يخرج علينا هذه الايام اللوبي الصهيوني لانتاج الالبان والعصير بعد رفع سعر الديزل بطلب زياادة الاسعار من جديد مع انهم قاموا بتطبيق زيادة سابقة في بداية السنة.
برميل العصير كما اطلق عليه استاذنا المقتفي يوما من الايام يتأهب للارتفاع من جديد , اخواني فلنبدأ في تجهيز الويز والهجرة الى خارج الامارات التي اصبحت اغلى من سويسرا.
همسه:
مطعم مندي كان يبيع الصحن ب 15 درهم اصبح يبيعه اليوم 30 درهم وياخذ 16% خدمة !!
لا يكون المطعم يبيع كافيار !!
الغلاء الغلاء الغلاء
زيادة الرواتب طلعت من جيوبنا اضعاااف
صورة : لمعالي وزيرة الاقتصاد اذا كانت تتابع منتدانا او حد يقدر يوصل لها صوره من الموضوع !!
استاذي الغادي
اذا قلنا انه راتب الموظف بحدود 10000 درهم (120000) سنوي
ايجار الشقق بحدود 70 الف درهم
المتبقي 50 الف
يعني شهريا بحدود 5000
والاساسيات مالها حصر من طعام وشراب ومصاريف مدرسه ومصاريف سيارة وفواتير اتصالات وكهربه وماء و و و..............
وضرايب( مخالفات ورسوم اخرى )
الغادي هب مهم نشرب عصير
الماي احسن
باختصار حاول انك ما تموت من اليوع لين التقاعد وبعدين هاجر لدولة فقيره فلوس التقاعد تكفيك فيها وخل الدوله للاجانب الي رواتبهم فوق الخمسين الف يتهنون فيها
استاذي az:
xxxxxxxxxxxxxxxxxxxxxxxx
xxxxxxxxxxxxxxxxxxxxxxxx
الغادي
تم تحرير الرد
يرجى الالتزام بقوانين المنتدى
الله يعز شركات الحليب والعصير
الادارة
الحمد الله ع كل حال دائما
و لكن ما نحن عليه بحاجة لحزم من الجهات المسؤولة
شعب الامارات شعب مترف .. غني .. (خقاق)...
أول ما صارت الزيادة في البترول .. والأسعار ارتفعت..
كل الشعوب تحركت .. تظاهرات .. منشورات.. إعلانات .. مقاطعة.. و و و ..
إلا شعب الامارات.. ولا جنه صاير بالدنيا شي.. وتلاقيه حط الاغراض بالسلة وهو ما يدري ان الاسعار زادت..
واللي بينا مثقف .. فتح التلفزيون وشاف الأخبار آخر خمس دقايق لانه يتابع المسلسل اللي يطلع بعد الأخبار..
أخوي الإعلام اهم شي..
والجهات المسؤولة لازم تلاقي حل ....
bent_flaan
10-04-2006, 18:05
الصراحة ماادري لمتى بيتمون يرفعون الاسعار
اذا على العصير هب مشكلة
المشكلة لو ارتفع سعر اي منتج يرفعون كل المنتجات
باجر بنسالهم ليش غالي بيقولون عشان رفعوا سعر العصير ..
مثا ماكانوا يقولولنا قبل عن ارتفاع سعر البترول
انا امزهبة شنطتي من الحين الحمدالله اني مش ...... ...... جان بتوهق
Bin_Dubai
10-04-2006, 18:38
السلام عليكم ورحمة الله ...
حبيت اخبركم ... انه راح يرفعون اسعار الديزل اللي ياكد انه اسعار اي منتج راح ترتفع ...لانهم يقولون البضايع تنتقل عبر الشاحنات واللي بدورها تحتاج ديزل ... والديزل غالي ... فنحن مجبورين نرفع السعر ...
يا ناس تدرون انه سعر للبترول في الامارات من اغلى الاسعار في الخليج .... وكل هذا نعتبر كاكبر دوله في انتاج النفط ....
وان الامارات من اغلى الدول معيشياً
والسموحه