|
مشاهدة النسخة كاملة : مسنجر الأسهم ...لصغار المستثمرين فقط az 08-12-2005, 11:52 متنفس لصغار المستثمرين ( في المستقبل هم كبار المستثمرين ) دردشه فكاهات امنيات احلامكم استثماراتكم نصائح الرجاء الكتابه بكل شفافية والابتعاد عن الاشاعات az 08-12-2005, 11:53 الغادي اترياك اهنه الغادي 08-12-2005, 01:19 والهوامير؟؟ يعني وين انروح!! az 08-12-2005, 01:30 احم احم ما نروم الغادي 08-12-2005, 01:34 az: عاد لو دانه غاز وصل 2000 يمكن استوي هاامور az 08-12-2005, 01:37 2000 عاد قول يوصل عشرين شكلك مستعيل عالفلوس وهب عيب والسوق فاتح ابوابه والاسعار اكثرها داااون الغادي 08-12-2005, 01:38 az: انا عايبني السوق لانه طااايح فرصه az 08-12-2005, 01:45 اذا عندك سيولة لا تفوت هالفرصه خذ من كل بستان زهره الغادي 08-12-2005, 02:11 az: اغنم زمانك واكسبه دام وقتك زين=ترى العمر يفنى مثل زرعن يحشونه محمد بن راشد المكتوم az 08-12-2005, 02:22 الغادي ذكرتني بــــ اغنم زمانك امانه يا حبيبي اغنم خايف عليك بعد 16 سنه تندم الغادي 08-12-2005, 02:29 az: جديم وايد ... يوم اقول انك من زمن سيدنا نوح عليه السلام az 08-12-2005, 02:34 خخخخخخخخخخخخخخخخخخ لووووووووووووووووووووووووووووول ذكرتني بسالفه استوت قبل كم يوم كنت يالس ويا شباب وقالوا بيحطون شريط حفله خاصه عزك الله معلايه وعقب ما شغلوا الفلم بدت الاغاني وانا يالس اترياهم يغنون معلايه وعقب ما مليت قلتلهم متى بيغنون معلايه قالي اربيعي عيل هم شو يغنون الحين قتله انا احيد معلايه يغنون وين سرتي يا مليحه ونقعوا علي كلهم من الضحك وقالولي من اي دهر انته طالع الغادي 08-12-2005, 05:03 az: ياخي ذكرتني ... بشي جديم ... غباااار az 08-12-2005, 07:59 الغادي ملل ليش ما يفتحون السوق 24 ساعه باليوم وياخذون اجازة يوم الجمعه بس الغادي 08-12-2005, 08:35 az: بنتخبل يا ريال صدى الجرح القديم 09-12-2005, 09:03 السلام عليكم كيف الحال ياشباب انا قررت اجيكم في دبي عشان افتح حساب ومحفظة اسهم وادش في سوق الاسهم ياقاتل يامقتول:em30: والله هذا بعد ماستخرة الله وشاورت بعض الربع عندنا المهم:em08: انتوا بتستقبلوني وتسنعوني ولا اسنع اموري واخذ تذكرتي (ذهاب وإياب ) من المطار الى البنك الى المطار والله لو فيه طريقه افتح بالنت يكون احسن وافتك من المشوار :em07: وش رايكم يالمشرفين:em03: الغادي 09-12-2005, 10:07 صدى الجرح القديم: هلا اخوي في طريقه عن طريق النت واعتقد اخوي az عنده فكره اوضح ... السوق هاليومين فرصه لانه نازل ... فرصتك الحين ودنا انسنعك ونستضيفك بس انا مب من هل دبي انا من العين !!! حياك الله في العين وبامكانك التواصل معاي عن طريق الماسنجر az 10-12-2005, 09:18 الغادي بنتخبل يا ريال ليش يعدنا ما اتخبلنا az 10-12-2005, 10:19 دانه غاز لمت اب الغادي 10-12-2005, 10:38 az: على قولتك بسنا فلوس يا حسين !!! الحمدلله وان شا الله يستمر الوضع az 10-12-2005, 10:44 الغادي ان شاء الله بيستمر الطلب اكثر من 60 مليون سهم والعرض 0 يعني المسلسل بيتكرر وبسنا فلوس يا حسين الغادي 10-12-2005, 11:16 اتصدق انا لين الحين ما سويت تحويل عائلي ولا نزلتهن عند البروكر ... ما ابا اتسرع ... السهم شكله بيوصل لحد وبيوقف عليه بالنسبه لي ياب السهم المبلغ اللي اباه ... بس خلنا نتريااا az 10-12-2005, 11:20 الغادي اتريا اخوي احسن وباذن الله بتبيع باكثر من المبلغ الي حاطنه في بالك الغادي 10-12-2005, 11:36 az: ياخي اللمت اب لين 10% ما تلاحظ انه شوي!! ادري انهم حاطينه حتى ما نخسر في النزول az 10-12-2005, 11:51 الغادي بوظبي 10% دبي 15% بصراحه شوي لو يفتحونه نفس دبي احسن او على الاقل يفتحونه للشركات اليديده الي تدخل السوق لمده اسبوع مثلا بيكون احسن الغادي 10-12-2005, 12:00 انا قريت قبل فترة في الموقع الرسمي لبورصة ابظبي انهم يفكرون في رفع اللمت اب الغادي 11-12-2005, 10:08 az: ما شفت اللي شفته في بورصة ابوظبي اليوم !!! ورررده 13-12-2005, 03:50 سمعنا انه بتنزل شركه ف دبي إسمها إسكان أظني عقاريه بس الإكتتاب فيها بيكون خاص... وأنا أشوف إن اللمت أب في سوق دبي المالي وااايد مناسب... وصروح بتنزل الثلاثاء الياي اللي عنده صروح ينزلها ويشتغل فيها فالسوق للتداول.. بالتوفيق لنا جميعآ تشاو الغادي 13-12-2005, 10:49 ما اشتريت صروح لان فيها شك ... حلال ولا حرام ... فكيت عمري وافتكيت az 12-01-2006, 02:07 el gaadi warda sho akbaar el ashm الغادي 12-01-2006, 10:05 السوق up ولكن ما وصل للمستوى المطلوب الى الان .. ورررده 14-01-2006, 05:54 az مثل ماقالك الغادي السوق استعاد حيويته بدخول السنه اليديده وكل شي تمام وبعت واشتريت وفي اشياء خسرت لكن الخساره بسيطه جدآ بعد دخول السنه اليديده ولن استعجل في البيع ساحتفظ بها لحين صعود السهمup وانت أخي العزيز az شو اخبار الأسهم وشوبعت وشو خليت وكم ربحت:em05: بالتوفيق لنا جميعآ تشاو الغادي 16-01-2006, 08:44 az: السوق امس كان مختبص الجميع كانو خايفين من الاجازه بسبب وفاة امير الكويت رحمه الله الا ان عدم صدورها اتوقع ان ينعش السوق اليوم .. مع التحيه دموع 1 19-01-2006, 01:29 السلام عليكم ورحمة الله وبركاته اخواني واخواتي الاعضاء الامارات انا يديده عليكم علموني كيف هاي اللعبه عسب نعرف كيف نلعبها وياكم تكتيك 19-01-2006, 01:32 هههههههههههههههههههههههههههههههههههه يادموع 1 هذي هب لعبه هذي مكان الي يبغي يسأل عن الاسهم والببورصه والشركات الله يهديج تكتيك 19-01-2006, 01:34 على طاري البورصه اليوم الاسهم طايحه والخساير فوق راسي وانشاء الله تستعيد الشركات انتعاشها باجر وشو رايكم يااهل الخبره عندي اسهم في اربع شركات وكلها خسرانه وماعرف شو اسوي هل ابيع كل الشركات وحط المبلغ في شركه وحده بتكون الفايده اكبر والربح اعلى والخطوره اكثر والله محتار دموع 1 19-01-2006, 02:02 اهاااااااااااااا فهمت عليك يا اخوي غيرها بغيرها الغادي 19-01-2006, 08:45 تكتيك: هذا يعتمد اخوي على طريقة الشراء .. اذا كانت على المكشوف او اذا كنت من مالك الخاص .. نصيحه .. التنويع هو الافضل ... نوّع سلتك عدل ... الارباح سوف تعلن خلال الايام القادمه والسوق بيكون ... مرتفع بحول الله .. مع التحيه الغادي 19-01-2006, 10:39 خذنا عشرة الاف سهم من اغذيه بسعر 3.17 متى بيوصل الف !!! مع التحيه az 19-01-2006, 04:29 تكتيك ان شاء الله ما تكون خسران بعد ارتفاع اليوم وكلام الغادي صح بس يحتاج الى سيوله اكثر استراتيجية الشراء تعتمد في البدايه على السيوله مثلا اذا عندك مبلغ كبير بتقدر تشتري كميات كبيره لاكثر من شركه وباكثر من دفعه فاذا كنت ناوي تشتري 30 الف سهم لشركه معينه نصيحتي في البدايه تاخذ 10 الاف سهم وتنتظر حركه السهم فاذا ارتفع بتكون ربحان اما اذا انخفض السهم فبترجع تاخذ 10 الاف سهم ثانيه وبسعر اقل من السعر القديم وهكذا الغادي 19-01-2006, 04:39 az: الجيد في سوقنا ان مهما نزل السهم .. يرجع لموقعه ولو بعد حين .. يعني سوق فيه ثبات صحي بس مشكلته الاشاعات تكتيك: مثل ما قال az اهم شي الاستراتيجيه ربحنا اليوم ولله الحمد والمنه حوالي 30% من راس المال az 19-01-2006, 05:03 تستاهل يالغادي والله يزيدك الغادي 19-01-2006, 06:30 امين وياااك يا az بس اخبرك .. شو عن بنك الريان اللي في قطر !! az 19-01-2006, 10:58 بنك الريان انا بصراحه هب ناوي اكتتب هيازه مش اكثر الغادي 20-01-2006, 01:47 نفس الكلام عن صدعة الراس تكتيك 20-01-2006, 10:31 مشكورين الغادي ويا az والحمدلله عوضنا امس الخساره الي كانت حوالي 12 الف والحمدلله تعوضت بفضل التكتيك والاستراتيجه (موب الخساره نخسر **الخساره** ان لحن مانتعلم من الخساره) الغادي 21-01-2006, 04:49 az: تبا تضحك !! البروكر طلع واحد كان يدرس وياي في الابتدائيه سنة سكتو !!! :em05: قالي مب انته فلان قلت له هيه .. قال ذكرتني قلت له لا .. قالي اسمي بالكامل ومنو كان ويانا فالصف بس ولا واحد منهم اذكره !!! توهقت جان اقوله انته طولت عن يوم في الابتدائيه .. لووووووول az 21-01-2006, 07:03 لووووووووووووووووووووووووووووووووووووووول الغادي 22-01-2006, 11:36 بو سعود: السوق دااون في بوظبي نشتري احسن لنا ... قرب وقت القطااف على ذمة مجلة ميد az 22-01-2006, 02:50 بوحميد انا البروكر مالي بس يتعامل مع دبي وبيني وبينك ما احب اتعامل مع سوق بوظبي بس اذا فتح البروكر تعامل مع سوق بوظبي ليش لا اذا حصلت اسعار حلوة وسوق دبي بعد اليوم داون الله يعين بسنا فلوس بسنا فلووس يا حسين الراجس 23-01-2006, 02:08 السلام عليكم ورحمة الله وبركاته عندي سؤال يا جماعة ابغي ادخل سوق الاسهم بس ما اعرف كم المبلغ الي اقدر استثمره واحصل منه فايدة وبسرعة:em18: ارجو الافادة وشكرا الغادي 23-01-2006, 08:30 الاستاذ الراجس: عن الاستعبااط واللبيب بالاشارة يفهم يا ولد الخاله !!! az 23-01-2006, 03:46 الغادي العربية الفنية للانشاءت الارباح 173 مليون وتوزيع منحه 30 % ...............بسنا فلوس بسنا فلوس الغادي 23-01-2006, 08:17 az: النتائج الى الان قياسيه بكل معنى الكلمه الى الامام az 28-01-2006, 10:27 الغادي اتوقع باجر اعمار بخمس اريال واملاك برياليين لووووووووووووول الغادي 29-01-2006, 09:21 az: وانت الصادق اعمار اليوم طيرااااان .. ارباح خياليه ابصراحه .. يقولك مصرف الريان يمكن يطلع لكل واحد 27 سهم !! لوووووووول az 29-01-2006, 06:07 يوم اقولكم اعمار بيدق تحت اصلا اي شركة تعلن ارباح على طول يدق سهمها يعني لو ما يعلنون احسن المستشاره 30-01-2006, 03:33 الله يوفقكم ويزيدكم ويزيدنا يارب :) وبخصوص بنك الريان اظن كلامك صح الغادي وتبي الصراحه انا ماشجع الخليجين يستثمرون برا بلادهم لان الاولولية لعيال البلاد وبعد النسبة والتناسب شو بيبقى !!! وصدقني بعض اللي حضروا مصاريفهم وخسارتهم اكثر من اكتتابهم az 04-03-2006, 01:18 الغادي بيعطون المدرسين 3000 سهم في الاتصالات كم بيبقالنا؟؟ الغادي 04-03-2006, 01:24 az: لا وبيعطونهم من شريحتنا مالت صغار المستثمرين شو هذاااا az 04-03-2006, 03:42 ليش ما يعطونهم من شريحة الهوامير!!!!!!! الغادي 04-03-2006, 04:09 شو دراني !! يعني الهوامير ناقصين فلوس !! انا ما بشتري خلص اكتتاب تمويل ولا؟ az 04-03-2006, 05:50 بعده تمويل لين يوم الاربعاء اعتقد الغادي 04-03-2006, 09:01 خلاص بشتري في تمويل وبطب الاتصالات az 05-03-2006, 03:32 الغادي سويتلك خيانه انا اكتتبت في اتصالات الغادي 05-03-2006, 09:01 عيل انا طلعت انذل عنك واكتتبت في الثنتين az 06-03-2006, 07:16 الغادي لووووووووووووووول امس سرت بكتتب في تمويل بس كانوا مسكرين اليوم ما بداوم الصبح بسير اول بكتتب وبعدين بسير الدوام قايد الغزلان 07-03-2006, 05:29 السلام عليكم شحالكم امممم شباب تنصحوني اكتتب فتمويل واتصالات مع بعض يعني؟؟؟ والا اركز على واحد منهم ؟؟ az 07-03-2006, 05:46 قايد الغزلان باجر اخر يوم بتمويل ما اعرف كيف تركز اذا كنت تقصد انك بتدخل بالشريحه الثانيه فما انصحك لانها نسبه وتناسب اعتقد افضل الحلول تدخل بالثنتين وتفك عمرك قايد الغزلان 07-03-2006, 06:03 انا مكتتب فاتصالات .. بس تمويل مالقيت حد يشجعني يعني واكتتب فيها ؟؟ ما ادري بس مشكور اخوي اي زد يعطيك العافيه az 07-03-2006, 06:16 قايد الغزلان اذا قدرت باجر تكتتب ..اكتتب ما بتخسر شي وان شاء الله التخصيص بيكون فوق ال 2000 قايد الغزلان 07-03-2006, 06:38 :) انشالله .......................... ولد الطريف 09-03-2006, 11:58 أتمنى لسوق الاسهم الانتعاش az 09-03-2006, 12:14 وانا اتمناله التحرر من اعمار Yamyoomah 18-03-2006, 04:31 مبرووووووووووووك عليكم الخضر اليوم وعقبال كل يوم إن شاء الله az 18-03-2006, 05:19 قمنا نحب اللون الاخضر الله يبارك فيك وان شاء الله هذا بداية الارتفاع غميله 11-04-2006, 10:34 Market Closed (http://nwapp.emirates.net.ae/channel/uaefinance/eng/ticker/marketwatch.jsp?Market=ALL) :em38: az 12-04-2006, 02:56 غميله عيل اليوم شو بتقولين؟ حمودي والعالم 12-04-2006, 07:15 يسلمووووووووووووووووو غميله 13-04-2006, 01:40 az والله إنه الأسهم صايره جذه :em38: أدور على الأسهم الخضره http://nwapp.emirates.net.ae/channel/uaefinance/eng/ui/images/arrow-green.gif >>> نادره والأسهم الحمره http://nwapp.emirates.net.ae/channel/uaefinance/eng/ui/images/arrow-red.gif >> غالبه الله يعين :em11: az 13-04-2006, 01:43 غميله السوق ولا احسن منه دوري الاسهم الحمرا واشتري عشان باجر يوم تخضر تبيعين الله يوفقج اي وسيط عندج؟ غميله 13-04-2006, 02:58 ســــــــــــــر (( يبالي أشتري الأسهم الحمرا،، بس يا خوفي ما تخضر )) ـخخخخخخخخـ az 13-04-2006, 03:22 شفتي اليوم اكبر دليل اعمار من 17.5 لين 18.3 يعني 80 فلس شو تبين احسن بعد هب المهم اللون احمر ولا اخضر المهم كم السعر وهل انتي مقتنعه فيه وانتي شو بالضبط مضاربة ولا مستثمرة غميله 13-04-2006, 04:07 عيني على إعمار من فترة لكن يباله ميزانيه عدله ::: تبا الصدق انا ما عرف شو يعني مضاربه ولا مستثمره بس شرات ما اتقول أشتري أسهم وأخلي الباقي على إخواني هم يتصرفون وأنا أتابع إرتفعن ولا نزلن :) az 13-04-2006, 04:19 غميله فاكه عمرج من صدعة الاسهم الله يوفقج غميله 13-04-2006, 09:18 هيه ويوفق الجميــــــــــــــــع :) az 14-04-2006, 12:41 غميله لا تطلبين سمكه كل يوم ولكن تعلمي كيف تصيدينها غميله 14-04-2006, 01:44 ،,، ;) ،,، ومنكم نستفيد أميروه 18-04-2006, 03:02 مرحباا أول مره أشارك في هاا القسم فديت خشمك والله أنته az بغيت موقع من خلاله أقدر أني أقوم بتدوال بيع وشراء الأسهم..؟؟؟ غميله 18-04-2006, 09:45 مرحبا الساع ختيه وبالنسبه للمواقع كمضاربه ما انصحج الصراحه تداولين في المواقع وما عرف بيفيدونج خوان شما بها الموضوع :) أميروه 18-04-2006, 10:24 هههههههههههه بالعكس التداول من خلال المواقع أسهل وأسرع لييش؟؟ لني عند البع أو الشراع لازم أنعبي أستمااره طويله وماادري شووو أما كم خلال النت أسهل وأسرع لنه ممكن من خلال الوقت ألي تقضيه في ملئ الأستماره قد ترتفع السعر أو تنخفض وع لعموووم ممكن موقع يخص أسواق الامارات للتداول ألي أقدر من خلااله أني أتتداول بالأسهم وفي أنتضااركم.... غميله 20-04-2006, 12:58 مرحبا ختيه حاولت ادورلج مواقع وما لقيت وربي يوفقج :) az 20-04-2006, 01:19 أميروه هذا موقع الوسيط مباشر http://www.mubasher.net (http://www.mubasher.net) وهذا الجولدن جيت https://www.goldengatesecurities.com (https://www.goldengatesecurities.com) وكلهم يتعاملون بالتداول الالكتروني واذا بغيتي شي خبريني وان شاء الله بيبلج المعلومه تحياااتي أميروه 20-04-2006, 10:35 ثااانكيوووو بشووف وبرد لك خبر فماان الله az 22-08-2006, 08:50 دخلت الموضوع وقريت الاسعر القديمه ايام اعمار 18 متى بترجع ان شاء الله قريب والارتفاعات الحاصله لأعمار تستمر وتطال جميع الأسم ضناني الشوق 24-08-2006, 03:49 بالعكس اللحين فرصة صغااار المستثمرين بالسوووق وكبار المستثمرين منقهررررين الله كشخة ............ احلى عيناوي 24-09-2006, 02:04 مشكور اخوي ع الموضوع نتريا يديدك |