مشاهدة النسخة كاملة : عاجل: المغازله وتطوراتها الراهنه
السلام عليكم،،،،
اكدت احصائية اظهرتها اتصالات مع التعاون مع جمعية المغازلين ان نسبه مستخدمين الانترنت لاغراض المغازله ومااشابهها وصلت الا نسبة 90% والعشره الباقي موزعين على المطاوعه والي ماعندهم سالفه,,,,,,
ولو حظ في الاونة الاخير انتشار المنتديات بشكل كبير وبهذا الانتشار ظهرت مشاكل عديده ومنها
طبعا وانتوا تعرفون مكان يجمع بنات وشباب مايحتاي اقول شي خراب على طول....تصدقون حتى
امارات اف ام يستوي فيها تعارف وتقردين،،،،نرجع لمحور حديثنا عن المنتديات....
واكدت مصادر اخرى خاصة ان المراقبين والمسؤولين على المنتديات يشكلون نسبة 99% من
المغازلين وبذلك يتم استغلال المساكين وهم لحن الناس الطيبين المسثمرين..حشا استوت بورصه والله
هم الهوامير ولحن صغار المستثمرين ماااااااقووول غير هدوا هدوا شوي مافي داعي للشراء بالمكشوف
تعالوا لحد ايي ويزعل مني ويقول ليش تغلط على المراقبين تراني خليت لكم 1% عسب محد يرمس:em05:
واذا انتوا تبغون نسوي تحقيق ونشيك على كل مراقب ونشيك على بريده ماعندي مانع,,,يعني السكوت من ذهب....
لا والي يقهر بعد ايي شاعر اونه اخرطي ومناك سارق القصايد وكل عشان المزايين والبنت الهبلا
تندمج بكلماته واحساسه الراقي وتعبيره الجميل .....وعلى فكره هذا يضبط صح:em37:
ولا تيي وحده مشاء الله عليها قابضه على جمره (اسمحولي يالبنات لازم اطيح فيكم شوي حق المساواة) وماسكه كل شي اسلامي ولاتحب تشارك في غير الاسلامي تقول مضيعه للوقت
وشيك على الايميل وشوف البلاوي......دخيلكم لحد يفهمني غلط وانا مااقصد حد هذا بشكل عام ارمس...
ولا انسى حركات الشباب (في ناس منهم والله طيبين شراتي مايخصهم بشي) بس في وجه
آخر يخرب علينا ومساكين البنات طفرانات من الازعاجات كل شوي حد يطرشها ايميلات ولكن بعض البنات تصدق عمرها تشوف عمرها وحده مهمه في المنتدى ومناك ماتدري شو يالس يستوي,
وبعدين كل واحد واسلوبه لو يبغي يتعرف على حد من البنات وبعدين شوي شوي يراسلها بالبريد المنتدى
وعقب يطلب منها تظيفه ومشاء الله عندنا بنات ونعم مايردن حد نشميات والله،،،كلشي ولايزعلن حد خاصة الي في المنتدى.....وشوي شوي وللشيطان خطوات يرمسها بالمسنجر وبعدين يطلب منها رقمها تقوووووووووووووول كلشي ولا هذا حرام وانا مبا اخون اهلي وانا كلشي ولا الخيانه وانا ماعندي هلسوالف...بس الذيب ذيب ويعطيها حريتها واخر شي تتصل عليه ويسألها يقولها ليش تتفلسفين وتقولين انج مبا تتصلين واخرتها اتصلتي : تقول هذا اول والحين تغير كلشي....ياسلام على الحب:em31:
وبعدين في بنات غير هم الي يتحرشون ويضيفون ويوم تسالهم منو انتي تقول انت الي ظفتني هب انا ,,الحبيبه مغلطه من كثر ماسوت اضافات وبعدين في بنات تقولك والله انا حبيتك من زمان
وكل يوم اتابع مواضيعك وردودك (شفتوا ان للشيطان خطوات) وهذا مجرد يمكن اعجاب بس بعض البنات فاضيات من داخل وفيهم عاطفه وحنان وتطيح على اي واحد يدخل مزاجها (صدق ومن الحب ماقتل)<<<< شو يخص هلجمله المهم طلعت على الخط.....:em05:
وفي اشياء وسوالف واتمنى محد يزعل من المراقبين وارجوا انهم يتقبلونها ويعطونا اكثر حريه وتحاور مابين المسؤول والمراجع(استويتوا بعد مسؤولين منو قدكم)...:em37: :em37:
واهمشي محد يزعل وارجوا المشاركه في الموضوع ولو حد عنده سوالف على المراقبين والمنتديات لايبخل علينا بالمشاركه واهمشي البنات الله الله لاتخافوا من حد لو بيسوون لكم شي عندنا استوديوا واحد بنرمس جابر عبيد....لاتخافوا الله وياكم بس ارمسوا
وانا انوه تنويه ان هذا المنتدى من افضل المنتديات واكثرها رقي في التعامل والمواضيع والافكار وانا مااقصد حد من رمستيه هي مجرد اشياء حاصله وموجوده وانا حبيت انبه اخوانا واخواتنا انهم ينتبهون اكثر وخاصة البنات لانهم هم الشرف والعفه ومانتمنى حد يمسكن بايشي انتوا في الاخير اخواتنا واخوانا ومانتمنى نزعل حد بس النصيحه واجبه
ولكم جزيل الشكر والتقدير وجميع الحقوق محفوظه
الكاتب/
تكـــــــــــــــتيك
تكتيك..
يعني أنا ألحين أشارك في الموضوع ولا أسمع الرأي بس!! :em05:
موضوع جميل.. وهادف:em46: ..
وأسلوب شيق:em37: ..
كل الشكر والتقدير
الأرن
هلا طويلة العمر (من المسؤولين انتوا )
اكيد تشاركين والمفروض انتوا تكون اول الناس الي يشاركون بس بدون عصبيه الله يخليكم:em05:
وانا اتشرف بمشاركتج يالارن واتمنى المناقشه الجديه :em37:
tatu girl 31-05-2006, 12:48 امممممم
الموضوع قوي ما اقدر ارد علية ..بس ءءءءءء...
بس التعارف له حدود مب شرط الكل يوزع رقمة صح ولا لأ؟؟
tatu girl يعطيج العافيه على المشاركه
طبعا صح كلشي له حدود اهمشي محد يوزع الرقم
تشرفت بمرورج
وينكم يالمراقبين يالكباريه
كَيانْ طِفْلَة 31-05-2006, 02:35 تكتيك ,,
ياخي ناويه اسميك " اهمشي " <--- عنبوه عشر طعش مره اتعيد نفس الكلمه :em26:
الصراحه المووضوع ما عليه غبار .. اصلا هو لفتني و قلت لازم اشارك برايي ويا الجماعه :em37:
--
كلامك 90% صحيح مع انه الاحصائيات كانت ظالمه شوي في حق المسولين
حليلهم عيل 99% منهم مال سوالف مغازل و ما ادري شو !!
انا اعطيهم نسبه 75% maximum :em05:
ياخي احس الناس لازم تتطور و تفتح عقوولها شوي
مب كل من هب و دب تضيفه عندك و خاصه حق البنات
و ما شاء الله عليهم الشباب ما يقصرون سوالف هيكرز و صرق و فايرسات :em26:
يعني هالله هالله فعمرج يا ابنيه
انتي جوهره .. و الله جوهره بس اعرفي قدر نفسج :em04:
و مافي انسان الا و يغلط
و اذا كنتي غلطتي ردي لربج .. لنفسج ..
لا تخلين كثره الشي حواليج يخليه عادي عندج
تمسكي بقناعاتج و لا تخلين شي يغيرها و لا حد يأثر عليها الا ايجاباً
---
و الشباب بعد عندي وياهم رمسه ثااانيه ..
خافوا ربكم في بنات الناس
و كبروا عقولكم شوي و ارتقوا بأفعالكم
يعني الساعتين او الثلاث اللي بتيلس تخطط فيه كيف اتييب راس فلانه
ولا تكسر كبرياء علانه
و الله انا اكون لو تقضيه بشي ينفعك يكون احسن :em26:
دش منتديات ما اقول خلك " حرام حرام "
بالعكس دش مواقع و خذ و عط وياا الناس و الجنس الآخر
بس في حدود الأدب و الاحترام
و حط فبالك انهن خواتك و مستحيل ترضاها عليهن
صح ولا انا غلطانه ^_^
ترا احنا اللي قال عنا رسولنا الكريم - صلى الله عليه و سلم -
" خير أمة أخرجت للناس "
ما يحز في خاطركم حال امتكم و البلاوي اللي تييكم
خفوووا علييينا شوي عسب الله يتوسعنا برحمته :)
--
شكر موصول لك اخويه تكتيك على صراحتك الاذعه
بس تنفع تراها ساعات
و دمتم بخير يا رب..
روح القصيد 31-05-2006, 04:53 موضوع حلو.......وردود احلى
نو كوميينت
Bin_Dubai 31-05-2006, 05:27 تكتيك ... موضوع حلو ...
وانا وياك هن البنات اللي يضيفن الشباب ... واكبر دليل ان يوم افتح الماسنجر لازم احصل اثنين والا ثلاي يبغوون يسوون لي Add .. وانا اتحسبهم حد من الشباب ,, بس اخر شي يظهرن بناااااااااات (قويييييية ) ويقولن بالغلط ... ايميل ربيعتي نفس ايميلك .... قال تعالى ( وان كيدهن لعظيم)
تكتيك ... الصراحه ... والحمدلله ... ما صادف وصار لي هالشي ... بس اذا صار حق الواحد .. يخليه اسلوب معرفه بدل ما يكون ذييييييييب
ومشكور عالموضوع
بنت حواء 31-05-2006, 12:10 السلام عليكم ورحمة الله وبركاته .. !!
كثرة اليهال اللي في المنتديات (( اقصد اللي اعمارهم 13 او 15)) خلت هالشي يسوود على باجي نمط المنتديات .. يعني قللة من جيمتها ..
لان المنتديات انوجدت للأستفاده وللطرح المتميز والمناقشات الجاده .. !!
لو نرجع على أيامنا ... المنتدى للناس الكبار :em19: رجال اعمال .. والا المهندس والا الدكتور والا للإستشارات الضروريه والمناقشات الهادفه
(( أما الحين كل من هب ودب سواله منتدى خاص فيه )) وللأسف ماعتقد ان يطلق عليه اسم منتدى المفروض (( جات او قلة حيا )) .. !!
في زمنا هذا طلعتلنا مطربه ااماراتيه .. والمزيد اكثر .. كيف نستبعد سوالف المغازل دام ان المرأه الاماراتيه صعدت الى الفن والطرب والغنج الهـــــابط .. !!
ولا تنسون الامـــارات اصبحت خليط مختلط من جميع الجنسيات .. فهذي مغربيه وهذي عراقيه ولكن بالشكل وبالمظهر نعتقد انها اماراتيه .. فأين الغلط من هنااااااا ؟؟؟
وياترا الىىىىى اين سوف نـــصل.؟؟!!
والسموحه
قلبي يتألم بصمت 31-05-2006, 12:32 تكتيك اشكرك على طرحك لهذا الموضوع واخويه صدق انا استوت سالفه لابيعه اختي والسببه المشكله ولاسف يلي سوالها المشكله راعي المنتدى وييلي في المنتدى لانهن كلهم ربع الشباب هناك المشكله البنت خسرت ثقه هلها وناسها ولاسف السالفه اثرت عليها وطلقت وكله ليش المنتدى وغيرها وغيرها انا ماقلت السالفه كلها بس بالفعل يااخويه تستوى اشياء بالمنتديات غريبه عجيبه والله يستر علينا وعلى كل البنات والله يهدي شبابنا يلي يستغلون المنتدى عسب اشياء ثانيه ، صراحه انا ماجد شاركت والسبب المشاكل يلي اسمع بها لكن الحمد لله لما شاركت في منتداكم لين الحينه ماعليه زود اشوف الكل محترم ويحشم والله يوفق الكل والسموحه
مرحبا (اهمشي) <<<قصدي كيان طفلة
طبعا انا اتشرف بمشاركتج في موضوعي المتواضع على فكره النك مالج عجيب احب النك المتميز
بعدين ماظلمت المراقبين خليتلهم 1% هذا حق الي يبغي يتفلسف على راسي (فديتكم يالمراقبين كلكم)
والله صدقج كثر الضغط يولد الانفجار..المفروض كل واحد يسولف بس بحدود الادب والاخلاق لان هذا شي واقع
وموجود مانقدر نشرد منه او نغض البصر المفروض لحن نواجه المشكله ونحط لها حلول انا وياج مع كل كلمه قلتيها
والشكر وصل وانا اشكرج على صراحتج ونصيحتج وعلى مشاركتج الطيبه
روح القصيد اشكرك على المشاركه واتمنى مشاركتنا بتعليق او ابداء وجهة نظرك
ويعطيك العافيه ياروح القصيد
بن دبي يزيدني شرف مشاركتك في موضعي
ياحظك يابن دبي <<<<< تعجبني مادري ليش:em37:
على العموم دير بالك لاتستقبل اي اضافه ماتعرفها على طول ديليت (اقص يدي لو سويتها):em05:
ويعطيك العافيه على المشاركه
بنت حواء يعطيج العافيه على المشاركه
وتعرفين انا كنت بطرح موضوع اجتماعي ومهم بس المشكله شرات ماتفضلتي وقلتي كثرة اليهال
وبعدين مبا ينعطى الموضوع حقه من الاهتمام...(لو من يهدي ورده للي يحب على طول مشاركات فل)
وتريي الامور طيبه وكلشي طيب
(قلبي يتألم بصمت)مبين عليج مقهوره.... شوي شوي دخيلج
دخلتي على الثقيل مره وحده راعي المنتدى ...احم احم عاد المعزب مانروم عليه لالالالا انا اعترض كلشي ولا راعي المنتدى(عاش التقردين)...:em05: :em37:
ونعم في ناس نفسه رخيصه وانا عندي سالفه مستويه لي مبا اقول سمعتها لا انا عشتها....
والسالفه يطولي بعمرج ان واحد من الربع قال يبغي يسوي منتدى قلنا حلو خير وبركه
وخطفت الايام وسوينا موقع ومنتدى ولحن كنا سبعه واحد هو مالك المنتدى يعني هو الي يدفع
خطفت الايام زادوا المشاركين والله اني احيد طرشت مسجات اللي اعرفه والي ماعرفه (ينان والله)
على العموم تعلقنا بالمنتدى وفعلا حبينا الموقع بس كانت في مشكله تصادفنا وهي تقطع المنتدى
وعدم الدخول المنتدى ويكون مسكر استغربنا كثرت هلحركه وكل مانتصل على ربيعنا راعي الموقع يقول ضغط ومدري كيف ومن هلسوالف الي مانفهمها ويقص علينا
بس المشكله انها في ازدياد وفجأه قطع المنتدى لمدة ثلاث ايام انزين الاعضاء طفشوا ويتشكون
ولحن مانعرف السبب.........تعرفون شو السالفه....؟؟؟؟؟؟؟
قمنا نشيك عليه بدون مايدري وتفاجانا بالنذاله العظمى سواها فينا والله,,, اخذ كل البنات الي
في المنتدى وسواله 7 ايميلات وياخذ كل عشر ويحطهم في ايميل......(حشا اكل هب بنات)
على العموم لحن فاجاناه قبل ماهو يفاجانا انسحبنا وخربنا كل الموقع.....
بس تم في خاطري شي ابغي اعرفه ..وسألته ليش المنتدى تم يتسكر ساعات ويتبطل بعدين
قالي: انا كنت زعلان من ربيعتي وسكرت المنتدى عسب تحس اني زعلان وكل مره اسكره وبعدين اتيي وتراضيني وبطله.....امــــــــــــــــــــــــــــــحق من خويي قلتله الشرهه موب عليك الشرهه على الي سولك الموقع وتعبوا عليه
والسموحه منكم على الاطاله......وهذا مجرد شي بسيط من اشياء كثيره
ويعطيج العافيه على المشاركه ياقلبي يتألم بصمت
كَيانْ طِفْلَة 31-05-2006, 06:05 يا عيني انا
ههههههه
تعيبني الحركات العبيطه ما اعرف ليش :em05:
انزين (اهمشي ) انكم تداركتوا ع الوضع
و الله العشم في بعض الشباب كبير و لو انه الاكثريه تشوه الصوره العامه!
كلنا مرينا في تجارب في عالم المنتديات ..
اذكر اول منتدى شاركت فيه و تعلقت فيه كنا نشارك فيه انا و اختيه
و راعي المنتدى كنا نحسه لزقه و يتعلث باي شي بس عسب يضيف البنات
رغم انه نائبه كان من اروع ما يكون .. ريّال حشيم و يعرف حدوده
المهم .. حبل الجذب و الخداع قصير
و صاحبنا انكشفت كل ألاعيبه :em37: و تم فضحه في كذا منتدى
و صكر منتداه و اعتقد رفعوا عليه قضيه
لانه كان متجاوز حدووده وااايد :em26:
.
تسلم اخويه مره 2
والله يهدي الجميع
هلا اهمشي،،،،،
مشكله والله الخيانة ياكيان طفلة......بس اهمشي ان لحن مانعيد الاخطاء الي نطيح فيها...
بس اسميني كرهت كل المنتديات وانقطعت فتره طويله عن المنتديات....
وبعدين كنت ادش هلمنتدى واهمشي فيه عيبني تنظيمه والمشاركين الي فيه....
بس بعد انتوا يالبنات تلعبون دور كبير وانا مابي افتح موضوع اخاف ناس وايد مايعيبهم
رمستيه بس انا عندي اهمشي المصلحه العامه,,,, بصراحه يعني في صور يحطوهم البنات
فتنه كله....استحي اقولها ....بس المفروض يكون في نصائح وقوانيين شوي تحد من هلاشياء
يعني نبغي من المسؤولين (فديتهم) يركزون وينتبهون لهصوره واهمشي انها ماتخدش الحياء العام
والوحده من البنات لو عطوها اهلها حرية تكون على قد الامانه لانها خيانه,,,,،،،،
والمفروض من البنات واهمشي يكونوا واجه طيبه لان اعرف ناس وايدين يدشون هلمنتدى.....
الله يسلمج 2
آآآآآآآآآآآآآآآآآآمين
ولـه دبـي 31-05-2006, 09:52 السَلامُ عَليكُم وَ رحمَة الله وَ بَركَاته
.
.
مَوضوع شَبَابنَا و بَناتِنَا الوقورين والمغازل قَد أصبَحت سَالفَه طَبيعِية
فَفي المَراكِز فلانِه تظحَك لفلان
وَ أخرى تَقُول لـ صديقتها "عيبني فلان"
وَ أخرى غَيرَ اللواتِي ذَكرت "يرقمون الشَباب"
.
.
نَعكِس لـلجهَة الأخرى
شَاب يُطَارد "بنوتات راجعين من العرس" .. (لا تسألني شو كان يسوي عند الفندق .. الله أعلم!! )
آخر يرقَم الفتَاه و صديقه "يصور لي مواعدنها ليتخقق على اصدقائه أونه كوول على طوول"
وَ شَاب آخر "يقول للبنات انه حب وحده وماتت أو اتزوجت وهو مجروح واعليه ويدور من يبري جراحه!!"
.
.
وغيرهم الكثير .. لا يُحصون
أمَا بالنسبه للمُنتَدَيَات .. حدث ولا حرج !!
كَـ المُراهقين (فاقدين الحَنان)
وآخرين (مادري منو قاص عليهم وقال المنتدى جات!!)
و غَيرهُم مِن المستعجلين عَلى أرزاقِهِم (يوزع رقمه وايميلاته عبر الرسائل الخاصه)
.
.
جُلتُ شَخصِياً عَالمَ المُنتَديَات بِكُل أنوَاعه ..
عَرفتُ كُلَ أنوَاع الأشخَاص ..
كُلَما زَادت مَعرِفَتِي بِهم
زَاد إشمئزازي بِتِلكَ الأنوَاع الرخيصة مِنَ البَشَر
التِي تَسول لهم أنفسهم بِالعبث !
فِي أمَاكن لا تَمُتُ للعَبث بـ "حرفِ جَر" !
.
.
وَ الحَديث يَطول ..
.
.
أدعوا للجَميع بالهِداية !
والله المُستَعان
.
.
شَكراً لِصَاحبِ المَوضُوع !
.
.
وَله دبي
كَيانْ طِفْلَة 01-06-2006, 01:28 وله دبي ..
لكِ يا سيدتي حرف جميل يشد القارئ إليه
بسهولة و يسر :)
أعجبني تعقيبكٍ الواقعيّ حد المرارة
دام فكركِ و أظنني أشبهكِ في رأيك ^_^
.
كيانها
وحداوية طررر 01-06-2006, 04:11 تكيتيك والموضوع تكتيك
موضوع ناايس وفي وقته
وتقريبا الشباب هاهمهم من المنتديات اكثرهم مب كلهم بس لوتلاحظ انه اكثر الي يشتركون في المنتديات بنات وطبعا لان ماعندهن مشاوير وايد وطلعات شرات الشباب وجي فيقضون اوقاتهم في المنتديات فالشباب يلاقونهم فرسية سهلة لاصطيادهم
واكثرهم نيتهم مب زينه بس الله فوق واليوم الي تسوية بشخص باجر يبستوي فيك او في حد نم قرايبك
والسموحه افكاري مشتته شوي
عليكم السلام ورحمة الله وبركاته.....
اشكرج ياوله دبي على مشاركتج الجريئه,,,,
جلتي صح خبره مشاء الله احلى شي قلتيه (وَ شَاب آخر "يقول للبنات انه حب وحده وماتت أو اتزوجت وهو مجروح واعليه ويدور من يبري جراحه!!") والله البنات طيبات والشباب يستغلون هلطيبه
و غَيرهُم مِن المستعجلين عَلى أرزاقِهِم (يوزع رقمه وايميلاته عبر الرسائل الخاصه)...لاتعليق
بس وين المراقبين محد منهم رمس ..........وينكم تروا بتظهر اشاعات عليكم يالله شاركوا عسب نكسر الشك باليقين
وابغي اطرح عليج سؤال ياوله دبي؟؟؟
والي هو الحل وين؟
ومن يتحمل هذه النتيجه؟
وهل هو مرض نفسي؟
لاتبخلون بمشاركاتكم يالمراقبين.......... والاعضاء بعد
هلا وحداويه طرررررررررررر
اتشرف بمشاركتح ياوحداويه طررررررررررر
وملاحظتج وايد مهمه وهي ان البنات فاضيات وعندهم الوقت والفراغ.....والحريه بعد والله لعوزتنا وايد
ومبروووووووووووووووك على الهزيمه عنبو 4 / 1 >>>>>>>>>>طوفيها طلعت بالغلط:em05:
ويعطيج العافيه ياوحداويه طرررررررررررررررررررررر
تسلم اخوي تكتيك
على طرحك الموضوع المميز واسلوبك الممتع
انا يديده في عالم المنتديات الحين لي شهرين تقريبا واول منتدى اشارك فيه هو منتدى الامارات بس بعدين شاركت في عدة منتديات بس ما رتحت فيهن والمنتدى الوحيد المستمره فيه حاليا هو منتدى الامارات
انا ما عرف شو يصير في المنتديات والحمدالله اني ما تعرضت لاي شي لحد الان
وحبيت اشكرك على النصيحه اخوي
وجزاك الله الف خير
الله يسلمج ياطير الحب
وانا اتشرف بمشاركتج الخفيفه ومرورج
وانا ماأتمنى حد يتعرض ومانتمى انج تتعرضين من هلمواقف السيئه.....
وهذا شي موب غريب على هلمنتدى الطيب اكيد بتشوفين كل خير وطيبه دامج في هلمنتدى
ويعطيج العافيه على المشاركة
رسول الغرام 02-06-2006, 01:16 انا ادعم ردود أخواني الأعضاء................
وتسلم عالموضوع الحلو
وانا ادعمك يارسول الغرام رووووووووووح الله وياك:em37:
ويعطيك العافيه( فديت الي موب فاهم شو السالفه حتى) :em05: :em37:
راعية البورش 10-03-2008, 08:39 لا تعليق
راعية البورش
عيون العرب 10-03-2008, 08:41 كلمة الحق تنقال
ويزاك الله خير
وانت ي اخووي ماغلطت
ولازم نعترف ان هذا هو الواقع ...
عيـنـاويـة الـروح 10-03-2008, 11:00 والله شي حلو ( تكتيك ) انك تفتح موضوع مثل هذا واتقول الخفاياا الي محد طايع يقولها وانا معاك في كل شي بس مب كل الي في المنتدى راضي بهذا الشي ...وكل الي قلته موافقتك عليه لانه هذي هي اساليب الشباب يوم يصيدون لهم ابنيه ... يعرفون نقطة ضعفها ... وهي من صوووب أمييينه على حياته واتقول لا احبه و راح اتعرف عليه ... وهو ما يحب حد غييري .. و.. و.. و.. الخ بس في الاخير ينعرف وجه الشخص .... بس يوم يفوت الفوت يوم تشوه سمعت البنت واتضل تحت رحمتة
الله يكفينا شرهم والله يحفظن خواتنا ويصونهم ومن شافت عيب في ربيعتها تنصحها لا تقعد اتقول لا اهلها لازم يعرفون
والله يهديكم يا شباب ترا هذيله خواتكم والي ما ترضونه على خواتكم لا ترضونه للبنات الثانيات
وترا يوم لك ويوم عليك
السلام عليكم جميعا
اولا شكرا للاخ الفاضل تكتيت علي العرض الطيب
للمشكلة الجاده المضحكة والمبكية في نفس الوقت
وهذا واقع ساخر ومؤلم للمجتمع والوقت اللي نحن عايشينه
اتمنى من الجميع ان جد ولو لمرة يقعد الشخص مع نفسه ويسأل شو الفايده المرجوه من اليلسة بالساعات
امام هالشاشة هل الغرض التسلية او العلم او الاستفاده او تضيع وقت
فالمنتدى النظيف ليس لاغراض شيطانية بل لتبادل الاراء وتوسيع دائرة الفكر والنقاش
والاطلاع على فهم الناس للامور
انا وحده الحمدالله رب العالمين ما قد تعرضت لاي تحرشات والحمدالله
يرجع السبب لاختياري المنتدي المناسب الهادف ، النافع ، المفيد ، والمسلي
والتسلية مب حرااااااام لان الانسان لما يستفيد من معلومة او يستمتع في اكتسابها تعتبر نوع من التسلية المسموحة والمرغوبة
والله يهدي شبااااااااااااااااابنا وبناااااااااااتنا
لان اولا واخيرا الكل يكمل بعض وكلنا في النهاية ساس هالوطن الغالي
فلا تضيعون تعب الاولين واولهم بابا زايد الله يرحمه
بغانا مجتمع اماراتي عربي مسلم منفتح متطور متعلم وفاهم مرفه ومحتررررررررررررررررررررم
والسموحة من الجميع
أميرالمنتدى 11-03-2008, 08:51 الحب مثل المخدرات متى ماجربته مرة راح اتصير مدمن عليه، و الانترنت خله الناس اتظن انه اذا الواحد كلم بنت ف يمكن يلقى الحب (هذا وهم) لكن الحب خلانا عميان (الانترنت عالم خيالي و الحب فيه خيالي)
muhannad2 12-03-2008, 03:34 بصراحه ومن وجهة نظري
كلامك 100% وخاصة البنات الي يسوون اعمارهن اسلاميات وانهن مايخصهن بشي
من تحت لتحت
ومن وجهة نظري اي علاقة نشأت عن طريق الانترنت تكون 95% غير ناجحه
وانا ماحب اكون لي صداقات بالانترنت
لان احلى الصداقات هي الصداقات الطبيعيه
يسلموو
والله يستر عليهم
نجـــ سهيل ـــمة 13-03-2008, 03:31 رااااااااااائع موضوعك يعطيك ربي الف عافيه .. والردوود بعد رووعه
Nouralil7 08-04-2008, 11:19 مشكور أخوي تكتيك صج والله جبتهاااا هههههههههههههههه بس إلي يضحكني النسب إلي أشوفهااا كلها متلخبطه أقول أنا
100 % الشباب والبنات نفس الشي كلهم بالهوااا سوى وماراح نلوم احد وإلي بيغلط كيفه وأحنا كبار مب يهاال تجي وحده على مسن واحد وتقول غلطانه وعبالي ايميل ارفيجتي
ولا واااحد يأذي وحده فوق العشر مرااات وبعدين ترد تقوله نعم يقول انتي إلي متصله لي ومأذيتني خير اشتبين ياكبرها عند الله وأنا أشوف هذي الحركات ما أول مب شي
والحين منو فاضي يالله ندش المنتدى والأشغال فوق الراس مليانه وبعد متفيجين حق هذي الخرابيط ..... ياخي اتريو النصيب وإلي الله كاتبنه يصير ههههههههههه على فكره أنا مب مطوعه
بس حبيت أشارك في الموضوع وهذاااا راي والسموحه إذا غلط بشي.
الموضوع حلو يسلمو
بس بصراحة اذا الوضع اللي حكيته بيصير كتير فهوة امر محزن والله
فمعناه لا هوة ولا هية عندهم عقل ,مع احترامي للجميع, بغض النظر مين الجاني ومين الضحية
هوة بيلعب وبيضيع وقته
وهيه ياعيني بتمشي ورا سرااب
و هما الاتنين يوم القيامة راح ينسألو " عن عمره فيما افناه"
هلاليه وافتخر 14-04-2008, 08:41 استغفر الله بس مشكور اخوي على الموضوع
شجون العيناوية 14-04-2008, 09:53 هلا اشحااالكم المهم حبيت اشاركم موضوووع فيه فلسفة وما اشارك مايصيير ههههههههه
المهم احم احم الحينه ببدا ................
اول شي و اهمشي ان يكون في احترام متبادل بين كل الاعضاء و ان محد يغلط على حد و بصراحه هاي استوتلي واحد من الاعضاء كتب فموضووع انه ما يداني ولا يحترم البنيه اللي ترمس شباب فالفون و عقب طلب مني اني اتصلبه و يوم قلتله هالرمسه قالي لا الحينه تغير كل شي ............. على ماما يا بابا
كل شي يتغير فالانسان مع تغير الوقت و الظروف الا شي واحد المبادئ عمرها ما تتغير بالعكس يتمسك فيها اكثر
لحظه تعبت امايه تناديني
الصمت الحائر 14-04-2008, 10:44 موضوع جيد ورائع
ولكن لا يعمم وانا اؤيد كلام بنت حواء
فائق تحياااتي
سحر محمد احمد 01-05-2008, 07:19 اول شي اهلا ..
تاني شي العقل عقل والقلب قلب والي الو عقل خلاه يغازل هاد قلبو ضعيف واي بنت فيها تضيعو ..ويلي عقلو قوي وفكرو راكز قلبو اقوى ومو اي حد بيأثر فيه .. ويلي بيغازل هاد واحد باع الدنيا وباع دينو وحالو .. والبنت يلي بتكشف مشاعرها لغير زوجها هاي بنت الله يكون فعونها والله يهديها ويستر عليها وعلى اهلها المساكين ..
والباب يلي بيغازلو تأكدو انو عندكون اخوات وعندكون بنات عمات وخالات .. ازا ما بتخافوا عليهون بالله عليكيم عشو تخافو!!!!!!!!!!!!!!!!!!!!!!!!!!!!!!!!!!!!!
عنود الغيد 04-05-2008, 01:29 بصراحه؟؟
محد سهل
لا المطاوعه
ولا الناس العاديين؟؟
كل الدنيا
استوت؟؟
من تحت لين تحت
؟؟؟المشكله اللي يبين نفسه
انه؟؟شريف وما يسوي اي شي غلط؟؟
وتطلع البلاوي هنيه القهر!!
المهم
شكراا لك على الموضوع
والله يستر على الجميع
تسلم على الطرح بس انت منفعل شويه
بنية بريئة 21-06-2008, 03:32 انا ايد رائيك
الحين كل الحرام صار حلال
هذه علامات الساعة الصغرة
الله يعين و يهدي هذيل والاولاد وبنات
اانا معصب على الاخير خلاص منقهرة
الحين لي لي يقول الصدق وحق تفكير مب زين
مال اقول غير حسبية الله ونعم الوكيل
...قلبي ملكي ... 21-06-2008, 06:22 الله يعين و يهدي هذيل والاولاد وبنات
عوق قلبي 23-06-2008, 11:23 هههههههههههههههههه
الشباب مقصه والبنات بعد
بس صراااحه موضوووع حلووو استاانست يوم قرييته
تسلم اخوووي
والله يهديناا ياااارب
عيمية خريطة 25-06-2008, 12:19 تكتيك
والله انك تكتيك
هههههههههههههههه
موضوعك تكتيك
وفن
ثاانكس
redrose2 11-07-2008, 04:55 الصرااحه الموضوع متميز .......
مع انه فيه شوية مبالغة فالحسابات ... بس لازم هاي المبالفه عشاان يحسوون الأعضاء .....
وكل واحد عليه بنفسه .....
وكل وااحد يبدا بنفسه ...
يعني ياريت كل عضو يسوي هاي الاشيا ان كان بنت او ولد ... يفكر عدل في نفسه ...
ويفكر عدل فالي هو يالس يسويه ...
وهو شو مستفيد من ورااه فالنهايه ...
تسلم اخويه تكتيك على الموضوع الفناان والمتميز ...
ويزاك الله خير
*ROCK OXYGEN* 13-07-2008, 06:02 و الله صدقت .. مع ان كل السالفه مسخره .. طيب انا اعرف وحده سوت عمرها ولد ,, و سجلت في منتدى على انها ولد .. و طبعا البنت عادي .. ما درت الا و جتها رساله عالبرايفت .. وحده ارسلت لها ايميلها تقول تبي تتعرف .. عاد جازت للبنت السالفه و قامت تغازل في هالبنات في المنتدى .. و الله و الله في اسبوعين بس .. لعبت على 13 بنت !!! و كلهم ميتين عليها ..
اقول لك ,, هذا الشي واااااااقع و منتشر بشكل فظيع ..
بنوتة زايد ^_^" 16-07-2008, 07:22 الله يعطييــك العااافيه ..
تقبلووو مرووووريـــــــ ..
|