مشاهدة النسخة كاملة : يا بوي-أغنية ميامي- اهانة للاماراتيين
إغنية يا بوي للفرقه الكويتية السخيفه فرقة ميامي ،،
طبعا لللي شاهدها بيكتشف اللي اقصده واللي ما شاهدها نصيحه بعدم مشاهدتها كي لا يقلل من نفسه .
آخر مصخره ،، اغنيه لافيها طعم ولا رائحة الأخلاق و الأدب ..
والمسؤول الأول عن هذه الاسفافات هو الإعلام الذي يروّج لمثل هذه الأغاني المنحطة والتي تدمر جيل المستقبل .
والمشكله صاحب هذي القناه يقولون انه اماراتي وهو العبدول الله لا يوفقه في نشر الرذيله والسخافه عسب البيزات .
اوكي كل واحد حر يغني اللي يباه واللي يحبه ولكن ما يشوه الزي الاماراتي ( الكندوره العربيه والعصامه ) واللي تميز شبابنا فيها ،،
لا والالحان والكلمات مال المعلايه والرقص مال الجنس الثالث والهز وكأنه حال لسان المغني السبال يقول هذا هو الشاب الاماراتي مغازل ومعلايه وتفاهه ورقص بطريقه خليعه ،،
نسوا هم منوه يقلدون ؟؟؟
نسوا الاماراتين انهم عيال زايد رحمة الله عليه نسوا انهم رياييل مب .....
المهم السؤال الان ؟
هل المعلايه من تراث الامارات ؟؟
طبعا لا هذي دخيله علينا ،،
اذن ليش انلبست الكندوه والعصامه ؟؟
والفرقه اصلا كويتيه ؟
ليش ما لبسوا الكندوره اللي تميز اهل الكويت ؟
او ليش مالبسوا الجينز مثل كل اغانيهم التافه ؟
أغنيه حقيره واللي في الكليب ناس .. استغفر الله ..
أرجو المحاورة و النقاش من الجميع..
ملاحظة: نقلت الموضوع لأني حبيت أعرف رأي الأغلبيه... و حبيت أعرف وجهة نظركم انتو كمواطنين لمثل هذه الأغاني...
بانتظار ردودكم
مظلوم_جميرا_1 21-11-2005, 02:13 هيه والله صدقج شعنه لابسين كنادرينا...انا ما لاحضت هذا الشي زين..
شكرا على هذا الموضوع يا الطيبه شذوي
ونسايم هي من تمثل الاماراتيين!!! شفتي الفيديو كليب مالها؟؟
اختي الكريمه:
هم يقلدوننا لاننا اليوم اصبحنا مركز اعلامي قوي سواء بقنوات هادفه او غير هادفه وللاسف المعلاية وهي الدخيله على مجتمعنا تغنى بها معظم مطربي الامارات ما عدا الاستاذ ميحد حمد.
فايز السعيد في البومه الاخير لا يقدم سوى المعلايه وقبله الكثير من مطربي الامارات فمابالك بمن يقلدنا!!!
اممممممممممممممممم ما شفت الاغنيه
بس مسألت المعلايه هذا تراث للجنس التافه او ماشابه ذلك
اذا كان دخيل علينا فبعض الناس ما قصروا وسجلوه باسم الامارات ( الله يعزها )
وله اليوم شعبيه بين الشله التافهه الله لا يوفقهم
في فترة من الفترات منعت هالاغاني من التسجيلات
وشخصيا اعتقد انه كان المنع بسبب الالفاظ المستخدمه في مثل هذا النوع من الفن الرخيص
اونه وين سرتي يا مادري منو كنتي ...........وما عندج بيت وبعدين اممم يمكن استوى عندها بيت
سوري ناسي الكلمات
اعتقد لو شبابنا يرفض الاستماع لها النوع من الفن الهابط ( وما اكثر الفن الهابط هالايام ) كانت انحلت المشكله
اما عن فرقة ميامي وتشويه صورة الاماراتيين والملابس الاماراتيه فافضل مشاهدة الكليب وبعدين بعلق اذا كان عندي شي اقوله
ام هيوووم 22-11-2005, 06:31 هلا اختي شذوي...
شكرا على طرحج لهذا الموضوع...
وبصراحة انا صج بحرينية بس بعد اعتبر الامارات بلدي الثاني...
وصج الي سوته فرقة ميامي غلط في غلط...
بس الظاهر هم نسوا نفسهم...
ونسوا انكم عيال زايد الله يرحمه...
ع العموم
الله يهديهم ويهدي الجميع..
قصـ’’ــايد 23-11-2005, 03:31 عنلاااااااااااااااتهم ثرهم امضيعين المذهب ....
شو تتريين من ناس ضيعوا المذهب ... ريال يتمايل جنه حرمه الله يسقمه...
والله ان المريله بعيييييييييييده عن لحاهم ....
وانا من رايي ان هالاشكال حرام الواحد يرد عليهم لانهم خااااااااااام...حالهم من حال الدبش
وكرم الله الدبش عنم...
وكل مواطن اماراتي المفروض مايرضى باللي صار....
bent_flaan 23-11-2005, 04:31 شخصيا ما شفت الفديو كليب وسمعت اعانيهم من فترة
في اظني اغنية يمكن تفصدين يا علاية ابوج ما عبرني مادري شو هم لابس لبس خليجي بالاخص اماراتي
عموما كل الاغاني استوت مالت امعلاية . حتى نوال الكوتية قامت اتغني مالت امعلايى وفايز السعيد وغيرهم الخليجين وبعد بالاخص اماراتيين .. والله يخلي القنوات الي تشتري مثل هذي الاغاني الا في كلمات مش مفهومة ولا مالها معنى ورقص ودق بصوب
مب بس ميامي في فرق اماراتية الحين ماادري شو اسم الفرقه بس اتذكر نفس الشي يغنون ويرقصون وماتعرفين شو يقولون
وشبابنا وشباب الخليج يعيبهم هالنوع من الاغاني
شوفي في العرس يوم يكون عرس واحد من الشباب ايبيون امعلاية
لازم امعلاية ...
اما انت يا از عيبتني هالكلمات (( وين سرتي يا مادري منو كنتي ...........وما عندج بيت ))
حافظ الكلمات لوووووووووووووووووووووووووووووووول
روان السعودية 23-11-2005, 10:23 معاك حق شذوي بكل اللي قلتيه....
بس صحيح ان الاغنية سخيفة من الكلمات للالحان للفيديو كليب
لكن صدقيني مستحيل ان هذول يشوهون صورة الاماراتيين
ولا يوصلون مواصيلهم
شنو يعني احنا مانعرف الاماراتيين فديتهم.
صدى الجرح القديم 25-11-2005, 04:07 السلام عليكم
شذوي اشكرك على غيرتج على بلدك واهل ديرتج والحفاظ على سمعت بلدكم من اي انسان تافه وسفيه يحاول يشوه سمعتها لاكن بصراحه الامارات واهله ناس معروفين بعاداتهم وتقاليدهم العريقه والاصيله والصراحه شهادتي فيهم مجروحه
ولاكن اقول بصراحه واسمحولي
ماتضر الشمس نبح كلاب
حفظ الله السعودية والامارات وكل بلاد المسلمين من كل حاقد وفاجر ومدلس
دوك انته 25-11-2005, 04:14 هاذا اللي قاصر
فرقة كويتية صايعة
ياية تغني في الامارات
جدام مركز ابن بطوطة / دبي
لا بعد لابسين الزي الاماراتي المحترم
والله مب رياييل
وهم بالآخرة بيستوون سبلان
والله أنا لا شفت هالاغنية ولا افكر أشوفها...
أساسا كل الأغاني هالايام مضخرة وتفاهه لأبعد حد...
والتلفزيون فيه الزين وفيه الشين ...
والريموت بيدينكم يا حلوين...
صدقوني هالامور التافهه في كل مكان ... والشخص الواعي لدينه وثقافته يبتعد عن هالسوالف...
بنت المناصير...
عنلاااااااااااااااتهم ثرهم امضيعين المذهب ....
شو تتريين من ناس ضيعوا المذهب ... ريال يتمايل جنه حرمه الله يسقمه...
والله ان المريله بعيييييييييييده عن لحاهم ....
وانا من رايي ان هالاشكال حرام الواحد يرد عليهم لانهم خااااااااااام...حالهم من حال الدبش
وكرم الله الدبش عنم...
وكل مواطن اماراتي المفروض مايرضى باللي صار....ههههههههههههههههههههههههههههههههههههههههههههههههههههه هههههههههههههههههههههههه
هههههههههههههههههههههههههههههههههههههههههههههههههههههههههههه ههههههههههههههههه
هههههههههههههههههههههههههههههههههههههههههههههههههههههههههههه ههههههههههههههههه
بنفسج AD 03-12-2005, 02:51 مرحب ..
حبيت اقول انها شغله صج مب اوكي ... بس بعد مب هم الوحيدين ... كل الاغاني هالايام اغاني بايخة ومالها معنى ...
عيل العيووز اللي يقولون عنه صبووحه تغني وي رارا ما ادري لارا !! وين عايشين ..!!
واخوي الغادي ... عن نسايم ... اتهبي اهي وعشرة من امثالها تمثل الامارات !!
هاي الخايسه وياي ف النادي .. مغربيه* مغربيه ... ستايلها على رمستها على كل شي فيها لوووعة جبد ..اول مرة اشووف وحدة تطلع غنيه عسبت تلوع جبود الناس !! ..
وفرقه ميامي صج مصخووها ...وين اغاني قبل وين اغاني الحين ..
الله يستر من الياي ..
انا شفت الاغنيه ...
وبصراحة ما اندهشت لانه الناس اللي يمثلون الامارات اصلا ضايعين فيها وهايتين ..يعني الحين اللي بيقلدونا بيكونون احسن!!!
يعني بضرب المثل على اللي اسمه فايز السعيد....قولوي كليب واحد بس من كليباته زين ويتشاهد والا اصلا فيه مشهد واحد محترم ...الا بوس ولمت بنات ومغازل وعشيقة !!! يعني كل الكليبات صارت تظهر طابع مجتمعي عن اي دوله غللللللط ...فيعني الواحد ما ياخذ من هاذي الاغاني!!
حتى الفرق الشعبية والرزفه ..في الطريق الى الضياااع ..
ريم الامارات 11-12-2005, 10:10 السلام عليكم
يا اخواني بلاكم امعصبين احنا انعرف تراثنا و عاداتنا و قيمنا مب عشان اغاني تافهه اتعورون راسكم اقول لا اتحاتون بس الحمدلله احنا بعدنا ابخير مادام فيه ناس ايحبون الامارات و شعب الامارات و مشكورين كل من مدحنا و انا افتخر اني من الامارات و الله يرحم بابا زايد اللي غرس فينا كل خير و حب و كرم ......بس لا تزعلوووون و الله هاي الفرق و المغنيين ماتي وراها اللا المآثم و الذنوب استغفر الله اسمعوا المنشد احمد بو خاطر ....هو الوحيد اللي يثلج الصدر الله ايخليه اماراتي و النعم ورافع راسنا لفوق دايما انا دوم اسمعه...... في البيت و في السياره و في اي وقت ........اسمعوا اناشيد اسلاميه يا ناس لا تسمعون اغاني بسكم والله (هاي نصيحه)
و بالتوفيق
مخاوي الليل 11-12-2005, 11:56 انا اجوف انه في لبس في الموضووووع............وتفسير كل الي قلته اتمنى يكون غلط.............وسمووووحه
خيماوي#1 29-04-2007, 03:32 انتو امنعو المعلاية عندكم اول شي.... بعدين عيبو على الناس
النياديه مزيونه 29-08-2007, 04:01 يسلمو على الموضوع
المقهورة 29-08-2007, 09:21 فرقة ميامي لم تقصد ان تهين الامارات وتراثها
انا لا ادرافع عن فرقة ميامي ولا ادرافع عن الغناء
انما لم يعجبني الظن بالسوء
والغريبة يا سبحان الله كل الي دشوا سبوا الغناء الهابط
سبحان الله .......
الله يهدي فرقة ميامي وجميع الشباب المسلمين
وفرقة ميامي قلبهم ابيض والله يوفقهم للطريق المستقيم
M.a.r.o.c.o 29-08-2007, 09:35 بسم الله الرحمن الرحيم
شوفيــ اختيــ الحينهــ المعلايهــ ما تعرفيلهمــ يا إماراتيينــ ايونجــ و ايونجــ اصلهمــ مادريــ منــ وينــ يعنيــ استوتــ المعلايهـــ ( كوكتيلــ ) و عنــ سالفة الفيديو كليبـــ هو منــ الأصلــ غلطـ فغلطـ بســ الفيديو كليبــ يتكلمــ عنــ الليــ يصير فيــ مجتمعنا بســ همــ نقلوا الطريقهــ او خلنيــ أقولــ أرجوها بشكلــ غلطــ معــ الأسفــ الشديد ,,, و كمــ بنتكلمــ و بنقولــ ما فيــ فايدهــ ( طنشــ تاعشــ ) !!
سلمتيـــ
سلملم
]![ماروكو]![
أميرالمنتدى 30-08-2007, 03:14 المعلاية منتشرة بشكل كبير، الغلط موب من ميامي، فرقة ميامي نقلت اللي شافته، نحن لازم نعدل صورة الامارات عشان الناس يحترمونا
الله يهدي الجميع يارب والاغاني حرام اصلا
ولكن من وجهة نظري اللحين الاغاني الاماراتية والمغينين والمغنيات اللي اونهم من الامارات والله يفشلون والمفروض يمنعون من العرض( مثل بالخير وفايز واريام ونسايم وووو)
miss.funny 09-09-2008, 02:57 السلام عليكم ورحمة الله وبركاتة ..
اخواني واخواتي ,, يمكن صج استغربتوا يوم اني رديت على هالموضوع لاني من الدولة نفسها الي فيها فرقة ميامي ..
بس انا والله حدي احب الامارات واعتبرها دلتي الثانية ,, وا دشيت هالمنتدى الا لاني اعشق دولة الامارات .. ربي يخليها لنا ولكم وتعمر اكثر واكثر..
المهم انا دشيت اهني عشان بس ابيكم تفهمون شغل وحدة,, الكوتين لهم الشرف والفخر انهم قلدون ناس مثلكم انتو يالامارتيني وكل دول الخليج ,, والله من صجي قاعدة اتكلم ,, بس فيه شئ حيل يق خلقي يوم دخلت هالموضوع,, فرقة ميامي هيا الي الي غنت الغنية مو الكويت بكبرها ,, المفرووض جانكم زعلانين منهم ,, قولو رايكم بس الكويت بكبرها شكوو؟؟ ماله داعي كل الكلام الي قلتوا.. احنا كلنا ندري انكم اعيال زايد رحمة الله عليه ,, وانا بعد اعتبر نفسي بنته ,, بس انتو لا تنسون ان احنا بعد اعيال وبنات جابر الصبار رحمة الله عليه >> يعني كلنا سواسية .. ماله داعي الكلام الي قلتوه ان احنا ما نسوى شئ ,, ومن هالسوالف .. اتمنى من كل قلبي كل واحد يرد ويقرا شنو كاتب للمرة الثانية .. ويعرف ان كلامي على صواب.. ليش لهدرجة كارهين الكويت ؟؟ مع ان احنا ما سوينه لكم شئ ولا قلنا ,, والمشكلة انكم ساعدتونا يوم ازمتنا >> لمن صدام غزى علينا ما قصرتوا وساعدتونا >>محد يقدر ينكر جميلكم يا دول الخليج عامتا ؟؟
وشاكرتلكم مرة ثانية >> واتمنى ان محد يزعل من الكلام الي قلته..
خلدون 2002 09-09-2008, 03:05 نحن نفتخر إنا عيال زايد وما يهمنا أي حد وإذا يقلدون يقلدون أنفسهم والكل يعرف إنهم كويتين وإن كان على لبس لبسنا فهم يتمنون اللبس الإماراتي لأنه محترم من الكل
صراحه ...
كل واحد اشوف الحقيقه بالشكل الي يبيه
كوني كويتيه ما ادافع عنهم بس سالفة لمعلايه شي للاسف افشل
ما كنت اعرف عن هاالشي الا يوم اشتركت بهالمنتدى
وعرفة انها رقصه ومره من المرات كنت بyoutube
ولا حاطين معلايه صراحه ما هقيتها جذي
توقعتها شي شعبي ... راقي مو جذي
وشكرا
تحياتي قيونه
اذكروني
مرحبا الصراحه الموضوع مايستاهل كل هالنقاش
وبعض الردود اللي تنم عن حقد تجاه الكويتيين
صح فيه ردود كانت موضوعيه
بس فيه ردود متحيزه وترفع الضغط
وفيها غلط على الكويتيين بدون سبب
شوفوا ىنا مواضيع الفتنه أكرهها
وفيه طبع بالكويتيين وأتمنى الشعوب يصيرون نفسهم
لو لنا وجهة نظر على أحد ننقد شخصه مو ديرته
وهالشي يعجبني بشعبي المتحضر
مثلا نكره صدام بس مانكره الشعب العراقي ولا نقول العراقيين غزونا
نقول النظام العراقي(المتمثل بصدام)
والموضوع ترى مايستاهل كل هالبهرجه والسخافه
آنا عن نفسي فرقة ميامي ماتعجبني
بس ما أشوفهم سووا شي غلط
شبابكم هم اللي نشروا العلايه
هاذي جزاتنا نغني تراثكم.....وبعض الردود تطفر عيال زايد وتتمنون تقلدونا
ليش هالكلام؟؟؟؟؟؟؟؟؟؟؟؟
ترى كل واحد يفتخر بديرته وأصله
ومواضيع الفتنه تركوها عنكم
احلى الليالي 09-09-2008, 03:33 ^_^
كالعاده
المواضيع تاخذ منحنى بعيد
الموضوع قديم وايد
وسكر نفسه بنفسه وما كان يستحق كل هالنقاش اصلا
بس رجعنا نفتحه ...ما ادري ليش
عموما
مثل هالامور عاديه جدا هاليومين
وهذا يقلد هذا والقصد لفت الأنظار
مافي حد وده يفقد جمهور في بلد معين لأسباب ماديه طبعا ...لا اكثر ولا اقل
وبعدين المفروض ما نتكلم عن جنسيات معينه انما نتكلم عن اشخاص بعينهم
لانه كلنا اخوه في النهايه
ارجع اقول من الأساس كل هالامور تافهه للأسف
وابعدوا عنها ابرك لكم
واسمحولي اغلق الموضوع وانقله لقسم الدردشه
فمان الله
ورمضان كريم
فديت قلبي أنا 09-09-2008, 12:33 شو نسوي الله كريم الغاليه وماشي ظوابط بها السوالف
وكل واحد يلبس ثياب بلاده عسب يمثلها ..
وهم شكلهم يبون يصيرون اماراتيين غصب
خخخخخخخخخ بس والله مايليق عليهم..
ونتريا يديدج الغاليه..
ولـ البلادـد 09-09-2008, 06:45 شووو عليهم مب حصلين حد يردهم
miss.funny 09-09-2008, 07:41 ابي اشدعوه >> ترى الغلط على الفرقة نفسها مو على الكويتين >> اشفيكم طايحين فينا >> اي صح >> انا قلتلكم احنا لنا الشرف ان نقلد ناس مثل الاماراتيين :>
بس نفتخر لان كويتين >> الحمد لله مو قاصرنه شئ >> باحسن صحة وحال وقاعدين بديرة خير >> ماله داعي كل هالكلام >> الكل يفتخر بالامارات وبشيخة زايد رحمة الله علية >> بس يوم انكم تحبونه لي ما تقلدونه >> هذي مو من موصفات شيخنا الغالي رحمة الله عليه >> ومو كل شوي تقولون اهم يتمونون يكونون اماراتيين >> احنا اصلا لنا الشرف والفخر يوم صرنا كويتيين >> وتاج على راسنا كلنا الشيخ جابر الصباح رحمة الله علية >> الطيبة والحب والتواضع والاخلاص>>الاربعة ابسط خطاياه شيخنا رحمة الله علية >>الناس رمضان وحرام الي قاعدين تقولونه ..
special_1 11-09-2008, 05:57 الســــلام عليــكمـ و رحمـــة الله وبركـــاته
أخــواني..
أول شــيء الذنـــوب ما تجر إلا البـــلاوي لو تتركـــون الأغانــــي ما صارت هالبلبلــة هاذي كلهـــا..الله يهــــدي الجــميع لكل ما يحـــبه و يرضـــاه.
ثانـــي شــيء طلــعوا الكويتيــن مــن الســالفة.. اللي غلــط ميامــــي مو الكــويت..
لا تقــولون" الكويـــتين" ولا ميامي "الكويـــتية" قولــوا فرقــه وبس.. تــرى كلنـــا خلـــيج وقلــب واحــد و الكـــل يفخــر بأصلـــه بس بــدون ما ينقــص مــن قدر غيـــره.
ثالـــث شيء بصـــراحه ما شفــــت الأغنـــية بس إذا ميامـــي فعلا غلطـــانين عالإماراتيين فهـــذا لأن الإمارات أصبــحت محــط الإهتمـــام بعد التطـــورات والتقـــدم اللــي حققتــه.. وأصبح كل مــا يخصهـــا ويقتـــرب منــها موضـــع إهتمـــام.. وأنتم يالإماراتيين لا تعطــون هالفرقــة اللــي تبيه هي ما ســوت كذا إلا عشـــان تلفـــت الأنظـــار.. ليــه تلتفتـــون لها؟!!.. أنتم كبـــار و هالأقـــزام يحاولـــون الصعـــود علــى أكتـــافكم فلا تمنحـــوهم ما لا يستحـــقون..
أنا ما أقـــول اللــي صـــار شيء عادي وينـــسكت عنــه بس بعــد كـــثر الكـــلام اللي مــا يغـــير شيء بالموضــوع ماله لــزوم لأنه هو اللــي تبيــه هالفئــة..
إخوانـــي الإماراتـــيين..
أنتـــم ناس تشهـــد لكــم أفعـــالكم وأخلاقكم قبـل أي أحــد ثـــاني والــكل عـــارف الإمـــارات و أصالــتها وطـــيب شعبـــها وحكـــامها.. مــا أقــدر أقــول عنكم أكثــر من كــذا أخــاف أقــصر بحـــقكــم وتزعلـــون منـــي..
أخـــواني..
أنـــا أقـــول إتركـــوا عنـــكم هالموضــوع و هالتـــجريـح ولا أحد يــزعل الـــثانـي..
ســـلمتم و لا هنــتم..
تقبــــلوا التحـــية..
أخــوكم..special.
|