب.. لكن في نفس الوقت.. يستاهل الهرم.. مشيب فيني .. رحت جدامه .. اطالعه و ويهه وصخ و أحمر من زود الصياح.. ناهيكم عن المواد اللزجه اللي مب مقصره في اضفاء لمسه تلوع بالجبد..
_شو يايبنك و مدخل راسك هنا... قلتها بعصبيه
رد عليه وهو يناهي من الصياح
_ ع.. ع علو.. علوي قا..قالي اذا رمت تدخل من هنا ... "سكت يبلع ريجه" بدون ما تنشب بتكون .. شاطر و احلى واحد فهالدنيا
مادري شو المفروض تكون ردة فعلي..
أضحك!! والا اتحسر على ولدي الغبي!!؟
_مالت عليك.. خوز بشوف خلني بطلعك..
وسعت بين الحدايد الضعيفه و طلع.. لعنته بكف حتى مايعيدها و ضميته لصدري بحنان عشان يعرف اني احبه..
طالعت ولدي علي الذكي.. بنفس مقدار الغباء الموجود فيه
_انته اخوه العود .. المفروض ماتسوي فيه جيه
رد عليه بصوته الطفولي الحاد..
_يستاهل الدب سرق عني نظارتي اللي ربحتها من الدكان
أصلا انا ادري انه بينشب بس تحريت انه بيروم يطلع
_ احمار واحد
توني بنازعه الا اشوف الغبار اللي خلاه وراه بدليل انه اطلق ريوله للهوا .. يدري اني بنازعه .. بس مسيره يرد .. وادري انه سار بيت خاله محمد!
_انا وراك يالهرم... وانته طوف اشوف تعال بسبحك..


******

المشهد الثاني


بعد ما رقدت سلطون اللوعه قلت بريح شويه .. و البنات يالسات صوبي... الا شويه!!!
_ام القمل والصيبان..أم القمل والصيبان..
_سخيفة.. قمل فيج انتي بروحج
لطيفة تسوي حركات حق شيخة و تطلع لسانها
_ام القمل و الصيبان .. ام القمل والصيبان
_ امــــــــــــايه شوفي شويخ شو تقولي
طفرت من هالبنات.. عنبوه الواحد مايرتاح الا يوم ينامون هالمفرخه!!
_ لطوف!! بلاج انتي على اختج
_ مافيني شي بس يالسه أغني بروحي و بصوت عالي.. ماقلت شويخ ام القمل والصيبان
و تسوي حركات حقها و تغيضها
_ امايه شوفيها يالسه تطالعني
_ لطوف و شويخ ترا بحلف ان ما اصطلبتن ما اركبكن السيارة طول هالاسبوع
واتي أموله ام لسان طويل
_ والعثـــره! امايه انتي ماعندج غير هالحلاف
_لا دخيلج لا تلعوزين فيني
_ فديت امي الدلوعه
تقربت صوبي و يلست فحضني
_ أحــــبج
ابتسمت لها بحنان
_ وأنا بعد أحبج
_تدرين امايه انا اكثر شي يعيبني فيج انج واااااااااايد تتفلسفين
_ حلفي انتي بس! اعتبره اطراء والا ذم؟
_ طبعا اطراء .. وشوية ذم.. تدرين . انتي احيانا تبالغين بالفلسفة
_ عادي ..اتقبل النقد بروح رياضيه
_ تدرين ماماتي
_ عيونها
واتي لطوف بصوتها الجهوري!!
_يالله يالله عالحب .. عطونا شويه
رديت عليها
_ لو بتين صوبي ما بقولج لا والا بخوزج عني
تبوز لطوف..
_اصلا انتي ماتحبيني
_ دخيلج لا تعيدين السيناريو الجديم .. والله حفظته .. اديت الحلوه انا تعالي قربي صوبي
و تقرب لطيفة بدلع يلوع بالجبد.. و غنج مصطنع.. "اشك في انوثة هالبنت!!"
يلست ويا البنات و كل حين اسمع مدح منهم و كلام حلو.. مدري هل هو اسلوب جديد فالمساحل!!
تدخل علينا الرزينه شهلا .. أحلا بناتي.. شاله ولدي الصغير سواف النوني..
_السلام عليكم.. امايه سواف كان يصيح ماسمعتوه؟
وترد عليها لطوف برد غبي و تقول
_ يت حبة اللرطب
تقوم شهوله و تنقع زيارينها و تسير حق لطوف ترفسها فريولها
و تستوي الحشره و كل وحده ترفع صوتها عشان ينسمع واللي قدرت اسمعه..
_انا محد بيعقدني و بيكرهني فاسمي غيرها.. يا تذبحونها .. يا اغير اسمي...

صبرج يا روح!!


*******

المشهد الثالث.. والأخير..

بو العيال في الطريج .. ياي البيت .. وسويت له ذيج الطبخه .. اللي "بيلحك" الصحن من وراها .. مجبوس لحم معتبر .. من اللي يحبه قلبه ..

_ اخخخ لازم اتجهز مافيني ايشوفني وانا بكجرتي هذي ..

لبست كندورتي الورديه المخوره .. اللي احس انها اتخلي شكلي كلاسيكي ناعم .. يحليلي .. حطيت مكياج خفيف ..وردي على عيوني .. ووردي على شفايفي .. ووردي على خدودي .. وووووو ناقصني شي واحد شو هو ؟؟ ايووااا .. رتبت شعري بطريقة حلوه .. وحطيت ربطه على شعري .. فيها ورده على اليانب .. اتخلي شكلي بريئ وصغير .. اتخليني اعيش جمال حقبة الستينات .. لكن على طريقة الألفية الثالثه .. رشتين عطر .. خلاص كل شي تمااام وعالي العااال .. ناقصتني شوفة ابو العيال ..

طرشت العيال بيت خالهم محمد .. اللي مب موجود في البيت ويا غداهم .. يكسرون فيه بكيفهم .. بدفع تعويضات .. اهم شي اكون بروحي ويا ابو العيال ..

اسمع دق على الباب ..

_ الهروم شكلهم سكرو الباب عدل ..

لبست نعالي ومشيت افتح الباب .. وانشرح صدري للوجه السموح للي جدامي .. سلمنا على بعض .. وبعد شوية علوم واخبار .. قمت احط الغدا ..

_ اتصدقين .. راسي متفتك من هدوء البيت .. عيالج وايد حشره..
_ دخليك لا تذكرني .. روحي الا متخبله منهم .. شكلي بقطع اجازتي وبرد واداوم ..
_ ههههههه اووه مسويه مجبوس لحم عيل ..
_ هي سمي بالله وكل بالعافيه ..

توني الا ارفع ايدي باكل لقمه هنيه .. الا ينفتح الباب بقوو .. اتروعت من الصوت العالي والصراخ اللي برع .. توني الا اقوم اشوف شو صاير ..

**

_ ايييه وين سرحتي .. مساعه اطالعج وانتي خاتلة في مكانج.. مره اتعصبين ومره تبتسمين ..
_ هااااه .. وين العيال؟؟ شو صاير ؟؟!
_ هههههههه الحبيبه شكلها وصلت بعيد في احلامها ..
_ هههههه دبه ..
_ شو السالفه ..
_ ماشي اتخيلت عمري بعد سنين .. وحالي ويا الفروخ اللي ناويه اييبهم .. اسميهم مخبل..
_ يحليلهم بعدهم مايوو وانتي ترمسين عنهم جييه..

**

مقطتفات من مشاهد ماتعودت عليها .. الحين اسأل روحي .. هل من المعقول .. اني باجر .. يوم بييب عيال .. بخليهم يكونون مثل ماتخيلتهم ... بصراحه اشوفها حياه حلوه وياهم .. غصبن عني بتحملهم .. في النهايه هم عيالي .. و ماهذا الموضوع الا مجرد مشاهد في حلم يقظه !!

اتمنى انها تحوز على اعجابكم ^__^
روحي مطمئنه
13-07-2006, 11:43
استمتعت بهذه المشاهد الاسريه 00
ما استعرصتيه في احلام اليقظه نزر يسير مما ينتظرك باذن الله عندما يحقق الله حلمكِ بالامومه
لحظات جميلة بدأ من اللقاءالاول بين عيون الام ووليدها00الخطوه الاولى 00الكلمه الاولى 000
البسمه الاولى 00 اليوم الاول في الروضه 00
حتى في حالات المرض يكون للام نصيبها من المتعة مع الالم 00
هم من يجعلون الحياة الزوجيه 00حياة اسريه ممتعه
موضوعك ِ جدد الشوق بداخلي لطفل رابع ينضم لعصابتي الصغيره 00
رزقك ِ الله وكل من ينتظرهم الذريه الصالحه
اللهم اميين
رمز الوفا
14-07-2006, 04:20
مشكوره اختيا على الخاطره الحلوووووووووووه ..وشوقتيني حق اليهالوه .. بس ماشاء الله كم واحد ناويه اتييبين ..ونتريا منج الجديد ..واتمنى لج حياه سعيده مستقبلا مثل ما اتحلمين ...
desert rose
15-07-2006, 02:00
مرحبا اختي روحي مطمئنة

كتبت أكثر من رد ...وفي كل مرة ارى انه يخرج عن النص كثيرا ً!!

بصراحه كلماتك كالشهد على القلب... و شي أكيد ان أول خطوة و أول شي يفعلة الطفل هو مصدر سعاده لوالديه و عائلته من حوله " ماما .. بابا.. داداه.. مياو.. مباع.. ومابا >_<"

" حتى لما ينفلع ... يعيش و ياكل غيرها ...لوول"

شكرا لك على مداخلتك الجميلة ^__^
desert rose
15-07-2006, 02:10
رمز الوفا..

لووول.. تدرين اني ضحكت وايد لما قريت " كم واحد ناوية اتيبين"

شوفي بخبرج.. العيال أصناف.. منهم الطيب و الشرير.. والذكي و الغبي و غيرها من الصنوف اللي ماتحضرني..>__>

انا أحب أسوي قبيلة متكامله هههههه يعني فيها كل الصنوف..

والله سبحانه و تعالى قال
" المال والبنون زينة الحياة الدنيا"

يعني شو الفايدة في اني ايب ياهل واحد والا اثنين... خلنا نقول ولد و بنت

" يمكن" يوم أكبر مايكون فيهم خير عليه .. و "يمكن" لا

انا ماريد تكون هالاحتمالات وارده أبدا.. لكن الاحتياط واجب مثل مايقولون!..

اذا واحد طلع شين.. الخير فالباجيين..

وردا على سؤالج لول.. مابقول الرقم الحقيقي.. لكن التقديري.. فيني اقولج

6 كحد أدنى هههههههه... تف تف في عين الحسود >__<


أسعدني حظورج اختي
ظماي انت
15-07-2006, 02:53
ما عشت في بيئة جيه ابداًً ابداً .. بس وايد خاطري في هالحشره اللي دائماً و دائماً نلاحظها في كثير من عائلاتنا..
اذا على اليهال.. فأكيد هم نور الحياه.. (( الأطفال احباء الله)) .. بيت ما فيه يهال وحشره احسه بيت ميت.. بدون حركه.. وخااااااااااااااااصه.. يوم يبدن يتكلمون ويتحركون ..
الله يعين الأمهات والأبهات.. والخوات والأخوان..
والله يعين هل المنتدى على مواضيعج العنتريه..:em37:
ومرحباً خيتو بعودتج..
تو مانور المنتدى :em03:
desert rose
15-07-2006, 03:10
ظماي انت..

ماعشتي في بيئة مثل هذي... عيل نص عمرج راح بلاش <__<

ولو تبين تحسين بهالاشيا.. انا ادعوج الى بيتنا ... بس نص يوم.. والا خليني ارحمج شويه

فترت العصر كلها... اتحداج اذا ما طلعت لج شعرة بيضا من خبالهم لووول

اللي يدخل عند خواني شاب.. يطلع شايب >__<

عنتزية هاه؟؟... دوبه

^__^
الامير الصغير
15-07-2006, 06:30
مشكورة اخ:em03: :em37: تي على الموضوع المثير
AL_Ho0or
15-07-2006, 07:15
الله الله الله الله

وش هالزيـــــــــــــــــــن


تسلم يمناااااااااااااج يالغاليييييييييه



عاد انتي ماسويتي عيالج الا ابااااالبس خخخخخخخخخخخخخخخخخخ


عاد طلعي واحد فيهم زين كلهم هبل وخبااااااال شكلج ماخذ هالشي من شخصيتج ههههههههههههههههههههههههههههه<<<لول امزح

بس تسلمين والله عجيبه

ننتظر جديدج :)
desert rose
15-07-2006, 08:28
الامير الصغير.. .. العفو اخوي ^__^

الحر..

تراني احب الحركه والشطانه لازم بيظهر هالشي في كتاباتي لوول..

أشكرك اخوي
قمر السعوديه
16-07-2006, 08:37
ههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

ههههههههههههههههههههههههههههههههههههههههههههه

ههههههههههههههههههههههههههههههههههههههههه



واخرتهااا حلـــــــــم

بس حلم روووعه وان شاء الله يتحقق في القريب العاجل

بين العيال وابووووهم:em03:

مشكووووره على موضوعك اللي يوسع الصدر


مشكوووووووووووووره روقتينااا
احلى الليالي
17-07-2006, 02:44
^_^
هلا اختي ام شهلا
احلامك واقع ان شاء الله بيتحقق
وجميل ان تشاركينا افكارك وانت فتاه مقبله على حياة جديده او ربما دخلت فيها
ايا كان
موضعك جميل
شقاوتنا مع امهاتنا وآبائنا سيطورها ابنائنا فينا وعلينا
ومثل ما تحملونا شوابنا بنتحمل عيالنا
واهلا بك في عالم الساخرون
desert rose
17-07-2006, 03:03
اهلا اختي السعودية..

العفو اختي .. اسعدني حضورك كما اسعدتني حروفك ^^

....

أحلى الليالي..
مـر وقت طويل منذ أن شرفتني آخر مرة بحظورك ^__^

بالطبع.. هو شيء جميل أن يشارك المرء أفراحه و أفكارة للناس حتى يأنسوا بها...

أما عن الاقبال على هذه الحياة... فأني أرى ان الوقت مبكرا جدا.. جدا عليها...

فالمشوار أمامي طويل..

ولدي طموح أود تحقيقه قبل كل شي

أشكرك أحلى الليالي أفندي :em01:
Just_One
17-07-2006, 10:20
ههههههههههههههههههههههههه

عيشي حياتج اختي و بعدين فكري باليهال انا طفرانه منهم و شاب الشعر و بعدنه و لد الحلال ما يا هههههههههههههههههههه

لا يغريج الجانب الحلو بالموضوع شوفي كل الجوانب
desert rose
03-08-2006, 10:32
هلا اختي تامي...

السموحه على الرد..و اذا على مشاهدة كل الجوانب فلا تخافين....

أشكرج غاليتي على تواجدج الطيب ^__^
شيخة الزينات
04-08-2006, 08:35
يسلموووووووووو حبوووبه ع الموضوع صج حلوووو وفني هههههههههه.
فارسة الخيل
05-08-2006, 10:56
لووووووول ... مشكووورة أختي ... صدج القصة وناسة
الله يعطيج العافية و ويلكم بااك ^^
UaE
06-08-2006, 02:33
هلا
أم العيـــال .. ..
مشاهد سطرتيها بأسلوب رائع .. ..
عقبال أسرة سعيده
تحيه
لكم
UaE1
desert rose
09-08-2006, 05:35
فارسة الخيل ... لوول.. انتي الاحلى.. تسلمين على مرورج

uae1... ههههه أول مره تمدح مدح حلو لوول...

أسعدني حظورك ^__^
~دبدوب العين~
17-08-2006, 05:44
مشكورة اخ تي على الموضوع المثير
احلى عيناوي
20-09-2006, 12:40
مشكورة اختي على الموضوع
سجايا
17-10-2006, 04:49
ههههههههههههههههههههههه والله اليهال وبلاويهم
صح انهم يغصصصون ودووم ضرابه وياهم بس هم
نكهة البيت على قولة ماما هذيلة بهارات الحياة
وانا اتحرى واحليلي ان هذا صدق يعني حد
يقربلج يالسه اقولينلنا قصته ولا انتي يالسه
تحلمين وعالعموم تسلمين ختيه على الطرح
الغاوي واله عيشتينا بالموقف
ويسلمووووووووووووووووووووووو
دلــ رااك ــوعة
24-12-2006, 03:48
صرااااااااااااااااحه روعه
منسيuae
29-12-2006, 11:48
يااااسلام حلو,,,,,,,,,,,
henry 2006
30-12-2006, 04:14
شكرا على الرسالة http://ocuments and Settings\orange\My Documents\My Pictures
ولد_العبيدالله
19-03-2007, 01:15
هههههههههههههههههههه ما شاء الله على هالإحلام والله يعينج
على هالأحلام اللي تزيغ والله يرزقج بولد الحلال ويرزقج بالذرية
الصالحة قولي آمين و1000 شكر لج على هالأحلام الخربوطية
على قولة الكوتيين
ربيعة هاذي أنا
02-07-2007, 07:33
واااااااااايد حلوة المشاهد وربي يعطيج على قد نيتج

ههههههههههههههههههههههههههههههههههههه ...عجيبة لماقلت أشك في انوثتها
عكيرشه
02-07-2007, 08:29
موظوعج وايد حلو والله يعطيج عقد ماتبين من عيال
بنت البلوش
04-07-2007, 05:51
وااااااااااااااااااااااااااااااااااااااايد حلو الموضوع
نواعس
05-07-2007, 10:45
مشكـــــــــــــــــــــــووره الغلااا...وربي يعطيج ويحقق كل اللي تتمنينه ...ونحن معااج...آمين
دلال الكويت
06-07-2007, 05:26
يسلمو ع المشاهد الاسريه الطريفه
قواااك الله اخوى
VGTS
06-08-2007, 05:03
تتتتتتتتتتتتتتتتسسسسسسسسسسسسسسسسسلللللللللللللللللمممممممممم ممممممم
الشيبه الصغير
10-08-2007, 12:06
السلام عليكم ورحمة الله وبركاته




توني يديد


علمونا ترااني شويبه مااايحتاي هههههههههههههههه
الشيبه الصغير
10-08-2007, 12:46
منوووووووووووووووووووووووووووووووووووو



الشاطر الي بيعلمني






كيف اسوي توقيع I78i
broog
10-08-2007, 09:37
هههههههههههههههههههههههههههه
thanxxxxxxxxxxxxxxxxxxxxxxxxxxxxx
بنوتة زايد ^_^"
30-07-2008, 08:19
نــــــــــــــــــــــــــــآآآآآآآآآآييس ..