من جم يوم يا عبالي أفتح الـ FM من باب التغيير ..وأول ما فتحت لقيت برنامج يناقش موضوع (الحرمة اللي ماتعرف تطبخ)
ويلست أسمع..

لفت انتباهي ان أكثر المتصلين شباب:em19: وتنوعت آراءهم في الموضوع..

شخص قال اللي ما تعرف تطبخ هب حرمة!! (عيل شو؟؟)

واحد قال أنا أهم شي عندي بطني.. لازم حرمتي تطبخ.. (هم الرجال بطونهم )

وثاني قال إذا ما بتطبخ لي ليش أنا متزوج أييب لي خدامة أحسن (ليش ما قال أتزوج الخدامة أحسن)

وغيره وغيره من ذم الحريم!! إلا واحد قال : أنا مرتي تشتغل وترد من الدوام مرهقة وما لازم أحملها فوق ضغوط العمل ضغط الطبخ إذا طبخت لي كرم منها وإذا لأ هب مجبروه!!! (رده جميل لكن مسكين قطعوه المتصلين اللي بعده)

ما علينا .. اللي وصلت له من البرنامج إنه 90% من الرجال مصر انه مرته تطبخ له... سواء كانت موظفه ام لا؟؟!!..

وقـــــــــــعــــــــدت أفــــــــــــــــــــــــــــــــــــــــكر..

قلت انا بعد لازم أطمن على مستقبلي ..مابا باجر أعرس وأسمع ريلي يقولي بتزوج الخدامة (أحسن)!!

وبعد التفكير وسؤال اهل الخبره قررت اكتب هالموضوع عسب الكل يستفيد !!

إذا في حد من الشباب داخل للموضوع شكرا للمرور ومع السلامة ..

والبنات قرن مكانكن أحسن ما يضيع مستقبلكن!!

عزيزاتي (اللي ما تعرفن الطبخ) عادي ترا (الريايل مقصه) وبكل بساطة تقديرين تمشين حالج في المطبخ .. يعني المطبخ ما يزيغ ..

وإليك عزيزتي بعض النصائح..

أولا : أهتمي بالمائدة ويفضل الأكل على طاولة هب عالأرض.

http://www.aluae.net/vb/images/usersimages/5439_1150280377.jpg انسي هالمنظر..:em38: http://www.aluae.net/vb/images/usersimages/5439_1150280406.jpg قلنا الطاولة أحسن !! :em37:

ثانيا: إذا رحتي الجمعية سيري بروحج وأهم قسم هو قسم المعلبات (أسرع شي)..



ثالثا: البسي القفازات عسب أظافرج ما يصير بهن شي..



وألحين بعض الأفكار للفطور والغداء والعشاء..

ولكن قبل البدء بالطبخ تأكدي من وجود أهم جهاز في المطبخ
http://www.aluae.net/vb/images/usersimages/5439_1150280638.jpg


الفطور:

نشي قبله بنص ساعة.. وادخلي المطبخ..

افتحي علبة الفول وحطي اللي داخل العلبة في الصحن ودخليه المايكرويف وبعدين حطي عليه شويه زيت زيتون وانثري عليه طماط مقطع.

افتحي علبة الحمص وحطيها بالصحن ودخليه المايكرويف وبعد ما تخلصين صبي عليه شوية زيت زيتزن

http://www.aluae.net/vb/images/usersimages/5439_1150280709.jpg

افتحي علبة القشطة وحطي عليها العسل..

وألحين الأومليت .. عاد هذي يبالها مهارة..
قطعي أي شي اتشوفينه في الثلاجة لمكعبات صغار (وإذا ما عندج وقت عادي كبار مشي حالج ) وقليهن وبعدين حطي البيض والملح..
ألحين أهم جزء: إما إنج اتجازفين واتحاولين تقلبينها أو ترا أسهل شي حركيها بسرعه وبتتقطع وبتستوي بروحها..
حطيها في صحن التقديم وزيني الطبق بالبقدونس ولا الكزبرة (هم مثل بعض ما أدري منو اللي ينحط) ما عليج لا تحاتين شرات ما قلنا في البداية الريايل مقصه..أي شي عالطاوله بياكله هب متفيج يشوف الفرق بين الكزبرة والبقدونس..
والأسهل من هذا كله حطي البيض في الجدر مع الماي وفوريه (ثوريه) وكان الله غفورا رحيما (هذي أحسن)

البراتا ..

http://www.aluae.net/vb/images/usersimages/5439_1150280776.jpg

شي بالجمعية براتا مثلجة قليها وحطيها بالصحن وعندالها قطعتين زبده ووصبي عليه شويه عسل..

وبعدين رتبي الطاولة ولا تنسين كوب الماي والعصير (جاهز طبعا) ..

أول ما ينش الزوج سوي روحج هلكانه وقولي له انج من بعد صلاة الفجر ما نمتي قاعدة تخبزين وتطبخين..

وهنـــــــــــــــــــــــي وعافــــــــــــــــــــــــــــية..

وإذا كنت موظفة اسبحي والحقي عالدوام (هذا ويهي جان لحقتي) وإذا لا.. ردي ارقدي بعد هالتعب كله..



الـــــــــــغــــــــــــدا:


نشي من لرقاد قبل لا يوصل الزوج بساعة وإذا كنتي بعدج تعبانه من الريوق قبل نص ساعة..

ادخلي المطبخ وطلعي من الفريزر نجتس دياي أو سمج حسب الرغبة وروبيان وأي شي تلاقينه حطيه..

قلي هالسوالف كل نوع بروحة وإذا ماشي وقت مرة وحدة وحطيها في صحن التقديم مع المايونيز .. وزيني بأي شي متوفر .. ويقدم مع البطاطا المقلية (اشتري المقطع جاهز وأريح)


ألحين السلطة :
http://www.aluae.net/vb/images/usersimages/5439_1150281055.jpg

قطعي الطماط والخيار مكعبات (كبار أسرع) وحطي عليها زيت زيتون وملح وخل واعصري الليمون وحمصي خبز مقطع مربعات وفي شي أحمر يحطونه بعد ما أعرف اسمه وإذا ما لقيتي بعد عادي (وهذي السلطة يسمونها الفتوش)

وبعدين جهزي الشوربة خليها آخر شي عسب ما تبرد:
http://www.aluae.net/vb/images/usersimages/5439_1150281184.jpg

شي في الجمعية شوربة جاهزة سخني الماي بالبويلر وحطي الشوربة في طبق التقديم وصبي عليها الماي وحركي ..
وخبر السار: شي منها نكهات بالفطر وبالدجاج بالطمام كل اللي بخاطرج..


وبسرعة بخري المكان وبدلي ملابسج وسوي روحج هلكانه وقولي له انج من طلع الدوام وانتي في المطبخ!! وهذي النجتس انتي مسوتنها هب جاهزة (بيصدق لان الريايل مقصة) والشوربة تعلمتيها من الشيف رمزي..

ولا تنسين البيبسي والماي وأذكرج أهم شي التزيين والتقديم..



وإذا كان زوجك من الاشخاص اللي يعشقون الصالونه الهندية .. ترا أمرها سهل..



تنباع جميع انواع الصالونات الهندية وهذي بعد تحضيرها سهل الله

يخلي الجهاز العجيب (المايكرويف) دقايق وكل شي جاهر..

وشي بعد عيش محضر وجاهز وكالعادة المايكرويف بيشوف شغله..


وهـــــــــــــــــــنـــــي وعافـــــــــــــــية..

اصبروا شوي بعده الموضوع ما خلص باجي العشا.. أدري الموضوع طويل بس كله ولا مستقبل بنات المنتدى:em05:

الـــــــــــعشـــــــــا:
ورق العنب :
http://www.aluae.net/vb/images/usersimages/5439_1150281709.jpg
شي ورق عنب جاهز بطلي العلبة وحطي بالمايكرويف ورتبي الصحن أونج انتي اللي لافه وطابخة (وبعد شي ورق ملفوف إذا حابه) وآخر شي زينيه بالليمون ..



معكرونه: معكرونه جاهزة حطيها بالمايكرويف وقدميها..
http://www.aluae.net/vb/images/usersimages/5439_1150281826.jpg

وشي لازانيا وبيتزا ومعكرونا بالباشاميل .. هذا غير المثلجات برجر ونجتس وبطاطا وسمبوسة و...

وكل ما نوعتي بيكون أفضل أونج اتعرفين تطبخين شغلات وايد..



ومثل كل مرة بيني أنج تعبانه وكل شي عالطاولة من صنع ايدج..



وهـــــــــــــني وعافـــــــــــــــية..



وانتوا يالريايل إذا صار فيكم شي مالي شغل..

محد قالكم تتفلسفون بالإذاعات وتتشكون!!:em05:



للعلم: هذي الافكار هب أفكاري لاني سألت بعض الموظفات كيف يلحقن يطبخن الغدا.. وكانت هذي ردودهن!!

والأغلب قال الله يخلي الخدامة!!:em19:



شكرا لكم وعذرا للإطالة..



الأرن

السلام عليج الارن

اختي ... شو تبغين اتسويين فينا ... انتي يالسة تحرضين الحريم علينا ... بس اقووول نحن الرياييل نعرف طبخ البيت من اكل العلب ..:em02: :em02: :em02: ... يعني لا تحاولون اتسوونها والا ياويلكم ..:em15: :em29: :em14: :em14:

المهم .. من ناحيتي .. انا ابغي حرمتي تدخل المطبخ وتطبخ لي الغدا والعشا .. لاني احب اكل من يد احد اعرفه .. ما ابغي من البشكارة او الطباخ فالله يعلم شو يسوون ... واذا حرمتي ماكانت طباخه ماهره ... برضى باي شي تسويه ... حتى لو تغديني معكرونه ... وتعشيني بيض وجبن ...المهم من يديها الحلوة ... وغير هذا الريال يحب يفتخر قدام ربعه ان حرمته طباخه .. وتعرف تطبخ .. وهذا يسعد الحرمه بعد ..

واخبرج ... الحينه انتو الحريم تبون الريال بس ينكرف ... انا بخلي حرمتي تنكرف شراتي ... يعني براويها نجوم النهار .. :em03: :em03: :em05: :em05: امزح ... ما تهون علي ...

ههههههههههههه

انزين بتخبرج ولو واحد ملقع ويعرف بين البقدونس والمادري شو اسمه هذا شو نسويبه :em19:

لا انا اقول ايب الغدا من بيت قوم اميه وبسوي عمري هلكانه ومسوتنه من الضحىى

هاي تضبط .. طبعا قوم اميه مب مكلفين فييه كل يوم يعني الطرقيتين لو ندمجها ووايد بتمشي مظبوطه ههههههه

صراحه المفروض الحرمه تعرف تطبخ لوو مب كل يوم بتطبخ بس الريال اكيد يتمنى ان ياكل من ايدها

ترا اهم شي يعبي التنكر عشان يرضى عليها .. !!!!

الارن والله فديتج اتحاااتينا تسلمين الغاليه .. اذا عندج نصايح لاتبخلين علينا انا افكر لو نفتحلنا اذاعه رووحنا وايد احس اليوم الثاني مسكرررينها عنا

:em31:

هاي الاكله الوحيدة الي عارف اسويه وواتفنن فيها بعد
شي احب اكلهاعرف اسوي (( لوقت للزوم يمكن ايوع فأسوي شي لعمري))
http://www.aluae.net/vb/images/usersimages/5439_1150281709.jpg

واضبط الشاي(( مرة سويت لهم جاي جي بطر جان عيبهم وايد والحين كل شوي يطلبون مني اسوي جاي ))
عشان جي مااحب اتعمل شي
اما الفطور مايباله
كروسان زعتر ولاجبن ولا بيض اسهل شي


عموما الطبخ ما يبله شي على قولت اختي خلط بلط بتطلع لج اكل يديدة :em05:
انااختي يوم اتزوجت ما كانت تعرف اتسوي شاي
الحين اشوف اتسوي معكرونا بالمشاميل ولا برياني
سالتها كيف سويتي و انتي اصلا ماتعرفين اتسوي بيض (( قالت الله يخلي كاتب الطبخ ))
اتصدقين من اسبوع ونحن ناكل من برع تعرفين
لان الخدامة ما تعرف اتسوي شي.. تراها يديدة ماتعملت بعدها
وامي كانت اتسوي لنا غدا وعشا وهالاسبوع امي امسافرة فنحن التانبل مانعرف شو انسوي شي
واحسن الحل المطاعم والكافتريات ..مرتاحين :em26:


اما عن الي يشتغلون فالله عينهم

الادرن شكرا لج يقولون عالطريق الى قلب الرجل هو معدته يعني شوه اطبخي له واكليه وبسوي لكل شى لج عاد انا ماادري اذا صدق ولا بس هذي المعلمومات خذيتها من ناس متزوجين يقولن انه الريال يعيبه لما حرمته تطبخ اونه يحس انها تسوي شى مفيد في الحياه يعني تسعى لراحته ، وتقريبا معظم شبابنا مايحبن يلي ماتعرف تطبخ يعني عسب جيه الاهل يدخلون البنات المطبخ من يكبرن شوي يعني على 11 وانا عني الوالده مب مقصره بي يعني احب ادش بس افضل لو زوج المستقبل يقول لا تطبخين ولا تعورين راسج بس وين هذا يلي يقول جيه خخخخخخخخخخخخخخخخخ المهم وبالعكس شى رياييل يساعدون حريمهم في المطبخ مما يجعل المراه تطبخ دوم ويعني طبعا يختلف من ريال الى الثاني بس في النهايه الطبخ اسم ملازم المراة واحس مب حلوه انا بنت ماتعرف تطبخ عيب علينا شوه خخخخخخخخخخخ شكرا لج

Bin_Dubai

التفاهم بين الطرفين مطلوب ..

واخبرج ... الحينه انتو الحريم تبون الريال بس ينكرف ... انا بخلي حرمتي تنكرف شراتي

لو كانت مرتك موظفة!!

الصبح انتوا الاثنين في الدوام .. وبعد الدوام انت وياها في المطبخ !! شو رايك؟

شكرا للتواصل الدائم والمرور الكريم

الأرن

هو احتمال كبير اكون وياها في المطبخ ... بس انا بظهر اذكى منها وبتاخر كم من ساعه ...

الارن شكرا اختيه على النصايح

بس لا تستهونين بالرياييل يعرفون كل شي يعرفون الاكل الجاهز من اكل البيت
انا عن نفسي اعرف اطبخ بس ما احب ادخل المطبخ دايما
والمفروض على كل بنت تعرف تطبخ على الاقل عشان ما يعايرها زوجها


قطعي الطماط والخيار مكعبات (كبار أسرع) وحطي عليها زيت زيتون وملح وخل واعصري الليمون وحمصي خبز مقطع مربعات وفي شي أحمر يحطونه بعد ما أعرف اسمه وإذا ما لقيتي بعد عادي (وهذي السلطة يسمونها الفتوش)

هذا الاحمريسمونه سماق معلومة قيمة تراها:em05:

والله يعطيج العافيه

الأرن:

استريحي
يكون في علمج ان الرياييل اكبر خبراء في عالم المعلبات ومايفوتهم شي بتاتا البته !!:em05:

اتعلمن الطبخ
احسن لكن

اليوم انا متغدي وللمرة الاولى منذ رمضان من ايد الوالدة طال عمرها !!
حتى اخواني يحسدوني يقولون يعني ليش هالتفرقة لانه اكبر عيالج يعني !!

مع التحية والتقدير

جيه بوي هو متزوجنها عسب يشغلها عندة واذا حس باليوع يلز المطبخ ولا يسير ع اقرب مطعم
والريايل فجعانين همهم بطونهم ؟؟ خفوا كروشكم عنبوة

شكرا عزيزتي 00الموضوع جدا مهم 0مهارة الطبخ اذا لم تتوافر 00لن ينهارالزواج00لكن اذاتوفرت سيكون الفرق كبيرا جدا
انا صار لي سنين اتابع مريم نور00يمكن عليها بعض المبالغات00لكن بصراحه انا غيرت الكثير من الغذاء بعد متابعتي لها00
احترامي لما يدخل المعده صار ضروري00
وصلت لمرحله ان جسمي يرفض انواع معينه من الطعام الغير صحي00واتعب وأحيانا يصيبني اسهال 00اذاسافرت أعاني كثيربسبب الطعام لان الخيارات تكون محدوده


المشكله ماهي( من يطبخ ) لكن ( ماذا سنطبخ وماذا سنأكل ) الخادمه
لها دور ضروري00لكن ربة البيت هي التي ( تكبر) او (تصغر )هذا الدور في حجمه الصحيح00الخادمه تطبخ 00تنظف 00000الخ
00لكن لا ليس لها ان تربي00او ان تجلس مع الاطفال ليتناولوا الغداء 00
او تذهب ( مكدونالدز ) معهم

لا يجب ان نخجل ان الخادمه تطبخ الطعام 00طالما ان الام هي من يربي الاطفال 00

بقولج سر :
استحملت أطبخ اول ما ارجع من الدوام00بس اول الشهر الثامن من الزواج دريت اني حامل 00وعلى طول (هو ) مب( أنا) اللي جاب الخادمه

الارن

اول مره اعرف انه موووووووووووووول ما يخصج بالمطبخ

انا هب متزوج

بس افضل الحرمه هي الي تطبخ

وشكلي بجيك على الزباله قبل ما اكل ( عزكم الله ) بشوف اذا شي بقايا علب

ولا ما يخصني اهم شي احصل اكل حلو ومرتب والحرمه تتصرف عاد

عادي بخسس فيها بتصللها من الدوام وبقولها شي سمج قباب بالثلاجه اباج تشوينه

وشي سمج صافي بعد لا تنسين تقلينه ( عشان الزيت ينطش على ايدها ويحرقها ) لوووووووول

وشي سمج صافي بعد لا تنسين تقلينه ( عشان الزيت ينطش على ايدها ويحرقها ) لوووووووول
ماشاء الله الانتقام يسوي شغل
انت هب متزوج وتبى تنتقم الله يعينها عيل:em19:

الأرن ,,

يختي تعجبيني انتي :em37:

انزين تعالي اخبرج ..

بالعكس الاومليت وايد صعب و يباله عباله لين ما ينجلب كامل

انا اقول بيض عيون احسن و اسهل :em26: >>>> اختها تزقرها "بيض عيون " مب لاني وايد اسويه لسبب ثاني ^_6

لاحظت كل الوصفات تقريبا يبالها مايكرويف .. يعني اول غرض تاخذه الحرمه

حق بيتها هو هالمايركويف للحصول على حياه هانئة و مستقره :em04:

...

صح نسيتي شي مهم

انـــــــــدومــــــــي

لذيذ و سهل التحضير

مره حصلت اختيه و ريلها يتعشون اندومي ( شكلهم يحبون التغيير :em18: )


...


شخصيا انا تخصص حلو (حلويات )

بس ما عندي مانع استعين بوصفاتج السحريه :em46:

تسلمين ولا تنسين تحطين ثوم مفروم فالحمص :em26:

.


كيان

بنت حواء

انزين بتخبرج ولو واحد ملقع ويعرف بين البقدونس والمادري شو اسمه هذا شو نسويبه :em19:

ما عليج ما بينتبه..

وإذا قالج هذي كزبرة (غلطيه) وقولي له انها بقدونس واثبتي في النهاية انتي الحرمة وانتي أدرى منه:em08:

ولا تردين بكلامج.. (اثبت في الحرب وحيّر عدوك:em19: )!!!

يسلم المرور الجميل

وكل الشكر والتقدير:em34:

الأرن

بنت فلان

ورق عنب و:em52: ؟؟:em08: ..

تماااااااام لج مستقبل !!! :em37:

والوالدة: ترد بالسلامة ان شاء الله:em34:

مرور أسعدني وتواصل متألق:em46: ...

كل الشكر والتقدير

الأرن

قلبي يتألم بصمت

أختي ما أدري انتي ليش للحين هب مقتنعة انه (نك نيمي) الأرن هب الأردن:em18:

شى رياييل يساعدون حريمهم في المطبخ

كلامج صحيح!! وايد ناس أعرفهم جذيه، لكن يظل المطبخ مملكة المرأة:em37:

حلو التعاون والحياة الزوجية شراكة بين الإثنين..

ممكن أنه يساعد في غسل الصحون!! :em08:

ولا أقول خل يتعلم قبل يشيل الصحن من الطاولة ويوديه المطبخ؟؟!!:em05:

مرور جميل أسعدني

كل الشكر والتقدير:em34:

الأرن

طير الحب


انا عن نفسي اعرف اطبخ بس ما احب ادخل المطبخ دايما

حلو انج اتعرفين!! حتى لو ما تدخلين وايد المهم وقت الأزمات تمشين حالج:em37:

هذا الاحمريسمونه سماق معلومة قيمة تراها


شكرا عالمعلومة وأعرف أنها سُمّاق (بالتشكيل بعد ):em05:

لكن يوم كتبت الموضوع كتبته من باب السخرية (:em26: )


مرور جميل أسعدني


كل الشكر والتقدير:em34:


الأرن

استريحي
يكون في علمج ان الرياييل اكبر خبراء في عالم المعلبات ومايفوتهم شي بتاتا البته !!:em05:

الغادي..

لا تستهين بالحريم!! "إن كيدهن عظيم"

وبعدين الحرمة بتضيف لمساتها الفنية عالمعلبات يعني بتاكل وانت خبر خير!!

شكرا للمرور الكريم

الأرن

جيه بوي هو متزوجنها عسب يشغلها عندة واذا حس باليوع يلز المطبخ ولا يسير ع اقرب مطعم
والريايل فجعانين همهم بطونهم ؟؟ خفوا كروشكم عنبوة

tatu girl

ترضين تاخذين واحد ما يشتغل وقاعد في البيت وانتي اللي تصرفين عليه!!!

شكرا للمرور الكريم

الأرن

روحي مطمئنة

مرور مميز ومداخلة رائعة..:em37:

شكرا للفهم العميق لأهداف الموضوع ومقاصدة..

دمت ودام هذا التفرد..

الأرن

هي صح!! سرج في بير محد بيعرف:em05:

اول مره اعرف انه موووووووووووووول ما يخصج بالمطبخ

az

منو قالك اني ما أعرف أطبخ!!!

والله يعين مرتك إذا جذيه اتفكر:em19: ؟!!

تدري سالفة السمج بعد محلولة!! يا كثرهم المطاعم اللي يشوون السمج ويقلونها لا والتوصيل مجاني للبيت :em05:

شكرا للمرور الطريف:em46:.. أسعدني..

دمت

الأرن

كيان طفلة

بالعكس الاومليت وايد صعب و يباله عباله لين ما ينجلب كامل
أنا ذكرت في الموضوع ان من المجازفة انج تحاولين تجلبينها عسب جذه حركيها بسرعة هي بتتقطع وبتستوي بروحها ..

صح نسيتي شي مهم
انـــــــــدومــــــــي
لذيذ و سهل التحضير

شكرا للمعلومة القيمة لكن هذي ما أحبها!!

شخصيا انا تخصص حلو (حلويات )

في البرنامج واحد اتصل وقال :
الحرمة ما تعرف اتسوي إلا الحلو وياريت لو في المطبخ !! تقعد في الصالة وتشتغل..
رد عليه المذيع:
تراها تشوف برنامج الطبخ واتطبق على طول لا تكون قاسي واحمد ربك انها اتسوي لك سويت أحسن من لاشيء

مرور أسعدني
كل الشكر والتقدير

الأرن

ثنكيووووو على الموضوع الاكثر من رائع وبصراحه موضوع مأخوذ من الواقع وقابل للنقاش وتختلف فيه الآراء

وانا من رايي ان كل بنت في بيت اهلها تتدلع ولا تدخل المطبخ ابد ابد هههههههه واذا تزوجت عاد يحلها الف حلال ، وصدقوني يا الشباب اذا البنت ماتعرف تطبخ وتزوجت وارتاحت وحبت زوجها راح تتعلم الطبخ عشانه يعني لاتخافون منتوا ميتين من اليوع

يعطيج الف الف الف عافيه على الموضوع الحلو

:em26:

:em54: :em55: :em53: مشكور أخوي والله صرة طباخة ماهر
مع اني عمري مادخلت المطبخ بس مجاملة ماعندي وقول ابصراحة أن الموضوع أثار أعجابي
وأشكرك موة على أهتمامك ب (لبنات ) :em26: المنتدى وأنت أول واحد احيس
أبتعب البنات على الشباب والمسئوليه الاولى على البنات
وأقدم ألك شكـــــــــــــــــــــــــــــــــــــــــــــــر
خـــــــــــــاص على الموضوع مني أنا هديـــــــــل الغرام:em04: :em04: :em04:

الحمدالله انا وحدة محترفة بالطبيييييخ

احم احم منو قدي ..

تسلميييين بنت حوا

احم احم احم احم احم



زين انى اعرف اسوي شااااااااااااااااااااااااااااااااااااي
يسلمووو الذوق على الموضوع^_^

frnandia

شكرا للمرور الكريم..

وكلامج صحيح

[line]

هديل الغرام

العفو عزيزتي..

والأرن وحده هب واحد

[line]

حفيدة زايد

الله يسلمج..

زين يوم وحده قالت انها محترفت طبخ

[line]

عاشقة

الشاي ما يشبع!!

وشكرا للمرور

ههههههههههههههههههههههههههههه


مرحبا الأرن

توني عضوه يديده على المنتدى بس اول موضوع شد اهتمامي هو هذا

ابصراحه و بدون مجامله المفروض على كل بنيه لازم تعرف تطبخ
طبعا مب معناها انه لازم تكون شيف و تتفنن و طبخ ما لذ و طاب و كل يوم أكله من دوله شكل بس لازم على الاقل تعرف تسوي بيض وعيش و شاي خاصه الشاي لانه مب كل حد يعرف يسويه و سأليني .........
ممكن الشباب قالوا الصدق بس شوي بدفاشه بس مب يعني انهم غلطانين

حتى لو كانت موظفه في هناك طرق تساعدها بس هي تشغل عقلها ...


و اخيرا طبعا الحياه مساعده مثل مب الزوج يدور المساعده من حرمته لازم يحظر نفسه يساعدها طبعا ...

لانه ايد وحده ما تصقف .

الارن


والله موضوعج عجيييب

تسلمين الغلا

.... ....

انا عن نفسي اختي احب ادش المطبخ بس ما اتفيج

او يمكن لاني ما اعرف اسوي شي غير المعكرونة و العيش

و اشياء ثانية بسيطة .. الله يخلي اختي لما ادش المطبخ ادش وياها اساعدها اوني

و بصراحة الحرمة شغلتها اتربي عيالها و تتكشخ حق ريلها

و اذا طبخت و غسلت و نظفت فزين منها ..

بس اظن ان ماشي حرمة ما اتحب الطبخ مهما يكون تراها متعة

و احلى شي لما اتقلبين و تخلطين

و تدرين في البيت معورين راسي والله

دوم يقولون لي انتي ما تنفعين و انتي ما اتعرفين اتسوين شي...الخ

و خصه اخواني ما ادري شو يتحرون البنت عدهم .. ع كيفهم يسيرونها

و اقهر شي لما انكون يالسين ع السفرة و اخوي يقول لي سيري ايبيلي ماي

يعني انت ما عندك ريل اتروح بروحك ؟ و ما اتشوفني يعني يالسة اكل ؟

طبعا انا ما اروح لو نتطبق السما ع الارض و هو يقعد يهزبني و انا مطنشة

هههههههههههههه اسميه يعصب عليّ<< مب مهم مدام ابوب و امي راضين عني

و السموحة اختب ه الاطالة

والله حطيتي ايدج ع العوق

الارن مشكوره عالنصايح 00 انا احب شي اسمه طبخ 00 يعني اعرف اطبخ مع اني صغيره 00
مشكوره مره ثانيه،،،،

تسلمييييين خيتووو ع الموضوع الحلوو...والحمدالله اني اعرف اطبخ والفضل يعود لطباخنا الي علمني ههههههههه ..وحلو انه الانسان يدخل المطبخ سوا المرأه او الرجال ويتساعدون في عمل وجبه حلوووه وجذي يعني يصير الطبخ وناااسه مو هم او فرض مثل ما يعتبره البعض .

السلام عليكم...
مرحبا اختي الأرن...

لوول.. بصراحه عيبني الموضوع وايد... خصوصا انه يرمس عن الطبخ واللي هو عشقي و حياتي لوول ..

انا بصراحه اشوف انه البنت اللي ماتحب الطبخ.. هاي بطرانه يعني يلسه فالبيت 24 ساعه... شو فيها لو بتتعلم تطبخ..
بعدين أسرع الطرق الى قلب الرجل "بطنه" .... لووول.. يحليله يحاتي كرشته وايد...

وهاي لقطات من انتاجاتي المطبخية لوول

" ملاحظه.. الاسم اللي محطاي اسمي بس في منتدى ثاني"
كيكة اسفنجيه
http://planets.uaeplanet.net/upload/1123291856.jpg
كيكة الهيل والزعفران
http://img85.imageshack.us/img85/3103/jsrtjhx2.jpg
كيكة الرمل
http://img95.imageshack.us/img95/2930/rtjsrjpf2.jpg

http://img95.imageshack.us/img95/9307/rtsjnq4.jpg

كيكة من فوق كاكاو نوتيلا لوول
http://img86.imageshack.us/img86/2506/image07tx0.jpg

كيكة البرتقال
http://img213.imageshack.us/img213/4121/image12xd2.jpg

البسبوسه
http://img95.imageshack.us/img95/3061/image29uv4.jpg

و أخيرا ليس آخرا علشان ماتقولون فالحه فالكيك والسويت بس

http://img62.imageshack.us/img62/8812/image623uw9.jpg

سمج مقلي معتبر *__^

اتمنى ما اكون يوعتكم لوول..

السلام عليكم
اختى الارن شكرا على طرحج الموضوع المفيد للبنات والمتزوجات خاصه. اتمنا من كل اخواتى تعلم مهارت الطبخ لانها سهللللللللللللللللللللللله وايد. عباره عن مقادير والطريقه اتبعها بالدقه وبعدين ايكون كل شى اوكى. تخيلوا ان الشغالات او الخدمات اختفوا او انقرضوا شوا بتسون لاتقولون اكل المطاعم لانه ممل اذا كان دائما. انا عني ماكنت اعرف شي في الطبخ بس تعلمت ومن يومها صار عندي مهاره يديده وانا سعيده بهاشى عكس قبل كنت دلوعه مااحب اطبخ شفتوا عاد ملكة وتطبخ ههههههه مااحب اكل الشغالات. والطبخ مايباله شى ادرى بتقولون اف مااحب اقصص ومااحب السمك واللحم والدجاج بسيطه فى حل لبسوا قفاز عشان يحافظ على جمال اليدين . وفي اختراع جهاز تقطيع البصل للى ماتحب الريحه ولاتخاف اتصيح ههههههههههه. مع الايام بيصر الطبخ كاي هوايه والوحده وفنها كيف تالف اكلات جديده اكيد بيرتاح منها زوجها وايد. وشكرا على الموضوع المفيد.

تسلمين ع الموضوع




وشكرا ع النصائح الطيبة

والله شئ بناااااااات وايد لا بعد معرسات ما يعرفن يطبخن


اذكر واحد طلق حرمته من اول يوم يوم دش المبطخ لقالاها اتقص البيضه وهي نيه لانها ما اتعرف فيها شئ



بس انا حكمتي في الحياه الوصول الى قلب الرجل من معدته يعني قلب الريال هب في صدره في بطنه والحمد الله انا اعرف اطبخ واتفنن فيه


اللي علمني يوم ادش ع مواقع الطبخ في النت وادش واتعلم حتى اذكر في منتدى كان خاص للطبخ وكانوا حاطين في مسابقات للطبخ بس وناسه كان

قلبي يتألم بصمت

أختي ما أدري انتي ليش للحين هب مقتنعة انه (نك نيمي) الأرن هب الأردن:em18:

شى رياييل يساعدون حريمهم في المطبخ

كلامج صحيح!! وايد ناس أعرفهم جذيه، لكن يظل المطبخ مملكة المرأة:em37:

حلو التعاون والحياة الزوجية شراكة بين الإثنين..

ممكن أنه يساعد في غسل الصحون!! :em08:

ولا أقول خل يتعلم قبل يشيل الصحن من الطاولة ويوديه المطبخ؟؟!!:em05:

مرور جميل أسعدني

كل الشكر والتقدير:em34:

الأرن




شلوووون شلوووووون شلووووووون !!!! :em16:

لااااااااا واللـــه مو شي الرياييــل يساعدوون حريمهم بالمطبخ :em14:

اليـــوم مطبـــخ باجــــر نرضـــع اليهااااااال بعد هااااااا :)


واللــه بنااااااات هالأياااااااام لـكـــمـ عليهم شوي

مو خــوش بنات بالمطبــخ

الأغلب موو الكـــل طبعااا ً علشان مايزعلووون علينااا


بسسس حلووووو الحرمــه إذاا كانت تبـدعـ بالحـــلويات بلا شغل مطاعم

والطبــخ شغل مزاج بصراحه .. يعني اذا يوعانــه الحرمه اتفنــن أكيييد

أناااااااا عن نفسي ....



الحمدلله أعرف اطبخ بس لمــااااااا نطلــع للبــر سوالف الشباب مو بالبييييييت :em03:


تحيااااااااااااااااااااتي


ويسلموووووووووووووا على الموضووووووووووع

سلمووووووووا

السلام عليكم

موضوع قيم ...صح الاسلوب ساخر ولكنها قضيه مهمه....في رايي الشخصي...المفروض المراه سواء غير متزوجه او متزوجه تتعلم الطبخ....وعن نفسي كنت من النوع اللى ما احب ادش المطبخ علشان اطبخ حق حد والوالده ما اعترضت على هالشي...بس في فترات الصيف خذيت الطبخ كهواية ... ما اقول عن نفسي شيف...بس اقدر ادبر اموري بدون خدامه:em03:...وتسلمين عالموضوع القيم

الغاليه موضوووووووووعج حلو........بس عني اناااااا ماااايبت بشكاره بيتي الا عقب ما يبت ولدين ،،،مش عسب اني ما اقدر ايب بشكااااره لا والله اقدر ايب عشر لو اباااا ...بس على ما اضن الريال يوم يفكر يعرس عسب يستقر مب عسب يلس يطااالع ويهاااا 24 ساعة ...الريال يبهااا تهتم فيه من كل الجوانب تطبخله وتغسل ثيااابه ودخنهن له وتربي عياله وتهتم في نفسها من جهة اللبس ...... صدقيني اختي الريااال اهم شي عنده انج تهتمين فيه من كل الجوانب الاكل اللبس تربيت العيااال ....اذا سويتي جيه بحطج في عيونه ...واذ كنتي تشتغلين مب سبب مقنع انج ماتطبخين.... انا كنت ادرس في الجامعه وتقريبا اطلع على الساعه هنتين وطبخ وغسل وماكنت اقول ااااف اناتعبانه ماروم اسوي شي لا والله بلعكس كنت اسوي اي شي يرضي ريلي ،،، وكااان يستاانس وهذا يعطيني دافع اكبر .......صدقني بنااات سون اللي اقولكن اياه ومابتندمن.... واللي بتقول انا اشتغل ماعلية اذا كانت عندج خدامه في البيت خليهاا اجهزلج اللي تبينه وانتي اطبخي صدقيني ما بياااخذ ساعه كامله منج >>>>اللي يبي الصلاه ما تفوته...........

وربي يوفقكن كلكن وسمحلي اذا طولت عليكن

هلا
تسلمووووووووووون ع النصائح المفيده للبنات اللي مايعرفووون مكان المطبخ بالأصل....


بالصراحه ..انا كنت ما أعرف اطبخ والحمد لله مع التعلم الله يحفظ ماماتي كنت اشوفها يوم تتطبخ و اكتب المقادير والطريقه ويوم برمضان اشوف خواتي يطبخووون والحمد لله استوييت طباخه(( نبر ون))
طبعا الحلويات امممممممممممممممممممم بين يومين اسويلهم اكلات...والحمد لله بعدي ماعرست...




بالتوفيق للجميع

موضوعج حلو واسلوبج هو الي محليه اكثر ^_^

صدق يقولون اقرب طريج الى قلب الريال بطنه بس حليلي ما اعرف اطبخ موليه مب لاني ما ابي اطبخ بس لاني ما اتفيج اقول الين اعرس عقب بتعلم >> واذا ما عرستي ههههه عشان جي بس صدق ساعات ايلس افكر واخذ الموضوع جد اوني بتعلم بس ما ادري شو يستويبي اصرف النظر عنه يمكن لان ماشي تشجيع او ما ادري ،،

تسلميييييين غناتي عل الطرح لا عدمناج :)

هههههههههههههههههه والله وفضحوووووووونا انا عن نفسي ما اعرف اطبخ شي .. بس اللهم الشاي حتى اول مرة يوم ييت اجرب اسويه بدال لا احط فيه شكر جان احط فيه ملح هاهاهاااااااااااااااااااي ...

بصراحة احس الطبخ شي معقد وصعب ...


وان شاء الله فالمستقبل بقص ع الريال كل شي جاهز بشتري وفالمايكروويف لوووووول هذا اذا كان واحد غبي .. هاههاهاهاااااااااااااي

تسلمين اختي ع الموضوع .. ويعطيج الف عافية

تحياتي لج

اقولكم شي اصلا مافي حرمه ما تعرف تطبخ بالله عليكم ما سمعتو بشي اسمه كتاب طبخ عاد والي تقول ما اعرف هذي ما تعرف تقرا والا عجز لا اكثرالسلام عليكم ورحمة الله وبركاته

هههههههههههههههههههههههههه
والله انكم وناسه
بصراحه انا واختى كنااخر دلع ولا نعرف نسوي شي بس اختي بعد ماملكت تعلمت والحين صارت طباخه ماهره واكلها ماشاء الله مره لذيذ وصحي

فااعطتني امل اني لمن املك اتعلم بس صح انه الزوجه لازم هي تطبخ احس شغله مره حلوه انها تااكله من طباخها ولاحلى كمان انه يكون في خير ويساعدها ههههههه

الطبخ حلووووووووووووووووووو ... وخاصه الحلويات هههههههههههههه

الأرن

+ + + +

السلام عليكم

ما ادري الموضوع لتعليم البنات فن اللواته "سوري قصدي الطبخ " و لا لموضوع اصرار الرياييل على ان الحرمه تطبخ .. !!


بس انا اشوف يا اختي انا اغلب المتصلين خروطوا .. سوري ردوا بردود ..إذاعية ... يعني ما اعتقد هذا هو واقعهم .. لان كل بيت لاسف صار ما يستغني عن الخدمات و الطبابيخ ..:(

و اعتقد ان البنات اذا بيطبخن بيطبخن ع الخفيف .. يعني سوالف البسكوت و السويت و الكيك و هالاشياء ..

لكن في رمضان .... احس البنات ما يقصرن .. صدق يشتغلن :)


و في النهايه ربي يوفق و ايوز كل بنات المنتدى ان شاءالله

ربي يحفظكم

فداعة الله

مب كل الرياييل ما يعرفون الطبيخ انا اعرف اسوي بيض عيون

مشكوووووووووووووووووووووووووووووووووووووووووووووووووووووووور ة يا اختي
على المساعدة..
ترى بعد الي قلتيه يباله وقت وتعب..
انا من ناحيتي اعرف اطبخ بس طريقتج اريح بوايد..
وهذا الحل السريع لكل زوجه عامله..
و الاحمر الي طريتيه اسمه (( صماغ))
و اشكرج مره ثانيه لانج ظمنتي مستقبل البنات...
وطيحتي سوق الخدامات..

مشكورة اختي على الموضوع الحلو نتريا يديدش

شو هاه ؟؟ يا سلام ...نحن لازم نشتغل شرات الخدامات عسب ما يقولون لنا اتزوج الخدامة احسن..يابوك اتزوج الخدامة محد ميودك بس لا توهق بنت الناس معاك وتتزوجها عسب تشتغل لك بس اذا هي فاضية والله ماعندها شغله تطبخ لك اما عندها شغل او حتى تعبانة مب مجبورة تطبخلك ليش ماشي خدامة تطبخ ولا هلك ما يطبخون لا بعد يتشرطون مانبا اكل معلب يا سلام....اقول اسمعوا عدل شباب اذا همكم فبطنكم سيروا مكتب و اختارولكم خدامة تعرف تطبخ وتزوجوها انزين مب تزوجون بنت الناس وتقولوها اطبخي انا ازوجتج ليش؟؟ اتزوجتها عسب تطبخلك وتغسلك صحون وتشتغلك خدامة عيل خلاص سير اتزوجلك خدامة احسن ومهرها ارخص وفي بعضهم بدون مهور توفر عليك وتطبخلك انزين اونه انتوا شو شغلتكم يلا اطبخوا ...والله الخدية اللي تقعد مع واحد يتشرط ويتأمر عليها انت ريلي على عيني وراسي بخدمك بس تجبرها ولا تنازعها طبخي ما يوز جيه ...انت هز طولك وجرب تطبخ اسبوع..بتحرق الاكل وتكسر صحون لانك مب متعود يلسة المطابخ ليش انت ريال لازم اربع وعشرين ساعة تتحوط لا تقول نحن نشتغل نحن الحريم بعد نشتغل اقول والله حتى اليهال يشتغلون الحين فمدينة مدهش مب شي يعني انك تشتغل والله محرقة انا ماعرف ليش على العموم مشكورة اختي على الموضوع اللي خلاني ابرد حرتي شوي

ههههههههههههههههههههههههه بن دبي حرام عليك اللي اتسويه

عز الله ازوجنا وانا الصراحة انسانه فاشلة في كل شي يعني ما اعرف ولا

شي عن الطبخ وسوالف الطبخ يالله حدي اعرف عن شعري وكشختي على قولة امي هذا اللي

فالحة فيه والله يعين اللي بياخذني ههههه يعني طلاق من اول يووم وتبون لاصراحة ابغي حد

ينصحني بهالخصوص نعمي مب مهتمه وايد لاني ما احب شي اسمه مطبخ

والسموحة

ويسلموووو

ههههههههههههههههههههه

انا ماتهمني زوجتي تطبخ ولا لأ ..

المهم عنا خدامه تطبخ ....

تسلمين ع الوضوع الغااوي ....

ول شي زين مني اسوي جااااااي

ههههههههههههههههههههه

يسلموووووووو على النصايح الحلوه

بصراحه من غير ما امدح نفسي اعرف اسوي كل شي
كل طبخه يبونها بيتنا اسويها لا تقولون مدااااح نفسه
والله ما امزح الظروف اجبرتني اتعلم الطبخ الحين الحمد لله
اعرف اسوي كل طبخه وبيتنا دوم يمدحون في طبخي
الحمد لله اني اذا تزوجت ما راح احتاج احد يعلمني الطبخ
ويلسمووووووو مره ثانيه
تحياتي\\ انين

اكيدى كل الوصفات الجاهزه كثير تريح الوحده بس مهما كان طبخ البيت أحلى وأصح انا عن نفسي مابي زوج المستقبل ان شاء الله ماياكل الا من ايدي

بصراحة انا ماعرف اطبخ و لا ادل المطبخ في ببيتنا
و يسلمووو عاموضوووووووووووووووع

والله انا اشتهيت الاكل ...... والحمد الله اعرف اطبخ
مشكوره على الموضوع الحلو .

والله يا خووي شوف المهم اكل

حتى لو تجيبي اول صورة صحن الحمص الوجبة المفضلة خخخخ
تسلم خيو

الحمد الله اعرف اطبخ
مشكوره على الموضوع رائع

انا ما اعرف اطبخ ولا اسير مطبخ في خاطرية اطبخ بس ما عندي وقت كل امي تطبخ وخدامة ودي وحدة منهم يعلمووني طبخ والله ههههههههه




تسلمين اختي ع موضوع

^&)§¤°^°§°^°¤§(&^خخخخخخخخخخخخخخخخخخخخ
أنا ما أعرف أطبخ ولا أكلة ^&)§¤°^°§°^°¤§(&^

الي ماتطبخ هي السنعه:em05:


انا اعرف شباب يطبخون احلى

طبخ عادي يتساعدوووون

مع زوجاتهم

الدنيا مسعادة

سيف انت ما تعرف حتى البيض انا اعرف الحمدالله من انا ياهل علموني الطبخ

والله موضوعج حلو
:em47: تصدقون ان ولد خالي حرمته ما تعرف تطبخ و كل يوم يتغدون برا او تروح بيت اهلها و هو اي بيت خالي:em47:

مساج الله بالخير

شوفي فعلا الريال بذات هنيه ماأهم شي عندهم بطوووونهم

يعني يمكن يمرر الريوق عادي بعضهم مايحبون يتريقون او ماعندهم وقت، بس لو رد البيت أول شي يسويه الريال يتشمم ههههههههههههههه عسب يعرف شو الغدى اليوم ، زين أذا ماراح المطبخ ..........

صحيح وأنا ا ختج ينقص عليهم في الريوق بس في الغدى مااعتقد

صعب أنج تقصين عليهم، عاد الريال أكيلت لحوووم وشحوم وعيوش


تسلمي فديتج.

http://smileys.smileycentral.com/cat/36/36_1_19.gifhttp://smileys.smileycentral.com/cat/36/36_1_19.gifhttp://smileys.smileycentral.com/cat/36/36_1_19.gifhttp://smileys.smileycentral.com/cat/36/36_1_19.gif
http://smileys.smileycentral.com/cat/36/36_1_19.gif http://smileys.smileycentral.com/cat/36/36_1_19.gif http://smileys.smileycentral.com/cat/36/36_1_19.gif
http://smileys.smileycentral.com/cat/36/36_1_19.gif http://smileys.smileycentral.com/cat/36/36_1_19.gif
http://smileys.smileycentral.com/cat/36/36_1_19.gif


والله ذبحتيــني من الضحك ..

عليـــــج أفــــــــــكار عجيـــــــــــــــــــــــبه يا الأرن .. ==> أقولج شو يعني الأرن ..؟؟؟

وبصــراحه أنا مب محتاجتنها لأني ولله الحمد طباخه ممتــــــازه ..==> يبالي أفتح مطعم .. خخخ

بس للأســف أنا متزوجه وريلي أكره ما عنده يشوفني سايره المطبخ مع اني أحب الطبخ ..
http://smileys.smileycentral.com/cat/36/36_1_38.gif
لكنه اتعقد لانه زاد وزنه 15 كيلو بسنه وحده بسببي .. خخخخخ

يحب ياكل اي شي خفيف وبس .. يعني صمون وجبن والغدا مع أهله فما أسوي غير حلويات أحيانا ...


وتســــــــلمين حبوبه على هالمجهود الراااااااااااااائع .. وما أدري يمكن لو داومت أتبع خطواتج .. هههه

تسلم أخووووي على الصوووور والمووووضووع الرائع جداا

ويعطيك العافية

وشوووو فايدة الحرمة إذا ما تعرف تطبخ

لازم الحرمة تا خذلها كووووورسين من الطبخ من عند أمها

ههههههههههههههههههههههههههههههههههههههههههههههههههههههه

لاتسونها ياالحريم انا من ناحيتي ابي حرمتي تطبخلي اجل ايش فايدة المطبخ في البيت




ثنكس على الموضوع

بس من باجر بادخل مع أمي المطبخ

علشان في المستقبل اذا تزوج أعرف أطبخ حق ريلي

فعلا الحرمة ال ماتعرف تطبخ دى تبقا كارسة لجوزها

انا الحمد لله بعرف اعمل اكل جميل يعنى بعرف اعمل مكرونة بالطماطم واعرف اعمل طبعا الشاى والنسكافيه دولا اكيد يعنى

كمان بعرف اعمل مكرونة باللحمة

كفايه كدا ان شاااء بكرة اتعلم حاجات تانيه

هعهعهعهعهعهع

شكرا اختي ,,,الارن ,,, على نصيحتج الحمدلله انا بصراحه اعرف اطبخ يعني امشي الحال |67|


تدرين انا حاليا برع الدوله مع اخوي وحرمته مرات اتوهق لازم اطبخ

:em13: بعد ماكنت دلوووعه عند ماماتي ,, تدرين حليلهم الشباب يوم يتغربون غصب عنهم يدشون المطبخ ههههاااي والله يكسرون الخاطر ريوقهم بيض محروق وغداهم حمص وعشاهم والا اقولج مرات يرقدون من دون عشا خخخخخخخخخخخخخخ ’’ ترا سواااااالف لا تزعلوووون :em03:

أنا أعرف أطبخ بس مب كل شي اشيااااء بسيطه

اشلونج أرن

أنا ما بعلق على الموضوع

بس حبيت أقول أن عجبتني خفت دمج

أنا أقرا كل كتاباتج بس ما أعلق

بس قلت في نفسي لا لازم ندعم هالقلم

تسلمين دووووم عالمواضيع الحلوة والمميزة
وطريقة طرحج لها أجمل ما في الموضوع

الله يوفقج ويحفظج

أنا الشي الوحيد أللي أعرف أسويه هو :البيض والبسبوسه والغريبه
وبسسسسسسسسسسسسسسسسسسسسسسسس
والباقي ما أعرف بس إن شاء الله بتعلم مع أني ما أروم أدخل المطبخ لإني أكرهه وأكره شي أسمه طبخ
بس الحلويات

خخخخخخخخخخخخخخخخ

والله انج خطيره بس هذيلا ما ينقص عليهم


لازم نتعلم .. انا احب اطبخ بس ..... ما اعرف خخخخخخخخخ


ويسلموا اا على الطرح

هلا وغلا ختيه مشكورة على هالمشاركة الحلوة بس الوحدة لازم تتعلم عسبة يوم تعرس صح ههههههههههههه:em03:

إلا واحد قال : أنا مرتي تشتغل وترد من الدوام مرهقة وما لازم أحملها فوق ضغوط العمل ضغط الطبخ إذا طبخت لي كرم منها وإذا لأ هب مجبروه!!! (رده جميل لكن مسكين قطعوه المتصلين اللي بعده)

الله يكثر من امثاله في مجتمعنا ...

شكرا على النصايح 00000 واهم شي واحسن شي المعلبات

والاكل الجاهز اللي مايبغالة غير قلي ....

والرجاجيل لية مايكون لهم يوم في الطبخ ؟؟؟؟

مو كل يوم على المراءة فكر في هذا الموضوع يارجل ان يكون عليك يوم في الطبخ

وياحبي لرجل اللي يدخل مع مرتة في المطبخ ويساعدة على الاقل في تجهيز الاكل
مو يكبر كرشة ويصارخ عجلي بالاكل ....

هههههههههههههه

مشكوره الغـــــــــــلا

الصراحه ريحتينا

من اشياء وااااااااااااااااايد

وتسلمين ع المشاركه الحلوه

افكار حلوة
الصراحه انا ماعرف اطبخ"يعني اشياء بسييييطه"
ومن هالافكار بستفيييد
شكرااااااااااااااااااااا

اصراحه انا احب الطبخ





مشكوره الغاليه

لج تحياتي

سبحان الله

والله ترى الطبخ سهل بس انا ما اعرف اطبخ شي

من ادخل الامطبخ امي تيلس تهزأني وتنازعني

ليش جي سويتي غلط !!!!!!!!

مب جي رديه مكانه؟؟؟؟

بس المعلبات والاكل الجاهز بصراااااحة سهل حياتنا

كل شي جاهز هالايام؟

مشكورة اختي انج اهتميتي بمستقبل ( اللي مايعرفون يطبخون)


و اتمنى احصل وايد مواضيع مثل ها الموضوع

وثااااااااااااااانكس


طير عنده خبرة والله اتحرى الرياييل اغبياء مثل اخوي ما يفرق بين الكسبرة والبقدونس

عهههههههههههههههه

تعلموووووووووا يالحريم
ههههههههه

والله بصراحة انا ما عرف شي اسمه طبخ (( شو اسوي مدلعيني ))
يوم اقول حق اماية ابا اتعلم الطبخ ... شو تتوقعون تقول؟؟؟ الله يسلمكم اماية بتقولي تو الناس وانا ماصدق حد يقولي شي واستانس واقول الحين اماية تقول هالكلام خلاص عيل مب لازم الحين اتعلم.. فانا بصراحة بس يبالي دقة .. وابوي واخواني العكس تماما .. يقولولي الحين انتي عودة لازم تعرفين تطبخين وما نبا ناكل دوم من اكل البشكارة .. ويوم يقولولي هالكلام اذكرهم بالي سويته يوم اول مرة دشيت المطبخ (( اوني بسوي عيش حق اخواني )) بس النتيجة اني حرقت المطبخ خخخخخ بصراحة وناسة الطبخ ..
ان شاء الله بتعلم فالمستقبل القريب .. وبسوي عرس يوم بسوي اكلة عدلة (( بس متى بيي هاليوم ))
ادعولي..
اختكم اعذب ابتسامة..

http://www.moveed.com/data/thumbnails/88/girlandkitten.gif

ول ول ول

ليش مكبرين الموضوع ... الا طبخ ترا :sm170:

<<<< قبل العرس ماتفرق بين الكزبره والنعناع

بس الحين الحمدلله ولا الشف رمزي ^_^

بناااات خطوات سهله احفظنها زيييييييين

1- عطي الكســـل شوته محترمه :biggrin:
2- طبقي اكلات من الانترنت (وورد >> كوبي >> بست >> طباعه )
3- الاكله اللي بتنحرق عاااادي تسلملها الكشره + ابتسامه عريضه
4- ادرجي من السهل للصعب (ابدي عصاير >>سلطات >> فطور >> حلويات ..الخ)
5-اتفنني في التقديم >> الله يطول عمر النت >> سوي بحث عن فن التقديم

واممممممم فيه طريقه تخليج تحبين الطبخ >>> روح المنافسه
كلنا انعرف ان البنت تموووووووت في شي اسمه منافسه

احنه البنات (انا وربيعاتي وقريباتي ) نتنافس من تسوي احلا اكله ومحددات يوم في الشهر نتيمع كلنا في هاليوم والنتيجه احلاااا وليمه ..وكل وحده عندها دفتر ..نكتب فيه الاكلات الناجحه..مثلا عجبني حلا مسويتنه وحده اروح اخذ الطريقه واكتب في دفتريه ^_^
*·~-.¸¸,.-~*الاتحاد قوه *·~-.¸¸,.-~* لوووووول

الشي الثاني >>> الخدامه <<<
انا صراحه ماستغني عن الخدامه حتى لو ماعندي عيال ..ليش ؟؟انا اقولكم ليش ..
لانها بتوفرلي وقت اشوف نفسي واستمتع بكوني زوجه ^_^
..ماعتقد الريال بينشرح صدره للبيت لو كل مادخل لقاني تعبانه وماطيق كلمه من كثر المسح والكنس والغسل والكوي وووالخ ناهيكم عن بطونته..
خلي الخدامه يد ثانويه لج مب اليد الرئيسيه في البيت..
مثلا انتي مداومه ..قوليها الساعه كذا تكونين نقعتي الديايه وطبختيها وجهزتي كذا وكذا وكذا
على ماتوصلين تضيفين لمستج على الغدا (وفرتي وقت + انتي طبختي مب هي )


وتسلميييين يا الارن على هالقضيه المهمه في حياة البنوتات..
^_^
تحياتي لج..
لا خلا ولا عدم..

http://www.moveed.com/data/thumbnails/88/girlandkitten.gif

ثاااانكس عالموضوع

لووووووووووووووووووووووووووووول
بس اخر الشهر في المستشى مو زين كثرة استخدام المايكرويف والمعلبات

بس والله المطبخ شغلة انا ما احب المطبخ والمشكله اني اذا شفت الاكل قبل لايطبخونه خلاص ما اقدر اكل اكره الاكله الحمدالله على النعمة بس طبع ايش اسوي
والطامه لكبرى اني كل ما قلت بتعلم دخلت المطبخ احترقت خلاص ما بتعلم مو لازم
واذا جاء وقته الله يخلي كتب الطبخ ,,,


يسلموو على الموضوع ..مره جنان

يا ســـلام ..

عادي ناخذ كورســات .. ^^

يعطيك الف عافية

والصراحة انا اعرف اسوي كل شي ..بس حطوا جدامي كتاب الطبخ ..^^

والله أنا ما راح اتعب حبيبتي و أخليها على مزاجها
يوم بتطبخ و ان شاء الله عشرة بدون طباخ ...
الزم ما علي حرمتي أحطها وسط بؤبؤ عيوني

::

والله يعطيك الف عافية و نتمنى لك الاستمرار على نفس النموال

تحياتيــــ لكمـــــ

مرحباااااااااا اختيه


الصراحه انا اشوف ان الحرمه لازم تعرف تطبخ ... لانه شي ضروري ..


اوكي اللحين الخدامات مايقصرون ... بس منو بيعلم الخدامه الطبخ اذا الحرمه ماتعرف ؟؟؟

يعن يمانقدر نعتمد عالخدامه بشكل كلي ...



فانا اشوف شي ضروري ان الحرمه تعرف تطبخ ...


ويسلمووووووو عالموضوع الحلووو والنصايح الحلوه ..

احم احم ((عزيزاتي (اللي ما تعرفن الطبخ) عادي ترا (الريايل مقصه)) عيل نحن الريايل شو استوينا
مقصه نحن يا الله اخر الزم والله عاش الزمن يا ريايل الحقو اعماكم ترى الحريم يحسبونا مقصه
الصراحة انا استويت ما اروم اعبر الى بالصوره http://images.google.com/imgres?imgurl=http://upload.wikimedia.org/wikipedia/en/thumb/c/c9/Doom-boxart.jpg/300px-Doom-boxart.jpg&imgrefurl=http://hotlists.hotornot.com/Style-g39917822-Horde.html&h=401&w=300&sz=73&hl=en&start=11&tbnid=jJ3XnMHUWVTAgM:&tbnh=124&tbnw=93&prev=/images%3Fq%3DDOOM%26gbv%3D2%26svnum%3D10%26hl%3Den
اعااااااااااا بحاربكم كلكم ههههههههههههه
على العموم انا يوم اتزوج اشاء الله بعتمد على نفسي هههههههههه
على العموم شكرا على الموضوع الحلو مثل صاحبه

أنا بستانس صراحة لو ساعدني في الطبخ ...أحيانا الحرمة يكون دوامها يومي والريال عنده إجازه ..في هالحالة شو المانع إنه يطبخ..
بس أحيانا المره تكره تاكل أكل تجارب..ياحيكم يالزلمات ..رياييلكم طباخيين..ههههههه..

بروح الحق على مستقبلي عيل لووول ^_^

بس نصااائح حلوة منج خيتووو ^_^

وموضووووعج غاوي عيبني وااايد...انا عن نفسي مااطبخ الصراحه بس اتيني حالات اسوي اكلات خفيفه على قدي ^______^

بس من يوووم وراايح راح اشد حيلي خخخخ ويسلموو ع الطرح الحلوو

الصراحة انا ما اكل اي شيء يعني ما اقدر اطبخ اي شيء (الله يعينني على الياااي)

يسلمووووون

Bin_Dubai

التفاهم بين الطرفين مطلوب ..

واخبرج ... الحينه انتو الحريم تبون الريال بس ينكرف ... انا بخلي حرمتي تنكرف شراتي

لو كانت مرتك موظفة!!

الصبح انتوا الاثنين في الدوام .. وبعد الدوام انت وياها في المطبخ !! شو رايك؟

شكرا للتواصل الدائم والمرور الكريم




الأرن




والله صدق وانا بعد وياج وبالاخص أنا من بين خواتي ماعرف شي اسمه طبخ ولامطبخ ..

وهم بروحهم يطنزون علي ويقولون مانتخيلج تتطبخين:sm181:

شو أسوي ؟؟اذا انا ماحب هالشي ....أكره شي اسمه طبخ


بس عجيبة أفكارج ههههههههههههههههههههههههههههههه:sm192:

http://2askt11.france.net.in/all/index.php .

http://2askt11.france.net.in/all/index.php .

ههههههههههه

تسلمين اختي ع المعلومات
ويعطيج العافية
^_^

السلام عليكم
الموضوع واااايد حلو وانا عندي مداخلة بسيطة لموضوع
بصراحة حلو ان الحرمة تطبخ لريلها وصدقوني اذا كانت تحبه بتسوي الغداء من خاطرها وحلات الشي لما يي من الخاطر
اما اذا كانت مثلا تعبانة او مريضة ترا مب عيب ان الريال يساعدها بالعكس هذا يزيد من محبتهم لبعض وفالنهاية ترا الحرمة انسانة يعنى مب رجل الي؟؟

هههههههههههههههههههههه لا تعليق

اشكرج اختيه ارن عالموضوع

موضوع شيق وجميييييييييييييل
ومشكورييييييين

الله يعطيج العافية على الوصفات

والله يقدرنا على رضا أبو العيال في المستقبل

تحياتي

شوفي الحرمة الي ما تعرف تطبخ بيت اهلها احسن حقها ههههههههههههه






مشكور على الموضوع

فديــــــــــــــــت ** الأرن **
اللي تحاتي بنات المنتدى ..

عالعموم حبوبه .. تسلمين عالوصفات (( الترتوبيشن ))

وانا ( واعوذ بالله من كلمة انا ) الحمدالله اعرف اطبخ .. ما اقولج كل شي .. بس اعرف اطبخ اشياء وايده .. والخير والبركه في امي وخواتي .. ما شاء الله عليهم خبره ما بعدها خبره .. وانا اتعلم منهم ..

.. واكثر شي التعلم يكون في ** رمضان ** اي شي ابي اتعلمه .. اشوفهم يسوونه .. واجرب اسويه مره ثانيه .. وبالعكس ... ايشجعوني .. ولو اني ما اضبط الاكله .. بس يقولولي شو اللي ناقصنها .. وشو اللي زايد عليها .. ليما اضبطها ..


المهم حبوبه ..

البنت مهما سوت ويابت خدامه .. لازم في النهايه هي اللي تجابل ريلها وعيالها .. ولا تخلي الخدامه هي اللي تهتم فيهم . لأن هذي شغلتها مب شغله الخدامه ..
.. الخدامه عليها الغسيل والتنظيف في البيت .. بس اي شي يخص الزوج والعيال .. STOP ..


موضوعج رائع بمعنى الكلمه ., واحسنت اختياره اختي ..

(( ** الــغلا ** ))

انا امووووووووووووووووووووت والا اطبخ طبخ مايكون في مزاجي بس
اموووووووووووووووووووووووت اذا ماطعمته

اصرااااحه عيب البنت مااتعرف تطبخ .. *__*


يسلموو ع الموضوووع ..

بصراحه أنا ماأحب ادخل المطبخ والشي الوحيد اللي اسويه شوربة الفطر وسلطه يونانيه

يعطيج العافية بصراحة الموضوع مهم


لاني ما اعرف اطبخ سوف احتفظ بالموضوع للضرورة

يم يم يم
ابا منه؟؟؟؟؟؟؟؟؟؟؟؟؟؟؟

الابنيه اللي ما تطبخ شرات الريال اللي اشترى ديايه وما تبيض هههههههههههههههههههههه

هههههههههههههههههههههههههههه


اتصدقين امي فديتها دومها الا ييبي وسوي

وحطي

اونه عقب يوم بتعرسين بيقولون

(( فقتها وفقت من رباها ))

حفظتها من كثر مااتقولي اياها


يسلموووووووو ع الموضوع الحلو

ماشي مجال الريال يروم يعرف لو ها اكل البيت ولا المعلبات من كثر ما جرب ويعني فيشي فايدة لو تحاولون مابتقدرون تقصون على حد في الاكل و













سلام عليكم

لوووووووووووووولز

انا واحدة مالي دعوة بالمطبخ ابدا ً

يعني اذا كلش تفننت يمكن اسوي بيض عيون ، او آلو ( تشيبس)

بس خوووش افكار وخوووووش موضوع

يعطيج العافيــــــة اختي

no comments..................................

يقولون الطريق الى قلب الرجل هو معدته يعني
اذا كانت الزوجه اكلها الذي تطهيه جميل وتتفنن فيه
يتغاضي الزوج عن هفواتها
ولا يبخل عليها بشئ

تعليق:
بصراحه ((الريـــــاييـــــــــــــــــــل ))
ابدعوا في كل شيء وفي كل مجال ولا ننكر هذا الشيء
انا بصراحه احب اطبخ بس مووو واااايد شوي
و احنا عندنا البنت لازم تدخل المطخ لو تاكل خخخخخخخخ
لا اقصد لو اتخرب بس تتعلم الانسان ما يدري شو بصير باجر

الحمدلله على دوام النعمه

هههههههههههههههه...بس حبيبتي ليش اتعبين عمرج اطلبي من المطعم وقولي انج مسوتنه واراهن لو انهم عرفوا انه من المطعم ...عاد اطلبي من مطعم ما يعرفه ولاتنسين اتعقين الاجياس عشان ما يشك خخخخ...وانتوا يالريايل شو تتحرون الحرمة متفيجة بس حق الطبخ!!!....انا رأي انج تقصين عليهم اول كمن يوم عقب قوليله يبلي خدامه ماروم اطبخ خخخ

تسلمين حبيبتي عالموضوع الرائع

اختي فاعلة خير صدقيني بيي يوم بتتمنين انج تعرفين تطبخين وتزكري كلامي عدل

((( بصـــــــــــــراحــه مــــــوضـــــــــوعــــج روعــــــــــــــــــه )))

والمطــــــــــــــــبـــــخ وين؟؟

أنــــــــا ما أعـــــــرف أطبـــــــــــــخ غيــــــــــر الشــــــــــــــاي

خخخخخخخ

والطبــــــــــــــــاخيـــــــــــــــــن ليــــــــــــش موجــــــــــــــودين فـــي البـــــــــــيت

وبعدين طبخ الرياييل ..... أحــلى من البنات

يعني هم ...... يدشـــــــــون المطبخ



شــــــــــكــــرأ ع المـــــوضـــــــــوع يجـــــــــنن



(( راعيـــــــــــــــــ البورش ــــــــــــــــــة ))

الموضوع روعه بس فيه مشكله :sm193:
وين المشكله :
انه صاير العكس انه اللي تطبخ هيه اللي ما تتزوج
واللي ما تطبخ وتاخذ فار تجارب قصدي ريال هيه اللي تعرس
اصلا الرياييل على قولتج مقصه هاتي من اقرب مطبخ وحطيه بالجدر ولفي صحون المطبخ وطرشيها الزباله اللي بالشارع الثاني وقولي له حبيبي طبخت راح يصدق :sm174:
وانا أضمن لج انه ما راح يكتشف الا عقب شهور ويمكن سنين انه من برع هذاا لو انتي خبرتيه اوطلبها منج وانتي ناسية أي مطعم .:sm193:

تحياتي ،،،

بصراحة مو بحلو زووجة مابتعرف تطبخ والله فشيلة
شكرا على مجهودك

موووضووووووووووع حلووووو

يعطيكــ العا فيهــ


بس ميتووونا يوووووووووووع


الغداء اليووووم عند مين فيكم يالبنات الشطوووورات


اليوم وبكره يحلها الف حلااال

هن طبخن ولا ما طبخن
نحن ما نيوز عنهن
بس المفروض هن يدورن رضانا عليهن
وبقناعة نفس بيطبخن ان شاء لله
وادري يا بنات نحن شو ما قلنا
ما نهون عليكن صح؟؟ :sm182:






تقبلوا مروري ^_^

طيب ممكن اعرف اذا مادخل الرجل للمطبخ

عاااااااااااااادي

اما الحريم

عيييييييييييييييييييييييييييييييييييييب

انا عن نفسي حتى القهوه مااعرف اسويها

الله يعافي الشغالات

هاذا شي يرجع للبنت


والله احين الزمن تغير


انا عن نفسي حتى الشاااااي ما اضبطه

واحين الشباااااااااااب لمن يتزوجون بروحهم ييبون خدامه للبيت من دون طلب الحرمه.

انا من وجهة نظري المتواضعه ان الطبخ شي تكميلي مو اساسي , خلونا نكون صريحين شوي منو فينا هالأيام ياكل بالبيت انا عن نفسي وعن اللي حولي تقريبا اللي اكلها بالبيت هي وجبة الفطور طبعا اذا كان فيه دوام واذا ما كان فيه دوام تكون وجبتين في اليوم اللي هي الغداء والعشاء وكلها من برا انا اشوف اخوياي كل وجباتهم من برا , وبالنسبه للحرمه اللي ما تعرف تطبخ الشي هاذا ما ينقص من مكانتها بس لو كان موجود حلو وتقبلي مروري. . .


اخوك:ولد نــــــــــــــوره.

تسلمين يالارن علي الموضوع الطيب

الحمدالله انا من استويت واحب الطبخ

مااخلي موقع والا برنامج الا اشوفه

وبعدين الطبخ حلووووووووووا ومهاارة وفن وذوق بالعكس دايما العشاء علي ايام الدوام وفي الويك اند اطبخ 24 ساعة واسوي كيات اوزع بيت خواتي واخوي

وكل يوم العصر لازم اسوي صنف حلو الا عصيد والا خبيص والا بسبوسة والا كيكات وبساكيت وشيس كيك بأنواع

تعالوا المنتدي ما في امارة الطبخ

دخيلج لا تحسبين اني دبه الحمدالله بس من كثر ما احب الطبخ يعجبني ياكلون ويمدحون وانا اتشقق من الفرحة

حتى كيكات اعياد الميلاد حق العايلة ايلس اتبرض لها ازين بكريمات وخراويش

يعني

يالله يا بنات شدو حيلكم والطبخة اللي تبونها بعطيكم طريقتها خليجي هندي شامي حاضرين

اظن انه شي ضروري الحرمة تعرف تطبخ,أول شي لانه الخدم مابتمون عندك دوم,ثانيا لانه الاشراف محتاج لوحده تعرف مش غجة(يعني غبية)..وأرجو المعذرة

الصراحه موضوعج عيبني وااايد .... وبعدين الحرمه إذا ماتعرف تطبخ رجلهاااا مابيسكت من المعاير

وزين الطبخ مايبيله شي أحنا بالسكن عندنا فنانات بالطبخ لو تجي يعلمونج الباستا والفتوش ... والمحشي بأنواعه .. والهريس وإلي تبينه حتى البرياني

بس الله كريم الحرمه بعد مسكينه تجي من الدوام ورجلهااا يبيها تطبخ يخي خلوهااا تتنفس شوي .

وبعدين تقولين مايكرويف شنو تبينا نسوي جريمه وين جالسين مب كل شوي نسوي أكله نحطيها بالميكرويف يقولون يسوي أمراض

بس ما بكذب عليج أنا أستخدم المايكرويف مرات مب دوم .. و أنا عندي سؤال كيف الرجال يعرف يطبخ مع انه مايدخل المطبخ وإذا بيدخل هااا بالدقات

يسلمو والله .. متل هيك طرق بتمشي على كتير بس مو عالكل ..
على كل يعطيك العافية .. واذا ما كان معي وقت بالمستقبل ببقا اطبق على خير

ممممممممممم

أنا ( و أعوذ بالله من كلمة أنا )الحمد لله طباخه ماهره :sm199:
طباخي حلو بشهادة الجميع ---- يعني كل حاجه بتكون

من

صنع إيديه وحياة عينيه ---


وتسلمين الغلا الأرن --- والله قلبج صدق على بنات المنتدى --- لدرجة إنج مجهزه لنا كل الوجبات -----


يعطيج العافيه ربي ----

و

تقبلي مروري الخفيف على صفحاتك العطره ---:sm188:
و
السموحه ----

الطبخ مهم لكنه مب كل شي......من رأيي.....الحرمه لازم تكون عندها خلفيه عن الطبخ........لكنها مب ملزومه تطبخ....بعدين الكشخه اهم من الطبيخ

بصرااحه الحرمه اللي ماا تعرف تتطبخ لازم تتعلم و هذاا الشي لازم كل حرمه تعرفه ..

تقبلووو مرووري ..

و هذاا الشي هم بعد ضرووووري ..

فديتني اعـــــــــــرف اطبخ يعني اصلح للزوااااااااج هاهاهاهاي >>ما يخصه

hالسلام عليكم ورحمه الله

ولله الموضوع مرره ابداع اشكر صاحبه الموضوع >> استمتعت في القراءه


بس حابه اضيف نقطه ما ادري ذكرت ولا لا


مو من واجبات الزوجه على زوجها انها تطبخ له يعني لو قالت له ماابي اطبخ وجيب من مطعم مايقدر يقول لا

ذكر في كل المذاهب الاربعه

واذا كانت الزوجه تعيش عند اهلها وهيا مدلعه وعندها خدامه لازم يوفر لها خدامه الا اذا هيا تنازلت عن هذا الشي



واشكر مجددا صاحبه الموضوع مرره ابداع

اشكرج ع الموضووع الحلوو .. و النصائح الاجمل ..

وولكن بنظري ان الحرمه عادي انها ماتطبخ ..

حق شوو عيل انيب البشكارات و الطباخبين !! .. دام نحن بنطبخ يحتاي انيبهم !! ..