بدت ظاهرة هروب الطلاب من المدارس بشكل يثير الرعب

كل طلاب المدارس في الصباح الباكر في المراكز والمقاهي وطاولته وكرسيه يتنشدون عنه ويحاتونه ( هل هو مريض ... انشاء الله خير )

تسيب الطلاب وهروبهم من المدارس بأسباب قد تكون مقنعه وبنفس الوقت تكون غير مقنعة


المنهج الممل :(

المدرسون دون المستوى المطلوب

قوانين المدرسة تبط الجبد :confused:

دزاين المدارس الحديثة الي تقول السجن المركزي :o


ماشيء حوافز وتشجيع من زوارة التربية

بس فالحين قرارات * قرارات


انا الصراحه مالوم الطالب عن الي يسويه ... الوم كله على الاهل والمدرسة والوزارة


ليش ما يسوون حصص تكون خارج المنهج وتكون دراجاتها خارج نطاق المنهج تكون ما تأثر على المستوي الدراسي

يعني الطالب يريد يحظر خله يحظر ما يريد برايه هو بكيفه

مثل انه الواحد يدرس تخصصات جديده والكمبيوتر متروس مناهج

يعني بالمدارس ليش ما يدرسون برامج Microsoft Office هذه بتنفعه بالمستقبل !!!


المهم انا اريد ارائكم بهذا الموضوع وشو الاسلوب الي لازم تطبقة الوزارة وتغير هذا التشتت بين الطالب والمدرسة

الا وفي هذا الوقة ظهرة ظاهرة الاجازات يعني كل طلاب الفصل يتفقون مايحظرون لين بعد العيد وياخذون اجازه على كيف كيفهم والوزاره ماتعرف شو اسوي
منقول


تنظر مناقشاتكم وردودكم

والله أخويه .. المناهج هي اللي يبالها إعادة نظر .. الصراحة مافي داعي يدرسون مواد ما تفيد تخصصهم في المستقبل.. و بالنسبة لميكروسفت اوفيس .. ترا يعطونها لطلبة المرحلة الثانوية... يعني بدا هناك تفهم و تطور من الناحية التعليمية في الآونة الأخيرة..

مشكور أخويه على طرحك لهذا الموضوع الجيد للمناقشة..

:)
فعلا الوزاره تتحمل الوز الاكبر في مثل هذه المشكله
لقد باتت وزارة التربيه والتعليم كمؤسسه او شركه
قراراتها صارمه وظالمه من جهه
ومتعسفه وكان كل شي بالقوه
وهذه هي النتيجه
والدليل ان الوزاره لم تواجه مثل تلك الامور في ما مضى
من جهه اخرى اولياء الامور والطلبه انفسم يتحمولن جزء اخر من المشكله فظاهرة الغياب الجماعي تتم بالاتفاق بين الطلبه...واحيانا بتحريض من المدرسين

تسلم اخوي علي هالموضوووع
بس لو نيلس نرمس 100 سنه يدام ,,,
بعد الوزاره يركب عليها مثل لا حياة لمن تنادي ..**

كل ما يقدمون اقتراحات انه المناهج يبالها تطوير و و وو
ماشي اشوف كل سنه بعد تقديم الاقتراحات المناهج مستواها ينزل عن قبل
يعني انا انسانه مريت ف هالمرحله ولا حظت مناهجنا كااانت ..
** حدث ولا حرج**
دوم اقول ف ليش كنت ادرس اصلا ؟ وشو بستفيد والله ف حياتي الجامعيه ولا استفدت منها ابد ...

المهم .. لو بنرمس بعد ما شي فايده ..يمكن الوزير يشوف شي غير اللي نحن انشوفه ..
**اشك انه يشوف اصلا **
تسلمون ,,

uae1 اخوي اشكرك على طرح هذا الموضوع الطيب ... و فتح الباب لنقاش ..

بس تعال بخبرك شي ...

دولة الامارات تدرس اقوى مناهج تعليم على مستوى العالم يعني انته تعرف انه الطالب يوم يروح الاساسي في الجامعه يكتشف انه ماخذ هذا الشي كله بس الفرق انجليزي

بعكس الطالب الغربي يشوف الاساسي في الجامعه شي يديد عليه ..

لكن شو المشكله المشكله انه ما في مستوى في طرق التعليم يعني مجرد فرض اراء و عدم ناقشه و عدم توفير جو .
وربط المدرسه بكل شي سيىء ... و هذي هي المصيبه فتتركز معلومه في العقل الباطني لكل طالب ان المدرسه هي الشيء الوحيد السيىء في حياة كل طالب !!

و بتالي يحدث النفور .. .

و في امور كثيره اكثر من هذي على سبيل المثال طول الدوام الدراسي بشكل مكث بطريقه عشاوئيه ..

يعني مثلن حصه رياضيات و عقب كيميا و عقب فيزيا .. ايي الطالب في الحصه الي بعدها ما يقدر يستقبل شي .. و هذي مشكله ثالثه ..

و عندك عدم تواصل الاسره و قلة اهتمام الاهل لطالب و حالته النفسيه ..

و عندك سوء التربيه عامل اساسي ... !!

و في امو كثيره اخوي و متشابكه لو كتبتلك عشرات الصفحات ما اعتقد اني اخلص .. !!

وت شود اي اد اوول بادي كفوا ووفوا نثيق الس اي كان توك اباوت ات ... ثانكيو فور ذس ارتكال ..

والله اقوولكم صج كلاامكم الصراحة انا منقرف منها


ويالله يالله النص بالنص

واعتقد الوزارة ويعني خطفنا


تحياتي لكم

تسلم أخوي uae 1 على الموضوع الطيب

أولا : أنا معاك أن المناهج لا تخدم الطالب بشكل كبير و خاصة في اللغة الانجليزية و هذا اللي نلاحظة أن الطالب أو الطالبة في المدارس الخاصة لغتهم الانجليزية طيبة في حين أن الطالب أو الطالبة في المدارس الحكومية لغتهم الانجليزية ضعيفه و السبب في ذلك أن

- المنهج يعتمد كل العتماد على قواعد اللغة و لا يعتمد على المخاطبة و تعلم الكتابة .
- المدرس يتكلم بالعربي في الصف و هذا له دور مؤثر و انا لاحظة هذا الشيء في الجامعة الدكتور إنجليزي لا يمكن أن يتفاهم معك بالعربي لذلك ينجبر الطالب أنه يتكلم بالانجليزي و لو كان مكسر و هذا مب عيب عند الاجانب فهم عكسنا تماما .

خلنا نرجع إلى الموضوع طبعا السبب الرئيسي لذلك هو المدارس و المناهج اللي تزهق الواحد . و أكيد الطالب له دور في ذلك .

و أنا أيد الاخ uaelover فعلا مناهجنا مطوره و لكن الاسلوب اللي يجب ان تدرس به هذه المناهج غائب .

ما أبغي اطول عليكم

تسلم على الموضوع مره ثانيه

تسلمون على الردود والمناقشات

( والا حياة لمن تنادي ) :mad:




وتحياتي لكم

السلام عليكم و الرحمه

تسلم أخويه الامارات..

و الله صح كلامك للحين المدارس في المنطقه الشقيه وايد مب شي في التدريس..
وخاصه منهج الكمبيوتر..

في المدارس الخاصه من هم عمرهم 8 سنوات يدربونهم على الكمبيوتر...

صف ثالث اعدادي يكونون يعرفون كيف يركبون مواقع على الانترنت و يفتحونها... و تصميمها بعد..

و أشياء كثيره بعد..

هذا الشي اللي مهب حلوو..

و شي ثاني ..الامتحانات..

الوزاره تبا بس نكر لها الكتاب كر .. شو هالحاله .. ما نفهم و الله نظهر من الحصه ما فاهمين شي.. وفي الامتحان اذا انت حافظ الاجابه تيبها صح مب حافظنها خطا.. وياريت نص درجه او درجه لا .. ست سبع درجات على الاجابه ..

وهذا ايب احباط للشخص و الله ..

هذا رأيي المختصر ..

و سلامتكم ..

الولهانه

تسلمين يا الولهانه على مداخلتج
وعلى رايج

تحياتي لج
uae1