^_^
بعد طول انتظار...سيتم طرح اسهم شركة اتصالات المتكامله للإكتتاب العام في الدوله
الطرح سيكون لعشرين بالمئه من الأسهم 20%

قيمة السهم الواحد مع مصاريف الإصدار هي 3.03
يعني ثلاث دراهم وثلاث فلوس للسهم الواحد


عدد ايام الإكتتاب المسموح بها هي 10 ايام
تبدأ في صباح يوم السبت الرابع من مارس القادم
مارس يعني شهر ثلاثه
وتنتهي في 13 من نفس الشهر اللي بيصادف يوم الأثنين

(والله يعينكم على الزحمه)

عدد الأسهم المطروحه 800 مليون سهم
الإكتتاب فقط لمواطني دولة الإمارات
الحد الأدنى للإكتتاب 5000 آلاف سهم
يعني مع رسوم الإصدار 15150 درهم
عمر المكتتب بيكون 21 سنة وفوق
هناك فئتين
الاولى 150 مليون سهم
الثانيه 650 مليون سهم
بعد تخصيص الفئه الاولى كامله بواقع من 1000 سهم الى 2000 لكل مكتتب سيتم تحويل المبالغ الفائضه للفئه الثانيه وهناك سيتم التعامل بمبدأ النسبه والتناسب
بنوك الإكتتاب هي :-

أبوظبي الوطني
ودبي الوطني
ودبي الإسلامي
وأبوظبي التجاري
وأبوظبي الإسلامي
والاتحاد الوطني
والمشرق
ودار التمويل


الجميل في الإكتتاب هو انه مخصص للأفراد فقط ولاتوجد فئه للشركات
يعني ان شاء الله 1000 سهم على الأقل مضمونات

وحتى لا يلتبس الأمر على الكثيرين فإن قيمة السهم الحقيقه هي درهم وليست ثلاث دراهم

اما الدرهمين الآخرين فهما قيمة تنازل المؤسسين عن حصصهم
(شي غريب الصراحه)

يعني كأن الجهات المؤسسه باعت لك الأسهم الخاصه بها في "السوق السوده" قصدي خارج السوق


عموما في كل الحالات سعر السهم ولو كان ثلاث دراهم فهو سعر جيد .... لها الشركه اللي سيتم ادراجها في التداول بتاريخ 14-4-2006
يعني بعد إعلان التخصيص وإعادة المبالغ الزائده بعشر ايام اللي راح يكون بتاريخ
4/4/2006
والتداول في سوق دبي المالي راح يكون مفتوح لغير المواطنين
وهالشي صحي طبعا لرفع قيمة السهم


امر غريب آخر وهو ان الإكتتاب في الشركه راح يتزامن اكتتاب شركة تمويل الإسلامي

يعني شركتين في نفس الوقت
والسوق توه يا دوب متعافي..
وسحب سيولة لشركتين ولمدة شهر امر سيؤثر سلبيا على السوق
الله يستر


ملاحظه اخيره ولو انها معروفه بس عشان محد يغلط ويقول ليش ما قلتوا لي من قبل

الإكتتاب باكبر عدد من خلاصات القيد
أفضل من الإكتتاب بنفس الإسم بمبلغ كبير

يعني وزع المبلغ اللي عندك على جماعتك وهلك أفضل من انك تشتري بكل المبلغ بإسمك لوحدك


ومحد يشتري جناسي @@


اممم شو بعد
ما ادري هذا كل اللي اعرفه حاليا

اتمنى لكم التوفيق وتجهيز السيوله المناسبه بطرق ذكيه
يعني حاولوا قدر الإمكان الإبتعاد عن القروض
وحاولوا اختيار الوقت المناسب لتسيل المبالغ هذا بالنسبه للي بيبيعون اسهمهم في السوق لتوفير السيوله


دمتم بخير

احلى الليالي

المشكله انه بتكون نفس وقت اكتتاب شركة تمويل

امممممممممم

الي عنده سيوله ما تفرق وياه

لكن هذا يأثر على السوق نفسه من ناحية سحب سيوله من السوق

اما الدرهمين الآخرين فهما قيمة تنازل المؤسسين عن حصصهم
(شي غريب الصراحه)


فعلا غريب

الفرق انه هالاسهم يت عن طريق تنازل المؤسسين

وهذا بيكون ربحهم من الاسهم الي تنازلوا عنها

عرفوا يلعبونها صح

وفي النهايه لا تفوتون اي شركه من الثنتين

^_^
مثل ما قلت az
لعبوها صح
وللأسف لا توجد سلطة للجهات المختصه على بعض الشركات

وبالرغم من ذلك الإكتتاب في الشركه يجب أن لا يفوت

على فكرة الكود مالها يبدا بــ 055

انا عندي اسهم في كل الشركات .....

بس مادري ابيع اللحين


ولا كيف اسوي لأني خايف يوم يبدأ الاكتتاب

راح ينزل السوق


واخسر


............


شو رايكم ابيع اسهمي اللحين

وادخلها في الاتصالات

والله مادري كيف اسوي


متلعوز


الله يعيني


على البورصه يابت في راسي الشيب وانا توني ياهل ههههه


على العموم مشكور اخويه على هاي الخبريه

ALMANSOORI_AD

مجرد نصيحه

السوق نازل وحرام تسيل هالوقت

ألا اذا كنت محتاج للكاش وهذا موضوع ثاني

مشكورين على الموضوع

احلى الليالي:

اضم صوتي لصوتك يا جماعة الخير لا تاخذون جوازات اي شخص غريب عنكم ركزوا على اهلكم وايد احسن!!

لاني اتعلمت من سالفة دانة الغاز !!

az:

عن الدحابه واتسوي مثل المره اللي طافت .. حط 15150 بس

تعرف عدد كثير من الاخوان قالو ما بنشتري في الاكتتاب لانه بيجمد فلوسنا 40 يوم والسوق فيه فرص افضل !!

مع التحيه

استاذي ومستشاري المالي ...الغادي

وانا اقول وين الريال ماشارك

خلاص انا اتعلمت بحط الحد الادنى هالمرة

وبكتتب بشركة تمويل بعد

وزين يوم ناس وايد ما بتكتتب عشان نحصل اكثر وهم بعد بيستفيدون من السوق لانه اسعار مغريه

امممم

ليش ما اسوي نفسهم

شكلي براجع حساباتي

مشكور احلى الليالي .. وسعت تفكيري شوي هههه ^_^

اممم ابي نصيحه يعني لو تكرمتوا..... اخذ من الشركتين او اركز على وحده منهم وبس ؟؟؟ شي سيوله يعني

صح انه بيجمد فلوسك ..على كل من الحالتين انا مابجابل الاسهم فهالاربعين يوم ^_^