مشاهدة النسخة كاملة : حوار الفقارا مع الملايــن...
احلى الليالي 07-10-2005, 02:36 ^_^
السلام عليكم
لا يوجد محور أساسي للموضوع
ولكن لاحضت وفي اغلب مواضيع قسم الأسهم
وجود حوارات تخرج عن الموضوع
احاديث كانت تسأل عن الملاين..تسأل عن الربح السريع في سوق الأسهم
كلمات تخرج من صغار المستثمرين لكنها موجه مباشرة نحو الملاين
احبتي
هذه مساحة حوار للحديث عن الملاين
كيف واين ومتى
وهل وما هو
كل علامات الإستفهام وكل حواراتكم
وكل ضحكاتكم ودموعكم
ارباحكم وخسائركم
اطلقوها من خلال الكلمات في هذا الموضوع
حتى لا تندمج الحوار مع المواضيع المتخصهه في امور اخرى..
لذلك السبب اوجد هذا الموضوع
حتى ولو لم يرد عليك احد
ارجع ورد على نفسك
حدث نفسك وفكر بصوت مسموع
من خلال هذا الموضوع
احلام الفقراء في الملاين
ربما غدا..نشاهد اعلان لشركة احد من سيخوض معنا هذا الحوار
دمتم في قناعه
اعتقد انه كلمة ملايين تعني الامان للمستقبل
محد يعرف شو بيستوي باجر
غلاء الاسعار
الحروب
الكوارث
فلازم الانسان يعمل من اجل المستقبل
وفي النهاية لو جريت جري الوحوش غير نصيبك ما تحوش
احلى الليالي:
ما اعتقد ان الملايين تعني الامان بالدرجه الاولى ...
بس اتحس انك لو واجهة مشكله معينه وانته ماعندك ملايين ماراح تقدر اتحلها الا بالملايين وهذا احساس ولكن اذا كانت الملايين موجوده بعد ماراح تقدر تحل المشكله!!
اوهام
احلى الليالي 07-10-2005, 06:42 ^_^
الغادي وجهك كلامك لــ az
انا ما قلت انها امان :)
بس انا بعد اتفق في هالنقطه انه كل ما زادت بيزاتك كل ما امنت مستقبلك اكثر
مب معنى كلامي ان الشهادات والعلم والتربيه والزواج والهدوء والإستقراء والأبناء وال وال الخ
لا يعنون شي
ولكن احيانا كثيره توجد كل تلك الامور ولايوجد المال فيخترق الأمان
واحيانا لا يوجد شىء من ذلك ولكن يوجد المال فيتحقق الأمن طبعا تأمين المستقبل
عموما الموضوع ما كان يقصد هالحوار
انا يا على بالي احط مثل هالموضوع
عشان تفشون خلقكم فيه يوم تتكملون عن صفقاتكم في سوق الأسهم
الغادي
شكلك صايم
بدال ما ترد علي رديت على احلى الليالي
الغادي هب شكلك ما خليت اكتتاب ما اكتتبت فيه
مع اني اتفق وياك بكلامك انها هب الامان بالدرجه الاولى لانه فيه اشياء وايد اهم
الدين الاهل الدراسة الاخلاق
بس هذا ما يمنع انها تكون بينهم
ولاني يالس اكتب بامارة الاسهم فما حبيت اطرق للامور الثانيه
لانه هنيه السوالف بس عن الاسهم والخساير والارباح
يعني فلوس
يعني ملايين اذا قدرت تسويهم
احلى الليالي
لا تلومنا ترانا صايمين
بشو تبانا نتكلم اهنه
خبرنا بس حبه حبه
احلى الليالي 07-10-2005, 09:31 ^_^
عن اي شي
حتى اللي قلتوه صح
عن احلامكم
اي زد على فكرة انا حطيت الموضوع بسببك انت
اكثر واحد يحلم بالملاين
لول
احلى الليالي
انا وصلت درجه لو تقص راسي احتمال ما تحصل مخ بس اكيد بتحصل دولار
الحين لو الاكتتاب بشركه بناء الف درهم
وانا اكتتبت باسم 150 شخص
يعني 150000
وعطوا كل مكتتب 1000 سهم
يعني في النهايه بحصل 150000 سهم
وخليتهم 6 شهور
وان شاء الله هاك الوقت بيوصل سعرهم بحدود 8
لحظه بحسب
امممممممم
هيه بيطلع الناتج مليون وميتين الف
وهاي بتكون اول مليون
بس مليون وحده ما تكفي
يعني العمليه سهله
اصعب شي الجناسي
az:
150 راس كم بتعطيهم؟؟؟
بقولك شي خذ الفكره من عندي ...
كل اكتتاب ادخل ب خمس اسماء حد ادنى ...
واصبر على خبالي وخبالك .
الغادي
ليش اعطيهم فلوس
بخذ جناسي عن ربعي والاهل
صح ما بقدر اكمل 150 وايد صعب لو قدرت عشرين نعمة
انا في دانه غاز دخلت ب 8 بس .. لان التخصيص فيها حلو ..
طاقه كانت وكسه سودا ...
بتيمع عشرين ما اعتقد حتى اللي ما يبا يشتري مابيعطيك نذاله
احلى الليالي 07-10-2005, 10:06 ^_^
ههههههههه
بديت اصدق انه مافيك مخ بس فيك ربطة بيزات
انزين اسمع
بيطلع لك مليون وميتين الف
انت تبا 150 اسم صح
لازم تدفع لهم 150 الف
يعني الف عن كل جنسيه
وتحتاج لألف درهم عشان تكتتب بكل اسم
يعني تحتاج 150 الف درهم اخرى
يعني يبالك 300 الف درهم
عندك ؟
لو هالمبلغ مب موجود
بتاخذ قرض وبتكتتب
وبترجعهم بعد ست شهور خلنا نقول 350 الف درهم مع الفوائد وكل شي
يعني صفالك من المليون والميتين الف
850 الف درهم
هذا لو كل شي مشى مثل ما تبا
اوكي فالنفرض انه الحض عاندك
وخصصوا لكل مساهم 100 سهم
لول
اووووووووووووووووووبس
الله يعين حالك
وهالشي صار لوايدين في شركة طاقه
احلى الليالي
مستحيل اخذ قرض ولا سلفيه عشان اسهم
الحمدلله فلوسي كاااش
وعمري ما دخلت السوق مضارب
ولا حتى مستثمر
ادخل حسب جو السوق
ومستحيل ادفع فلوس عشان جناسي
لي عودة
احلى الليالي 08-10-2005, 05:32 مستحيل ادفع فلوس عشان جناسي
az
عيل انسى
انك
تحصل
150
اسم
ياجماعه الحين انا يالس احلم ب 14000 الف سهم اه لو السهم يوصل عشر اه ...
حلوات 140 الف ....
ان شاء الله تحصل اكثر
طريقتك كانت صح
انته تكتتب باكثر من اسم وهالصح
عاد ها الي صدق عمره
هيه عقليتك تجارية تقول الوليد بن طلال
شو تبا الفقير الوليد بن طلال !!!
اقولك كم تتوقع بيكون سعر السهم خاصه ان الخبر اليوم صار رسمي.
شو رايك نفتح شركه مساهمه خاصه!!
بحدود 3 لين 4
وانته كم تتوقعه
يا ريال خلها تنزل باربع احسن عشااان نشتري وبعدين نبيع عالـــ 5 ولا 6
في ناس تتكلم عن 7 درااهم في السوق
يالله قريب وبنشوف
مع اني ما احب اشتري اسهم من بورصة بوظبي لو دخلت سوق دبي جااان احسن
az:
سوق بوظبي اول يوم وبيع او قبل الادراج هذا الدرس اتعلمته من طاقه
هيه والله صدقك الغادي
بكم بتبيع الاسهم الي طلعتلك من دانه ؟؟؟
سولي خصم ولا تطمع
az:
سبع دراااهم بزنس از بزنس
اقولك خلهن يطلعن اول انا ما بأمن الا اذا شفت ورقة التخصيص
لا سبع وايد
اذا تبا بثلاث اوكيه
عشان انا بعد اربح من وراهم
az:
عيل خلني ادور واحد من هالهوامير يدورون ربح مستقبلي احسن لي
|