المساعد الشخصي الرقمي

مشاهدة النسخة كاملة : سؤال من عضو جديد

سرقت النوم
15-12-2005, 09:07
السلام عليكم ورحمة الله وبركاته

اخواني في لله انا عضو جديد في هذا المنتدى الرائع الجميل


انا عندي سؤال

انا من دولة الامارات ( ابوظبي ) اريد الدخول في الاسهم ( الدار ) بمبلغ وقدرة ( 10000 درهم ) بيكون لي كم سهم او كم سهم بيطلع لي يعني كم سهم بشتري بهذا المبلغ
وهل تنصحونني بالدخول في هذه الشركة ( الدار ) هل هي على ارتفاع

وجزاكم الله خير الجزاء
الغادي
15-12-2005, 09:20
سرقت النوم:

هلا بك اخوي ...

الدار شركة المستقبل وعلى فكره هذي الايام الشركه تجاوز سعر سهمها 10 دراهم وتكلم في 11 وال 12 درهم ...

العشرة الاف درهم يدوب تيب لك 900 سهم ...

وحاليا الدار تعتبر على ارتفاااع مع ان السوق راقد .
سرقت النوم
15-12-2005, 01:07
السلام عليكم

جزاك الله خير الجزاء خوي

يعني ادخل اكثر من عشرة اخليهم مثلاُ عشرون الف درهم


جزاك الله خير اخي
الغادي
15-12-2005, 01:09
سرقت النوم:

هذا على حسب امكاناتك ... الماليه ...

والاسهم يبالها قلب ... قوي !!!
smart girl
15-12-2005, 10:16
على الرغم بعدم معرفتي بالأسهم إلا أني أنصحك أخوي (سرقة النوم) بعدم المغامرة بمبلغ كبير يعني أذا كان عندك 20000 حط بس 10000 عشان لاسمح الله ما تنظر اذا كان في خساره ...............وسوري على التدخل بس حبيت انصحك.............................
ورررده
15-12-2005, 10:55
سرقت النوم:


الاسهم يبالها قلب ... قوي !!!
:em37: :em32::em37:

مثل ماقالك الغادي



إذا عندك إمكانيه ماليه حط فلوسك وإرقد وآمِن بس أهم شي ال:em32: لايضعف




بالتوفيق




تشاو
سرقت النوم
16-12-2005, 04:18
السلام عليكم

اشكركم اخواني في لله وجزاكم الله خير الجزاء وان شاء الله بدخل بلمبلغ ال 10000 درهم وان شاءا لله اربح فيها

واتمنا من الله الرزق الواسع لنا ولكم ان شاءا لله
سرقت النوم
16-12-2005, 04:26
اخواني سؤال توني تذكرته

لو دخلت بملغ ال 10000 درهم هل يسترجعوا لي باقي النقود ومتى يكون استرجاعة


وجزاكم الله خير الجزاء
الغادي
16-12-2005, 07:19
ما فهمت السؤال؟
سرقت النوم
21-12-2005, 11:00
السلام عليكم

يعني لو دخلت بمبلغ 10000 درهم والسهم ب 3-5 درهم واعطوني 900 سهم ( هل يسترجع لي باقي المبلغ


وشكراً
الغادي
21-12-2005, 01:44
اخي الفاضل:

انت تحدد الكميه ...

مثلا تريد 900 سهم اضربها بالسعر الفوري للسهم

اذا كان 900×10= 9000

فانك تشتري الاسهم ب 9000 الاف درهم.
تكتيك
22-12-2005, 10:10
سرقت النوم..ترى مبلغ 10000 ولاشي يعتبر في السوق اذا تبغي نصيحتي دور على الاكتتابات في الشركات

اليديده ..ليش لان كل ماكان عدد الاسهم ارخص كل ماكانت الكمية اكثر واذا دخلت السوق شوف الشركات الصغيره

الي ماتتجاوز 5 دراهم عسب تكون الكميه اكبر,,,,, وطبعا خلها فتره طويله لان المبلغ مايساعد على المضاربات السريعة واتمنى انشاء الله لك الربح واذا تبغي تسمع نصيحتي ترى الامور طيبه والسوق قوي وفيها فرص وانا جربت هلشي وشايفنه واتمنى لك التوفيق

اخوك
تكتيك في الاسهم