المساعد الشخصي الرقمي

مشاهدة النسخة كاملة : اهداء لك انت فقط يا حبيبي ......................

ترانيم الشوق
05-02-2003, 05:53
يا عمري الدنيا ما تسوى تنام وخاطرك زعلان

ولابه شي يستاهل يخلي قلبك يعاني




طلبتك كان لي خاطر تبعد عنك الأحزان

فديت أعيونك الحلوه تبسم لو على شاني




حبيبي صار لي مدة أشوفك تايه وحيران

وانا والله لا شفتك حزين تزود أحزاني




أنا احبك ولا ودي تعيش بدنيتك ندمان

ترى ألأيام محسوبة وتالي هالعمر فاني




تصدق بسمتك والله تفرح خاطري الولهان

يطير من الفرح قلبي واصير بعالم ثاني




والى من شفتك بضيقة أحس اني انا الغلطان

أعاتب نفسي بنفسي ولو ما كنت أنا الجاني




غلاك بداخل أعروقي ولا يوصل غلاك انسان

يمر الوقت ويثبت لك غلاك ان الله أحياني




أضحي بعمري لعيونك...تنام انته وانا سهران

وانادي جروحك لقلبي تجي واحد ورى الثاني
عيون الريم
06-02-2003, 11:10
ياللي جرحت القلب
ياللي جرحت القلب واحرقته احـراق 00000000 الله حسيـبك ما بقلـبك مروفه
قلبي معك صافٍ مثل وقت الاشـراق 00000000 وقلبك معي غـدار لا واحسوفه
حبك مزيف وانكـتب فـوق الاوراق 00000000 يا ليت يدك ما تسطر حروفـه
تلعب على الحبلين وتـقـول مشتاق 00000000 وتقول حبك مقدر اكمل وصوفه
واثـرك مـعي غدار خـوان بـواق 000000000 لاعـاد يومٍ جـمعتنا صـدوفه
فأن كـان حبـك دايـم كـنه بـراق 00000000 والله ماحب اللي كثيرٍ صنوفه
لاواخـسـارة فـيك حـبي والأشواق 00000000 تقسى واناروحي عليك معطوفة
ياخـاين مالـك مـع الـناس ميثاق 00000000 مثلك من الخـلان جعلت ذلوفه
جـزاك مـني يـاريش العـين لفراق 00000000 وعهدٍ عليّ ماعاد وجهي تشوفه
دي_بياجيو
07-02-2003, 02:16
صح لسانج يا ترانيم
ومشكوره عالقصيده
.................
وصح لسانج يا عيون الريم بعد
تحياتي.......
عظيم الشوق
07-02-2003, 08:45
كلنا يا اخت ترانيم الشوق نريد الاستفاده من بعضنا البعض ..... جميل ان تهدين القصيده لشخص معين ..... فهي بلاشك رائعه من روائع كاتبها .... لا تبخلي علينا يا اختاه في ذكر الشاعر اللذي كتب هذي القصيده .... لان ذلك ظلم له وظلم لنا في نفس الوقت ..... ارجو اختاه ان تذكري ان كان يحضرك اسم الشاعر ..


شكرا لكي اختاه في مشاركاتنا في امارة الشعر ... فانتي بلا شك اخت غاليه ومشاركاتك مع انها قليله فهي رائعه جدااااااا


تقبلي اختاه تحياتي .. واحترامي وتقديري ....

اخوكي/////

عظيم الشوق
الحقاني@@
07-02-2003, 10:34
والف شكر

وسجلي أعجابي

الحق حق
الضرغام
08-02-2003, 12:35
اوف
صراحه كلامج جميل يا ترانيم
ترانيم الشوق
17-02-2003, 11:34
اشكركم اخواني على تواجدكم



والسموحه لو كنت اعرف اسم الشاعر لكن كتبته بس مااعرف منو هو :)
الوزير
20-02-2003, 07:41
جميل ان يخرج الشخص ما بداخله

وان يقر بما في نفسه

احيك اختي على المشاعر اللتي تملكبتها

فلا اجمل من الحب

ولا اعذب من الصدق

ولا افضل ان تعترف لمن تحب

ولكن يبقى السؤال ::

هل من تحب يستاهل كل هذا الحب ؟؟؟



تحياتي

الوزير