الغادي
24-03-2006, 09:15
انا مب صاحي وهذا شي انا متأكد منه وما اباكم اتذكروني فيه !!
انا راقد من الساعه 7 المغرب (نشيّت 12 صليت العشا) وواعي ست الفير (من غبشة الله) تقل حلمان!!
ــــــــــــــــــــــــــــــــــــــــــــــــــ
يقولك الجماعة خلاص بيوطنون الوظايف وبيفكونا من الوافدين اللي ماخذين الشواغر بس قالو انهم بيوقفون الترقيات شويه (كم سنه يعني) لين يقلصون العمالة الوافده في دواير ووزارات الدوله (بالله عليكم الواحد وين له نفس يدوام وهو بيقعد في نفس الدرجة عشر سنوات!!).
جهابذة الادارة ورجال الحل والربط واصحاب الافكار طبعا قبل لا يقترحون هالشي لوحظ انهم اترقوا ورتبوا امورهم عدل وخذو مواتر وخذو بيوت على حساب الحكومة الله يعزها , وعقب هذا كله قدموا القوانين والافكار اللي تخدم مصالحهم هم قبل مصالح المواطن الفقير المغلوب على امره!!
ما ادري ليش احس ان الجيل اللي سبق جيلي جيل حاسد , يعني هم عطوهم تفرغ وكملوا دراستهم (براتب كامل) اما نحن فالتفرغ صار مربوط بموافقة الوزير شخصيا (الوزير وين ييلس في اي قهوة) واذا لقينا معاليه وحصلنا تفرغ اتشرطوا علينا ندرس اللي هم يبونه ولا بعد (راتب ناقص) جيلهم هم خذ مواتر من الوزارات وكسرها تكسير (جيلنا ما يعطونه مواتر لاننا مستهترين مع ان 55% من جيلهم كان عنده جياتي) جيلهم هم حصل مميزات نحن لو نموت ما انحصلها (حتى الاجازات خلوها 32يوم بعد ما كانت 45يوم).
هم نهبوا وسرقوا واختلسوا (ما نقول الجميع البعض وليس الجميع) اما نحن فصرنا ما نقدر نتنفس نيلس في الدوام انخاف على غرشة الماي لا ينجب منها الماي ويدفعونّا جيمته باللتر , هم الله يحفظهم ويخليهم كان الواحد منهم يقول مال عمك ما يهمك اما الحين (انته مستهتر معقوله قلم حبر كل شهر شو هاللعبه عندك) , هم كانو يطلعون وما يقرّون في الدوام (الواحد منّا الحين يقعد في مكتبه مثل الاهبل ولا يقدر يتنفس من كثر الشغل).
وبعد هذا كله يقولولك انته امس ياي وتتكلم شو درّاك بالشغل نحن اللي اسسنا ونحن اللي تعبنا (يا جماعة والله لو شفتوا التأسيس جان قلتوا صدق هالدايره او الوزاره رايحه في خرايطها) , انزين نحن نبا انتطور نحن جيل يديد عنده افكار ونبا نبدع عطونا فرصه مب حالة هذي !!
الواحد وده يتقاعد اليوم قبل باجر وهم توه امكمل 26 سنه بس وهو الواحد منهم كمل 30 سنه شغل بس ومب طايع يخوز عن هالكرسي ووده يوديه وياه بيتهم (حاطين على الكراسي سوبر جلو) وبعد كل هذا يكلمونّا في الوطنية وحب العمل والاخلاص.
ما ادري ش السالفه بس الاكيد الجيل السابق ما يحب الجيل اليديد ويسميه (جيل النيدو وعيال البامبرز)
فسروا المقال على كيفكم انا طفشت !!
انا راقد من الساعه 7 المغرب (نشيّت 12 صليت العشا) وواعي ست الفير (من غبشة الله) تقل حلمان!!
ــــــــــــــــــــــــــــــــــــــــــــــــــ
يقولك الجماعة خلاص بيوطنون الوظايف وبيفكونا من الوافدين اللي ماخذين الشواغر بس قالو انهم بيوقفون الترقيات شويه (كم سنه يعني) لين يقلصون العمالة الوافده في دواير ووزارات الدوله (بالله عليكم الواحد وين له نفس يدوام وهو بيقعد في نفس الدرجة عشر سنوات!!).
جهابذة الادارة ورجال الحل والربط واصحاب الافكار طبعا قبل لا يقترحون هالشي لوحظ انهم اترقوا ورتبوا امورهم عدل وخذو مواتر وخذو بيوت على حساب الحكومة الله يعزها , وعقب هذا كله قدموا القوانين والافكار اللي تخدم مصالحهم هم قبل مصالح المواطن الفقير المغلوب على امره!!
ما ادري ليش احس ان الجيل اللي سبق جيلي جيل حاسد , يعني هم عطوهم تفرغ وكملوا دراستهم (براتب كامل) اما نحن فالتفرغ صار مربوط بموافقة الوزير شخصيا (الوزير وين ييلس في اي قهوة) واذا لقينا معاليه وحصلنا تفرغ اتشرطوا علينا ندرس اللي هم يبونه ولا بعد (راتب ناقص) جيلهم هم خذ مواتر من الوزارات وكسرها تكسير (جيلنا ما يعطونه مواتر لاننا مستهترين مع ان 55% من جيلهم كان عنده جياتي) جيلهم هم حصل مميزات نحن لو نموت ما انحصلها (حتى الاجازات خلوها 32يوم بعد ما كانت 45يوم).
هم نهبوا وسرقوا واختلسوا (ما نقول الجميع البعض وليس الجميع) اما نحن فصرنا ما نقدر نتنفس نيلس في الدوام انخاف على غرشة الماي لا ينجب منها الماي ويدفعونّا جيمته باللتر , هم الله يحفظهم ويخليهم كان الواحد منهم يقول مال عمك ما يهمك اما الحين (انته مستهتر معقوله قلم حبر كل شهر شو هاللعبه عندك) , هم كانو يطلعون وما يقرّون في الدوام (الواحد منّا الحين يقعد في مكتبه مثل الاهبل ولا يقدر يتنفس من كثر الشغل).
وبعد هذا كله يقولولك انته امس ياي وتتكلم شو درّاك بالشغل نحن اللي اسسنا ونحن اللي تعبنا (يا جماعة والله لو شفتوا التأسيس جان قلتوا صدق هالدايره او الوزاره رايحه في خرايطها) , انزين نحن نبا انتطور نحن جيل يديد عنده افكار ونبا نبدع عطونا فرصه مب حالة هذي !!
الواحد وده يتقاعد اليوم قبل باجر وهم توه امكمل 26 سنه بس وهو الواحد منهم كمل 30 سنه شغل بس ومب طايع يخوز عن هالكرسي ووده يوديه وياه بيتهم (حاطين على الكراسي سوبر جلو) وبعد كل هذا يكلمونّا في الوطنية وحب العمل والاخلاص.
ما ادري ش السالفه بس الاكيد الجيل السابق ما يحب الجيل اليديد ويسميه (جيل النيدو وعيال البامبرز)
فسروا المقال على كيفكم انا طفشت !!